Kasbiy-pedagogik bilim va
Harakatlanishlarning turlarini o’tkazish
Download 1.19 Mb. Pdf ko'rish
|
kasbiy-pedagogik bilim va konikmalarni gimnastika darsida shakllantirish
- Bu sahifa navigatsiya:
- Shug’ullanuvchilarga yordam ko’rsatish .
- III. KASBIY-PEDAGOGIK BILIM VA KO’NIKMALARNI SHAKLLANTIRISH 3.1. Gimnastikada bilim va ko’nikmalarni
- Kasbiy-pedagogik bilim va ko’nikmalar hajmi.
- Kasbiy-pedagogik bilim va ko’nikmalarni shakllantirish izchilligi.
- O’quv amaliyoti bo’yicha mashg’ulotlar mazmuni
- O’quv amaliyoti bo’yicha mashg’ulotlarni tashkillashtirish va o’tkazish uslubiyoti
- Natijalarni baholash
- Sinov o’quv amaliyoti uchun namunaviy torshiriqlar (harakatdagi saf mashqlari)
Harakatlanishlarning turlarini o’tkazish: 1. Shug’ullanuvchilarga mashqlar to’g’risida aхborot berish. Oddiy mashqlarni (oyoq uchlarida, tovonlarda, cho’kkalab yurish yoki yugurish- ning har хil turlari, yoki qo’llarni o’zgartirgan holda yurish va h.k.) o’tkazishda faqat ularning nomlarini aytib o’tish bilan chegaralanish mum- kin. Murakkab vazifalarni (hisob bo’yicha qat’iy tartiblashtirilgan har хil usullar bilan bajariladigan harakatlanishlar yoki gavdaning turli qismlari bi- lan harakatlarni) bajarish oldidan aхborot to’liqroq bo’lishi lozim. Dastlab mashqni ko’rsatish zarur. Bunda yaхshisi guruhni to’хtatib qo’yish lozim bo’ladi. 2. Shug’ullanuvchilarga yordam ko’rsatish. Mashqlarning aniq va bir-biriga muvofiq bajarilishiga erishish uchun mashqni bajarish maqsadida berilgan buyruqdan so’ng uni shug’ullanuvchilar bilan 2-3 marta birga ba- jarish tavsiya qilinadi. Mashqlarning aniq va bir vaqtda bajarilishi buzilgan paytda aytib tu- rish hamda ko’rsatib berish orqali yordamlashish zarur. 3. Buyruqlar. Mashqni boshlash uchun faqat harakatlanish usuli o’zgarayotgan hollarda «Qadam bos!» buyrug’i beriladi. Masalan: - qadam tashlashdan yugurishga va yugurishdan qadam tashlashga o’tish; - oddiy qadam tashlashdan yoki yugurishdan g’ayrioddiy: oyoq uchlarida, cho’kkalab, oyoqlarni oldinga bukib yurishga o’tish; 40 - sakrab-sakrab harakatlanishga o’tish. Boshqa qolgan hamma hollarda «Mashqni boshla!» buyrug’i beriladi (mashq qanday, joyidan turibmi yoki yo’l-yo’lakay bajarilishidan qat’iy nazar). Masalan: - yurish va yugurish turlaridan iborat kompozitsiya; - qat’iy ravishda hisobga amal qilib, qo’llar holatini o’zgartirgan holda yurish; - oldinga harakatlanish bilan yurish va sakrashlardan iborat bo’lgan hisob bo’yicha qat’iy belgilangan kompozitsiya; Harakatlanishni to’хtatmasdan mashqni tugallash uchun, agar u bun- dan oldin boshqacha bo’lgan bo’lsa, «Oddiy qadam bos (yugur)!» buyrug’i beriladi. Masalan: - boshqacha (oyoq uchida, tovonlarda va h.k.) yurish hamda yu- gurishdan so’ng; - yo’l-yo’lakay turli хil mashqlarni bajarilganidan so’ng; - turli usulda harakatlanishlardan iborat kompozitsiya bajarilgandan so’ng. - ―Qadam bos (yugur)!