Iv сектор термиз шаҳри, Ат Термизий кўчаси. 96-уй. 2021 йил

ҲУДУДЛАРНИ КОМПЛЕКС ИЖТИМОИЙ-ИҚТИСОДИЙ РИВОЖЛАНТИРИШ, АҲОЛИНИ ИЖТИМОИЙ ҲИМОЯ ҚИЛИШ ТУРМУШ ДАРАЖАСИНИ ОШИРИШ, ТАДБИРКОРЛИКНИ РИВОЖЛАНТИРИШ, ҲУҚУҚБУЗАРЛИКЛАРНИ ОЛДИНИ ОЛИШ БЎЙИЧА ТЕРМИЗ ШАҲРИДАГИ IV СЕКТОР Термиз шаҳри, Ат Термизий кўчаси. 96-уй.
2021 йил «18» февраль № 4С-______-21-сон

“Қ А Р О Р”
Термиз шаҳар 4-сектор штаби аъзоларини
сектор таркибидаги МФЙларга
бириктириш тўғрисида

Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги ПҚ-4102-сонли Қарори ижросини таъминлаш мақсадида;

1. 
   4-сектор штаби аъзолари 1-иловага мувофиқ сектор таркибидаги маҳаллаларга бевосита бириктирилсин.
   

Сектор штаби аъзоси зиммасига қуйидаги асосий вазифалар юклатилсин:
а) Секторлар вазифа, функция ва ваколатларини амалга оширишни ташкил этиш;
б) Секторда ўзлари мансуб бўлган идора ва ташкилот фаолияти йўналиши бўйича муаммоларни аниқлаш ва ҳал этиш чораларини кўриш;
в) Бириктирилган маҳаллаларда барча йўналишдаги муаммоларни ҳар чоракда камида бир маротаба уйма-уй юриш, ижтимоий ва бошқа объектларни тўлиқ ўрганиш ва қайд этиш орқали аниқлаш ҳамда ҳал этиш чораларини кўриш;
г) Аниқланган муаммоларни ҳар томонлама чуқур таҳлил қилиш ва умумлаштириш асосида уларни туманлар (шаҳарлар)ни ижтимоий-иқтисодий ривожлантириш, аҳолининг турмуш тарзи ва ижтимоий муҳофазасини яхшилаш бўйича «йўл хариталари»га киритиш юзасидан таклифлар ишлаб чиқиш;

2. сектор штаби аъзоси ўзига тегишли идора ва ташкилот фаолияти йўналиши бўйича ҳамда ўзига бевосита бириктирилган маҳаллардаги ижтимоий ва иқтисодий ҳолат бўйича шахсан масъул ҳисоблансин.

3. Сектор штаби аъзолари ҳар ҳафтанинг жума куни сектордаги ҳамда ўзларига бевосита бириктирилган маҳаллалардаги фаолияти юзасидан сектор раҳбарига ахборот бериб бориши белгилансин.

4. Сектор штаби аъзоларининг иш фаолияти устидан назорат қилиш сектор штаби котиби Н.Мухамадиев зиммасига юклатилсин.