Қиз боланинг касби унинг бахти

Давра суҳбатини ўтказиш тартиби.

Умумий ўрта таълим мактабларининг 5-11 синфда ўқиётган қиз болалар учун “Қиз боланинг касби – унинг бахти” мавзусида давра суҳбати дарс машғулотларига таъсир кўрсатмаган ҳолда ўтказишни режалаштириш мақсадга мувофиқдир.

Умумий ўрта таълим мактабларининг 5-11 синфда ўқиётган қиз болалар учун “Қиз боланинг касби – унинг бахти” мавзусида давра суҳбатини ўтказиш режаси маҳалланинг хотин-қизлар маслаҳатчиси билан келишган ҳолда давра суҳбати сценарийси тузилади. Давра суҳбатини ўтказиш ва масъулларни белгилаш бўйича мактаб директорининг буйруғи чиқарилади.
Давра суҳбатини ўтказиш бўйича тавсиялар.

Давра суҳбатини мактабнинг 5-11 синфда ўқиётган қиз болаларни бадиий чиқишлари билан бошланади.

Мактаб директори давра суҳбатини кириш сўзи билан бошлаб, 5-11 синфда ўқиётган қиз болаларни касб-танлашларида мактабда яратилган шарт-шароитлар ҳақида тўхталиб, давра суҳбати иштирокчиларига муаммоли “Фарзандга бўлғуси касбни танлашга қай тарзда ёрдам берса бўлади?” савол билан мурожаат қилинади.
Мактабнинг 7-9 синфида ўқиётган қиз болалари ўз навбатида касбий тушунчалар ҳақида давра суҳбати иштирокчиларидан ўрганиши лозим бўлган жиҳатларни қуйидаги чиқишлар билан амалга оширишлари лозим.


1-кўриниш


1-ўқувчи қиз –Касбий маслаҳат нима?
2-ўқувчи қиз- Касбий маслаҳат-касбий ўзини-ўзи англашда бериладиган ёрдам.
3-ўқувчи қиз- Мен (Давра суҳбатига чорланган касб эгаларининг касбларидан келиб чиқиб) ҳамшира касбига қизиқишим бор, аммо бу касб ҳақида мен қуйидаги тушунчаларга эгаман. Ҳамшира-бу шифокор фаолиятининг барча йўналишларида малакали ёрдамчиси.
2-ўқувчи қиз- Ҳамшира қандай муҳим касбий сифатларга эга бўлиши лозим?
1-ўқувчи қиз –Бу борада давра суҳбати иштирокчиларига мурожаат қилсак?
Ҳар бир касб давра суҳбатига чорланган касб эгаларининг касбларидан келиб чиқган ҳолда шу тартибда олиб борилса, касбларнинг хусусиятлари ва сифатлари ҳақида тушунчаларга эга бўлибгина қолмай, касбнинг машаққатлари ҳақида ҳам билимларга эга бўлишади.