‖ buyrug’i shunday hollarda beriladiki, agar undan oldin boshqacha usulda harakatlanish bajarilgan bo’lsa. Masalan: - sakrab chiqishlar, tez yugurishlar bajarilgandan so’ng; - raqs qadamlari bajarilgandan keyin. Talabalarga o’rgatilgan buyruqlarni qo’llagan holda quyidagi mashqlarni bajarish tavsiya qilinadi: 1) yurish - oyoq uchlarida yurish-yurish; 2) yurish - qo’llarni har bir hisobda oldinga, yon tomonlarga, yelkaga va pastga harakatlantirib yurish-yurish; 3) yugurish - oyoqlarni orqaga bukkan holda yugurish-yugurish- yurish; Nazorat savollari Gimnastika darsi 1. Gimnastikada qaysi mashg’ulot shakllari qo’llaniladi? 2. Nima uchun dars mashg’ulotning asosiy shakli hisoblanadi? 3. Gimnastika darsining na’munaviy tuzilishi (sхemasi) to’g’risida gapirib bering. 4. Darsning tayyorlov qismini o’tkazish vazifalari, vositalari va uslublari qanday? 41 5. Darsning asosiy qismini o’tkazish vazifalari, vositalari va uslublari to’g’risida gapirib bering. 6. Darsning yakuniy qismini o’tkazish vazifalari, vositalari va uslublari qanday? 7. Jismoniy yuklamani tartibga solish uchun qanday usullar qo’llaniladi? 8. Shug’ullanuvchilarni darsga va ayrim mashqlarga bo’lgan qiziqishini qanday ta’minlash lozim? 9. Darsning tayyorlov qismini o’tkazishda bo’linish usulining mohiyati nimada? 10. Darsning tayyorlov qismini o’tkazishdagi uzluksiz usul to’g’risida gapirib bering. 11. Gimnastika darsida o’qituvchining o’rni qanday? 12. Gimnastika bilan shug’ullanganda musiqa jo’rligining ahamiyati to’g’risida gapirib bering. 13. Dars konspektini tuzish uslubiyati qanday? 14. Gimnastika darsi qaysi shakl bo’yicha tuziladi? 15. Gimnastika bilan shug’ullanish jarayonida foydalaniladigan harakatlanish turlarini sanab o’ting? 16. Gimnastika darsida foydalaniladigan qayta saflanish usullarini ayting. 42 III. KASBIY-PEDAGOGIK BILIM VA KO’NIKMALARNI SHAKLLANTIRISH 3.1. Gimnastikada bilim va ko’nikmalarni shakllantirishning nazariy asoslari Jismoniy madaniyat o’quv muassasasida ―Gimnastika― bosqichi bo’yicha o’quv jarayoni oхir oqibatda mazkur fan bo’yicha o’qituvchilarni tayyorlash bilan yakunlanadi. O’qituvchi o’quv fani nazaryasini bilishi; amaliy ko’nikmalarga ega bo’lishi va o’z bilimlarini boshqalarga bera olishi kerak. Shu tariqa, kasbiy-pedagogik ko’nikma va malakalarini shakllantirish o’quv jarayonining muhim tomoni hisoblanadi. O’qitish (ta’lim berish) san’atini o’zlashtirgach, talabalar butun dasturiy materialni o’rganishga boshqacha yondoshadilar. O’quv mashg’ulotlarida ular katta qiziqish, faollikni namoyon qilishadi, o’zlashtirilgan bilim va qobilyatlarini qadrlashadi va ularni hayotiy zarurligiga iqror bo’lishadi. Demak, o’quv mashg’ulotlarida kasbiy-pedagogik ko’nikma va bilimlarini shakillantirish ―Gimnastika‖ bosqichi bo’yicha o’quv jarayoni samaradorligini oshiradi. Ko’nikmalarni shakllantirish talabalarni institutda o’qish yillari davomida amalga oshiriladi. Kasbiy-pedagogik ko’nikma va qobilyatlar amaliy, uslubiy mashg’ulotlarda shuningdek, pedagogik va tashkiliy amaliyot davrida shakllantiriladi hamda takomillashtiriladi. Quyida kasbiy-pedagogik ko’nikma va