Joba: O`zbekstan Respublikası agrar siyasatı

Ekinshi basqısh (1930-1941-jıllar).

1930-jılda Stalingrad traktor zavodı (CT3) iske tu’siriledi ha’m CT3-1 (AQSH tın’ 15/30 markalı traktorına uqsas) do’n’gelekli traktorı islep shıg’arıla baslandı. 1931-jıldan baslap usı markalı traktor Xarkov traktor zavodında da islep shıg’arılıp, og’an CXT3 dep at berildi.

1932-jılda Chelyabinsk traktor zavodı iske tu’sti (ChTZ) ha’m shınjırlı traktorlar islep shıg’arıla baslandı. En’ birinshi shınjırlı traktor S-60 ta 4 silindrli dvigatel omatılg’an, bul traktor AQSH Katerpiller firmasının’ 50/60 markalı traktorına uqsas bolg’an.

1934-jıldan baslap «Krasnıy Putilovets» zavodında u’sh do’n’gelekli paxtashılıqta isletiletug’ın «Universal-1» traktorı islep shıg’arılg’an. Usı traktor AQSH tın’ «International» firmasında shıg’arılıp atırg’an «Formol» traktorına uqsas.

1937-jıldan baslap do’n’gelekli traktorlar menen birge CXT3-NATI markasındag’ı shınjırlı traktorlar da islep shıg’arıla basladı.

SXTZ-NATI traktorında kerosin janılg’ısında isleytug’ın 4 silindrli, quwatı 52 OK bolg’an karburatorlı dvigatel ornatılg’an. Sonı aytıw kerek bul traktorlardın’ ju’ris bo’liminde qollanılg’an balansirli aspa zamanago’y shınjırlı traktorlarda da qollanılıp kelinbekte (DT-75M, DT-1758, T-150).

1935-jılda eski soyuzda birinshi quwatı 75 OK bolg’an dizel tayarlang’an ha’m bul dizel C-65 markalı shınjırlı traktorg’a ornatılg’an. Leningrad-Kirov zavodı (da’slepki «Krasnıy Puti-lovets») «Universal» markalı chopiq traktorı menen birge gazogenerator u’skeneli tog’ay xojalıg’ında isletiletug’ın 45 OK ne iye bolg’an shınjırlı traktorlar da islep shıg’arg’an.