Jizzax viloyat adliya boshqarmasi
Download 122.33 Kb. Pdf ko'rish
|
1-15.7-7.179 23-сон мактабга
- Bu sahifa navigatsiya:
- Zarbdor tumanidagi 23-sonli umumta’lim maktabi direktori F.A.Bosimbekovga
- 2023-yil 10-mart kuniga qadar
- Adliya bo‘lim boshlig‘i B. Bozorov
|
O‘ZBЕKISTON RЕSPUBLIKASI ADLIYA VAZIRLIGI JIZZAX VILOYAT ADLIYA BOSHQARMASI ZARBDOR TUMAN ADLIYA BO‘LIMI TAQDIMNOMA Qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish to‘g‘risida 2023-yil 21-fevral 1-15/7-7//179-son Zarbdor tumanidagi 23-sonli umumta’lim maktabi direktori F.A.Bosimbekovga O‘zbekiston Respublikasi Prezidentining 2018-yil 13-apreldagi PQ-3666-sonli qarori bilan tasdiqlangan O‘zbekiston Respublikasi Adliya vazirligi to‘g‘risidagi Nizomga asosan davlat organlari va tashkilotlari faoliyatida huquqni qo‘llash amaliyotini o‘rganish va tahlil qilish adliya organlarining asosiy vazifalaridan biri hisoblanadi. O‘zbekiston Respublikasi Prezidentining 2021-yil 29-iyundagi PQ-5168-son Qarori bilan tasdiqlangan Yuridik xizmat ko‘rsatish markazlari to‘g‘risida Nizomning 12-bandida Markazlar tomonidan yuridik xizmat ko‘rsatilishi belgilangan tashkilotlar tomonidan Markazlar bilan kelishilmagan holda qabul qilingan yuridik tusdagi hujjatlar yuridik kuchga ega emas hamda ular qabul qilingan paytdan e’tiboran hech qanday huquqiy oqibatlarni keltirib chiqarmasligi, bundan ma’muriy javobgarlik va ma’muriy sud ishlarini yuritish to‘g‘risidagi, fuqarolik prosessual, jinoyat-prosessual, jinoyat-ijroiya, iqtisodiy prosessual qonunchilikka muvofiq qabul qilinadigan hujjatlar mustasno ekanligi belgilangan. Mazkur Nizomning 23-bandiga muvofiq, ushbu Nizomga rioya etilishini nazorat qilish adliya organlari tomonidan amalga oshiriladi. Adliya organlari o‘z vakolatlari doirasida ushbu Nizom va Markazlar faoliyatini tartibga soluvchi boshqa qonunchilik hujjatlari talablarining Markazlar xodimlari va boshqa tashkilotlarning mansabdor shaxslari tomonidan buzilishining aniqlangan holatlarini bartaraf etishga, shuningdek aybdor shaxslarni qonunchilik hujjatlarida belgilangan javobgarlikka tortishga yo‘naltirilgan choralarni ko‘radi. O‘zbekiston Respublikasi Prezidentining 2022-yil 18-martdagi “Yuridik xizmat ko‘rsatish markazlari faoliyatini yanada kengaytirish bo‘yicha qo‘shimcha choratadbirlar to‘g‘risida”gi PQ-173-son qaroriga asosan yuridik tusdagi hujjatlar xujjatlar «E-huquqshunos» elektron tizim orqali aylanib, Zarbdor tuman adliya bo‘limi Yuridik xizmat ko‘rsatish markazi tomonidan xulosalar olish belgilangan. Qarorlar talablariga rioya etilayotganligi ahvolini tahlil qilish maqsadida monitoring o‘tkazilganida quyidagilar aniqlandi. Xususan, “Umumta’lim maktablarini darsliklar va o‘quv-metodik qo‘llanmalar bilan ta’minlash tartibi to‘g‘risida”gi Nizomning 36-bandiga muvofiq, ijara tizimidagi darsliklar to‘plami o‘quvchilarga umumta’lim maktabi ma’muriyati va o‘quvchining ota-onasi yoki ularning o‘rnini bosuvchi shaxs yoxud homiy o‘rtasida mazkur Nizomning 6-ilovasiga muvofiq shaklda tuziladigan darsliklarni ijaraga berish to‘g‘risidagi namunaviy shartnoma asosida beriladi. Mazkur Nizomning 37-bandiga muvofiq, bepul foydalanish uchun taqdim etiladigan darsliklar va O‘MQlar, shu jumladan chet tillari bo‘yicha darsliklar va ularga O‘MQlar umumta’lim maktabi ma’muriyati va o‘quvchining ota-onasi yoki ularni o‘rnini bosuvchi shaxs yoxud umumta’lim maktabi o‘qituvchisi o‘rtasida mazkur Nizomning 7-ilovasiga muvofiq shaklda tuziladigan darsliklar va/yoki o‘quv-metodik qo‘llanmalarni bepul foydalanishga berish to‘g‘risidagi namunaviy shartnoma asosida beriladi. 2022-2023 o‘quv yili uchun maktab darsliklarini qayd etilgan Nizomning 7- ilovasiga muvofiq shaklda tuziladigan darsliklar va/yoki o‘quv metodik qo‘llanmalarni bepul foydalanishga berish to‘g‘risidagi namunaviy shartnoma asosida ijaraga berish joriy qilindi. Biroq, monitoring o‘tkazilganida 23-sonli maktab tomonidan 2022 o‘quv yilida jami o‘quvchilarning soniga mutanosib ravishda o‘quvchilarning ota-onalari yoki ularning o‘rnini bosuvchi shaxslar bilan darsliklarni ijaraga berish to‘g‘risida 80 ta, darsliklar va/yoki o‘quv metodik qo‘llanmalarni bepul foydalanishga berish to‘g‘risida 20 ta shartnomalar tegishli tartibda tuzilmaganligi va “E-huquqshunos” elektron tizimi orqali Adliya bo‘limi yuridik xizmat ko‘rsatish markazidan xulosa olinmaganligi aniqlandi. Yuqoridagilarga va O‘zbekiston Respublikasi Adliya vazirligi to‘g‘risidagi Nizomni qo‘llab, SO‘RAYMAN: 1. Taqdimnomada ko‘rsatib o‘tilgan jami 100 ta shartnomalarni huquqiy oqibati bo‘yicha ijrosini to‘xtatib, bekor qilishingizni va tegishli tartibda YuXKM orqali xulosa olinib, qonunchilik hujjatiga muvofiqlashtirishingizni; 2. Sohaga oid qonunchilik hujjatlari talablariga rioya etilishini ustidan idoraviy nazoratni kuchaytirishingizni; 3. Taqdimnoma ijrosi yuzasidan amalga oshirilgan ishlar to‘g‘risida 2023-yil 10-mart kuniga qadar asoslovchi hujjatlarni ilova qilgan holda tuman adliya bo‘limiga yozma ma’lumot berishingizni. Eslatma: Adliya organlarining bajarilishi majburiy bo‘lgan taqdimnomalarini bajarmaslik MJtKning 198 4 -moddasiga asosan ma’muriy javobgarlikni keltirib chiqaradi. Adliya bo‘lim boshlig‘i B. Bozorov Ijr.: M.Qulmatov Tel.: +99893-122-24-79 Download 122.33 Kb. Do'stlaringiz bilan baham: 
|