Joybar teması: Fermer xojalıqları iskerligin modellestiriw

Joybar teması: Fermer xojalıqları iskerligin modellestiriw

M a z m u n ı

KİRİSİW ………………………………………………………………..		3
§1.	Fermer xojalıqları informatsiyalıq sistemasınıń rawajlanıwı, maqset hám wazıypaları ………………………	6
§2.	Fermer xojalıqları biznes protsesslerin CASE texnologiyaları tiykarında informatsiyalıq modellestiriw ……………………………………………………………………….	9
§3.	Fermer xojalıqları iskerligin optimallastırıwdıń eki kriteriyalı matematikalıq modeli …………………………….	16
§4.	Fermer xojalıqların effektiv basqarıwdıń eki kriteriyalı stoxastikalıq máselesi sheshimi ………………………………..	20
JUWMAQ ………………………………………………...........................		25
Paydalanılǵan ádebiyatlar ……………………………….		26
Qosımshalar ………………………………………………………..		27

KİRİSİW

Temanıń aktuallıǵı. Búgingi kúni maǵlıwmatlardı jóneltiw, qayta islew, tarqatıwǵa baylanıslı informatsiyalıq jámiyette agrar sektorda da belgili ózgerisler qılıw kerekligin daǵazalaydı. Basqarıw organlarına, rayon, region basshılarına kelip túsiwshi maǵlıwmatlar kóleminiń keskin ósip ketiwi, agrar sektorda sheshim qabıllawda jetilistirilgen programmalıq-texnikalıq qurallardı paydalanıw kerekligin kórsetedi.
Agrar óndirislik kompleksti basqarıw effektivligin asırıwdıń bas quralı awıl xojalıǵı iskerligin informatsiyalıq modellestiriw bolıp tabıladı. Bunday informatsiyalıq modellestiriw nátiyjesinde AÓK kárxanaların operativ basqarıw, isenimli esaplawlar islew, resurslardı bahalaw, ekonomiikalıq analiz jasaw hám spravka-analitikalıq maǵlıwmatlar alıw imkániyatların jaratadı. Fermer xojalıqlarınıń óz halatları hám potentsiyalı, óz konkurentlerinen artıqmash hám kemshilik tárepleri, bazar qatnasıqlarına baylanıslı anaw yaki mınaw resurslardıń qımbatlap yaki arzanlap ketiwiniń nátiyjedegi awıl-xojalıq ónimi óndirisine qatnası hám basqa halatların úyreniwge boladı.
Sonıń menen bir qatarda fermer xojalıqlarınıń iskerligin region ayrıqshalıqların esapqa alǵan halda úyreniw, sońǵı waqıtları keń tarqalǵan dúnya júzilik standartlar MRP, ERP tiykarında, CASE texnologiyaları tiykarında úreniw aktual máseleler qatarında sanaladı.
Xalıq xojalıǵınıń hár qıylı tarawları boyınsha informatsiyalıq sistemalardı jaratıwdıń hám endiriwdiń hár qıylı aspektleri kóplegen İnternet betlerinde hám ilimiy jurnallarda: www.osmag.ru («Otkrıtıe sistemı» jurnalı), www.interface.ru (Interface Ltd. Kompaniyası saytı), www.cfin.ru, kis.pcweek.ru («Planeta KİS» jurnalı) h.b. İnternet resurslarında, sonday-aq ilimpazlar G. Vernikov, İ. Aglitskiy, A. Gaverdovskiy, S. Maklakov, S. Kolesnikova, T. Smorodina, B. Gayfullina ilimiy miynetlerinde keń jarıtılǵan.
Aytıp ótilgen jaǵdaylar hám shárayatlar berilgen joybar temasın saylawdı, ilimiy-izertlew maqsetlerin hám wazıypaların belgilewdi daǵazalaydı hám berilgen joybar temasınıń aktuallıǵın belgileydi.