Ájiniyaz atındaǵı Nókis mámleketlik pedagogikalıq institutı 5110200-Fizika hám astronomiya oqıtıw metodikası kafedrasınıń gezektegi №3-sanlı májilisiniń protokolınan kóshirme

Ájiniyaz atındaǵı Nókis mámleketlik pedagogikalıq institutı 5110200-Fizika hám astronomiya oqıtıw metodikası kafedrasınıń gezektegi № 3-sanlı májilisiniń protokolınan kóshirme
29-oktyabr 2021-jıl. Nókis qalası
Qatnasqanlar: Kafedra baslıǵı: A.Kamalov,
kafedra pedagog xizmetkerleri-12


KÚN TÁRTIBINDE:
Aǵımdaǵılar. Fizika hám astronomiya oqıtıw metodikası qánigeligi ziyrek talabası Azamat Izbastiyetı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw haqqında.
Tıńlandı: Kafedra baslıǵı A.Kamalov sózge shıǵıp, óz sózinde fakultetimizdiń “Fizika hám astronomiya oqıtıw metodikası” tálim baǵdarı 4-basqısh talabası Azamat Izbastiyevtı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıwdı aytıp óttı. A.Izbastiyev oqıw jılı dawamında “5” bahasına oqıp kelmekte. Bul talabamız oqıwǵa kirgen kúnnen baslap óziniń bilimi, talapshańlıǵı, jámiyetlik jumıslarda belsendiligi menen ajıralıp óz ustazlarınıń dıqqat ıtıbarına erisip kelmekte. Respublika hám xalıq-aralıq kólemde ótkerilip atırǵan bir qansha ilimiy-ámeliy konferenciyalarda da belsene qatnasıp kelmekte. Sonıń menen birge, kafedramızdaǵı “Jas fizikler” dógeregınıń aǵzası esaplanadı.
Izbastiyev Azamat bilimde hámde shaqqanlıq talap etetuǵın hár bir jumısta ózin kórsete aladı hám ǵayrat penen háreket qıladı. Onıń bugıngı kúnde 25 ke jaqın ilimiy maqalaları Respublika hám shet el jurnallarında, hátteki xalıq-aralıq bazalarda indeksaciya qılınǵan. Rossiya, Daniya, Germaniya, Polsha hám Ózbekstan jurnallarında ilimiy maqalaları baspadan shıǵarıldı. 2021-jıl 23-26-mart kúnlerı aralıǵında bolıp ótken “International forum solidarity forum for Afghanistan and Uzbekistan youth” forumınıń “Leaders of the future” baǵdarı boyınsha qatnasıp minnetdarshılıq xatı hám sertifikat menen sıylıqlandı. 2021-jıl 29-30-may kúnlerı Tashkent qalasında respublika kóleminde ótkerilgen “SMART MILLIY YOSHLAR FORUMI” ında belsene qatnasıp, óz qánigeligi boyınsha “THE BEST ARTICLE” nominaciyasın jeńıp alıwǵa miyassar boldı hám shólkemlestiriwshiler tárepinen arnawlı diplom penen sıylıqlandı. Sonıń menen birge, 2021-jıl 14-15-iyul kúnleri Qaraqalpaqstan Respublikasi Tórtkúl rayonında bolıp ótken “IT REVOLUTION” forumınıń “Robototexnika” baǵdarı boyınsha óz dóretiwshılıgı menen qatnasıp shólkemlestiriwshiler tárepinen arnawlı sáwǵalar hám sertifikat penen sıylıqlandı. Kafedra baslıǵı sıpatında bul balamızǵa aldaǵı jumıslarında tabıs tileymen hám “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplayman.
Tıńlandı: Fizika-matematika fakulteti “Fizika hám astronomiya oqıtıw metodikası” tálim baǵdarı 4-basqısh talabası A.Izbastiyev: oqıw jılı dawamında pánlerden jaqsı bahalarǵa oqıp kelmektemen. Respublika hám xalıq-aralıq kólemde ótkerilip atırǵan bir qansha ilimiy konferenciyalarda ilimiy basshım Fizika hám astronomiya oqıtıw metodikası kafedra baslıǵı, fizika-matematika ilimleri doktorı, A.Kamalov penen birgelikte tezis hám ilimiy maqalalarım menen qatnasıp sertifikatlar menen sıylıqlandım. Fakultetimizdiń jámiyetlik jumıslarına belsene qatnasıp kelmektemen. Meni “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep bilgenińiz ushın júda quwanıshlıman hám isenimińizdi aqlawǵa háreket etemen.
Sózge shıqtı: Fizika hám astronomiya oqıtıw metodikası kafedrası docentı S.Ashirbekova, docent B.Atashovlar sózge shıǵıp, ziyrek talaba A.Izbastiyevtı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw máselesinde óz pikirlerin bildirdi. Bul talabamızdıń aldaǵı jumıslarında hám oqıwlarında tabıslar tilep, “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep esaplaymız.
Kún tártibindegi másele boyınsha qarar qabıl etildi.
Qarar:

1. 
   Kafedra baslıǵı A.Kamalov ziyrek talaba A.Izbastiyevtı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına usınıw haqqında bergen bayanatın orınlaw hám maǵlıwmat ushın qabıl etilsin.
   
2. 
   Fizika hám astronomiya oqıtıw metodikası tálim baǵdarı 4-basqısh talabası A.Izbastiyev “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıq dep tabılsın.
   
3. 
   Fizika hám astronomiya oqıtıw metodikası tálim baǵdarı 4-basqısh talabası A.Izbastiyevtı “Jıl studentı-2021” tańlawınıń “Jıldıń eń belsendi bilimli studentı” (óz qánigeligi boyınsha) nominaciyasına ılayıqlıǵı haqqında kafedra sheshimin tastiyiqlaw ushın fakultet hám institut Ilimiy Keńesinen kórıp shıǵıw soralsın.
   

Fizika hám astronomiya oqıtıw
metodikası kafedrası baslıǵı: A.Kamalov
Xatker: T.Oteev