Ўйин қоидалари 2022/23 The International Football Association Board

Ўзгартириш киритилган матн
Учрашув/мусобақалар ташкилотчиси VAR баённомасининг барча талабларига риоя қилган ва FIFAнинг VAR баённомасида кўрсатилган Амалга оширишга кўмаклашиш ва тасдиқлаш дастурини (Implementation Assistance and Approval Programme – IAAP) амалга оширган бўлса ва IFAB ва FIFAнинг ёзма шаклдаги рухсати бўлган тақдирдагина Ҳакамнинг видео ёрдамчиларидан фойдаланишга рухсат этилади.
Тушунтириш
VAR дан фойдаланиш учун ёзма рухсат фақат FIFAдан талаб қилинади (шунингдек, 5.4-қоидага қаранг).
(VAR) Ҳакамнинг видео ёрдамчиси баённомаси (142-бет)

4. 
   Тартиб-таомиллар
   

Қўшимча киритилган матн
VAR, АVAR ёки Видеотакрорлар операторининг ўйинни олиб бора олмаслиги
Ўйиннинг бошқа расмий шахслари тўғрисидаги 6-қоида қуйидагича тартибни ўрнатади: “Мусобақа регламенти ўйинни бошлай олмайдиган ёки давом эттира олмайдиган учрашувнинг расмий шахслари ўрнини ким эгаллаши ва бу билан боғлиқ ўзгаришларни аниқ белгилаши керак”. VAR-дан фойдаланилган учрашувларда бу видеотакрорлар операторларига ҳам тааллуқлидир.
Учрашувнинг “видео” бўйича расмий шахси (УМО)/ видеотакрорлар оператори томонидан ишлаши учун махсус тайёргарлик ва малака талаб қилинганлиги сабабли мусобақа қоидаларига қуйидаги принсиплар киритилиши керак:

• 
  Учрашувни бошлай олмайдиган ёки давом эттира олмайдиган VAR, АVAR ёки видеотакрорлар оператори шу вазифада хизмат қилиш учун малакали киши билан алмаштирилиши мумкин.
  
• 
  Агар VAR ёки видеотакрорлар оператори* ўрнига малакали шахс топилмаса, ўйин VARдан фойдаланмасдан ўтказилиши/давом этиши керак.
  
• 
  Агар АVAR* ўрнига малакали шахс топилмаса, ўйин VARдан фойдаланмасдан ўтказилиши/давом этиши керак. Бунда ҳар иккала жамоа ўйинни VAR ва видеотакрорлар операторисиз ўтказиш/давом этиш тўғрисида ёзма равишда розилик билдирган ҳолат мустасно.
  

* Агар учрашувда бир нечта АVAR/ видеотакрорлар оператори иштирок этса, бу қоида қўлланилмайди.