Joba: Ma’mleketlik kadastri tu’sinigi ha’m onın’ mazmunı

3. Ma’mleketlik qalasazliq kadastrin ju’ritiw ta’rtibi
Ma’mleketlik qalasazliq kadastrin ju’ritiw ma’mleketlik qalasazliq kadastri obiyektlerinin` barliq tu’rlerin dizimge aliwdi, olardin` mug’dar ha’m sapa jag`daylarin, ekanomikaliq bahasin esaplap aliwi, sonin’ menen kadastr mag`liwmatlarin toplap, analiz qiliw, qayta islew, sistemalastiriw, saqlaw, jan’alaw ha’m nizam hu’jjetlerinde belgilengen ta’rtipte ma’pdar paydalaniwshig’a beriwdi o’z ishine aladi.
Ma’mleketlik qalasazliq kadastri obiyektleri dizimi olardin’ mug’dar ha’m sapasi sondayaq ekanomikaliq bahasin esapqa aliw ushin tiykar esaplanadi.
Ma’mleketlik qalasazliq kadastri obiyektleri ha’mme tu’rleri baslang’ish dizimge kiritiw kerek. Bunda tiykarinan ko’rsetkishler qayd etiledi, olardin’ qurami “Davarxetekqurilish” komiteti ta’repinen “Yergeodezkadastr” Ma’mleketlik komiteti menen kelisken halda tastiyqlanatug’in tiyisli normativ hu’jjetler menen belgilenedi. Dizimga aliw na’tiyjeleri boyinsha ha’r bir obiyekt boyinsha a’melge asiriladi.
Ma’mleketlik qalasazliq kadastri obiyektlerinin’ mag`liwmatlarinda endi bolatug’in o’zgerisler esapqa aliwda qayd etiledi.
Ma’mleketlik qalasazliq kadastri obiyektlerinin’ mug’dar ha’m sapasi tuwrisindag`i esabi olardin’ ekanomikaliq, qalasazliq ha’m ekologik belgileri boyinsha spatlamalarin o’z ishine aladi, olardin’ qurami ma’mleketlik qalasazliq kadastrin ju’ritiw boyinsha normativ hu’jjetlerine belgilenedi.
Ma’mleketlik qalasazliq kadastri obiyektleri mug’dar ha’m sapasin esapqa aliw ushin “Davarxekqurilish” komiteti ta’repinen “Yergeodezkadastr” Ma’mleketlik komiteti menen kelisken halda kadastr mag`liwmatlarin ko’rsetiwdin’, texnikaliq parametrleri ha’m formatlari islep shig’iladi.
Hu’jjetler tiykarinda ra’smiylestirilgen ha’m belgilengen ta’rtipte tastiyqlang’an esapqa aliw mag`liwmatlari kadastr da’pterine jaziladi ha’m ma’mleketlik qalasazliq kadastrinin’ avtomatlastirilg’an informatsiyaliq sistemasina kiritiledi.
Ma’mleketlik qalasazliq kadastri obiyektlerin ekanomikaliq bahalaw saliq saliw, qa’siyetlestiriw ha’m basqa maqsetler ushin ha’r qaysi obiyekttin’ esabin aniqlaw maqsetinde a’melge asiriladi.
Ma’mleketlik qalasazliq kadastri obiyektleri ekanomikaliq bahalaw olardin’ o’zine ta’n qa’siyetleri esapqa alg’an halda nizam hu’jjetlerinde belgilengen ta’rtipte a’melge asiriladi.
Ma’mleketlik qalasazliq kadastri obiyektleri tuwrisinda kadastr mag`liwmatlarinin’ isenimliligi ushin ma’mleketlik qalasazliq kadastrin ju’ritiwi “Davarxekqurilish” komiteti wa’ka’la’tli organlardin’ ha’m aymaqliq arxetektura ha’m qurilis bas basqarmalari wa’ka’la’tli bo’linbeleri basliqlari juwap beredi.