Касб психологияси шахсда касбга доир билим, кўникма, малакаларни шунингдек

Ижтимоий малакалар – ижтимоий ҳаётда фаол иштирок этиш ва жамоа орасида 
ўзини тута билиш малакалари.
Индивидуал муносабат – ҳар бир шахснинг ақлий, маданий ва билим даражасини, 
ёш ҳамда индивидуал хусусиятларини ҳисобга олган ҳолда муомала-муносабатда бўлиш. 
Индивидуал тажриба – ҳар бир шахснинг ўз ҳаёти давомида орттирган тажрибаси. 
Индивидуал хусусиятлар – маълум бир шахснинг фақат ўзига хос бўлган 
хусусиятлари. 
Индивидуализм – шахсий манфаатларни жамоат манфаатларидан юқори қўйиш, 
фақат ўзининг тор манфаатларини кўзлаб иш тутишда ифодаланадиган салбий характер 
хислати. 
Индивидуаллик – ҳар бир тирик мавжудотнинг уни шу турдаги бошқа 
мавжудотлардан фарқлантирувчи хусусиятлари йиғиндиси. 
Индустриал психологияси – меҳнат психологиясининг психологик омилларнинг 
саноатдаги ролини ўрганувчи, психологиянинг қонуниятларига асосланиб, меҳнат 
унумдорлигини ошириш масалалари билан шуғулланувчи махсус соҳаси. 
Инертлик – фаолиятда сусткашлик кўрсатишдан иборат салбий характер хислати. 
 
Инсонийлик – ўзаро муомала ва муносабатларда инсонга хос бўлган барча ижобий 
фазилатларга риоя қилишдан иборат характер хислати. 
Интизомлилик – муайян жамоанинг барча аъзолари учун мажбур бўлган қатъий 
тартиб ва хулқ-атвор қоидаларига тизимли равишда риоя қилишдан иборат бўлган ижобий 
характер хислати. 

---

168 
Интизомсизлик – жамоат жойлари, меҳнат, ўқиш ёки оила жамоасининг тартиб 
қоидаларига тизимли равишда риоя қилмаслик ёки уларни бузишдан иборат салбий 
характер хислати. 
Интроверсия – шахснинг ўз фикрлари, сезгилари, кечинмалари ва ҳис-туйғуларига 
таяниш. 
Ирода кучи – шахснинг ўз олдига қўйган мақсадининг аниқлиги, уни амалга 
оишириш учун интилиши, мақсад йўлида маълум бир қарор қабул қилиш тезлиги ва уни 
ўз вақтида ижро этиши билан белгиланадиган ирода сифати.