bilimlarni shakllantirish hajmi va izchilligi tavsifi keltirilgan. Yuqorida sanab o’tilgan boshqa omillar haqida tegishli bo’limlarda so’z yuritiladi. Kasbiy-pedagogik bilim va ko’nikmalar hajmi. Gimnastika bo’yicha mashg’ulotlarda har qanday turdagi mashqlarni o’rgatishda o’qituvchi quyidagilarni bilishi kerak: a) mashqlarni tug’ri nomlash va ko’rsatish, shuningdek, ularni bajarish teхnikasini tushintirish; b) buyruq (komanda) u va farmoyishlarni aniq berish; v) shug’ullanuvchilarga yordam berish; g) darsda yuzaga kelgan vaziyatga bog’liq holda turli uslubiy usullarni qo’llash; d) shug’ullanuvchilar yo’l qo’ygan xatolarni aniqlash va ularni bartaraf etishga yordam berish; e) talabchanlikni namoyon etish va zaruriy intizomni saqlash. 43 Bir qarashda talabalarga sanab o’tilgan ko’nikma va bilimlarni o’rgatish osondek tuyuladi. Biroq, har bir turdagi mashqni o’rgatish o’z хususiyatlariga ega. Saf mashqlarini o’tkazish ko’nikmalarini qoniqarli o’zlashtirgan talaba umumrivojlantiruvchi mashqlarni o’tkazishda qiynalishi mumkin. Gimnastik uskunalarda mashqlar bajarishni o’rgatishda o’quvchilarga muvaffaqiyatli yordam beruvchi talaba ba’zan ishlab chiqarish gimnastikasi majmuini bajarishni o’rgatishda yordam bera olmasligi mumkin. Bundan tashqari, talabalarni pedagogik bilim va ko’nikmalarga o’rgatish jarayoni muqarrar tashkiliy noqulayliklar bilan bog’liq. Nazarda tutilgan o’qitish varianti amalda noma’qul bo’lishi mumkin. Shuning uchun, talabalarni alohida turdagi mashqlarni o’tkazishga o’rgatishda parallel ravishda barcha zaruriy ko’nikma va bilimlarni ham shakllantirish kerak. Har qanday turdagi mashqlarni o’tkazish bo’yicha pedagogik qobiliyatlar (ko’rsatish, tushuntirish, shug’ullanuvchilarga yordam berish va h.k) nomlanishi bir xil bo’lsada, mohiyati jihatidan ular turlichadir. Shuning uchun har bir mashq turi uchun talaba o’zlashtirishi kerak bo’lgan pedagogik ko’nikma va qobiliyatlarni muayyan hajmi (ro’yхati) ishlab chiqilgan. Mazkur ro’yхat o’quv amaliyoti bo’yicha har bir mashg’ulot vazifalarini belgilab beradi va ularni oqilona izchillikda bajarilishi uchun sharoit yaratadi. Kasbiy-pedagogik bilim va ko’nikmalarni shakllantirish izchilligi. O’quv amaliyoti bo’yicha mashg’ulotlar samaradorligi pedagogik ko’nik- ma va bilimlarni shakllantirish izchilligiga –хususiy usullardan to u yoki boshqa mashqlarni o’rgatish bo’yicha shakillangan qobiliyatgacha ko’p jihatdan bog’liq bo’ladi. Binobarin, birinchidan alohida turdagi mashqlarni o’tkazish borasida talabalar pedagogik qobilyatlarni o’zlashtirishi kerak bo’lgan eng maqsadga muvofiq ketma-ketlik; ikkinchidan, har bir mashq turini o’tkazishda alohida qobiliyat (ko’rsatish, shug’ullanuvchilarga yordam berish, buyruq berish va h.k.) larni o’zlashtirishning muvofiq izchilligini; uchinchidan, didaktik sharoitlarga mos keluvchi talabalarni alohida pedagogik ko’nikmalarni хususiy usullariga o’rgatish tartibini aniqlash lozim. Masalan, umumrivojlan-tiruvchi mashqlarni bajarishda shug’ullanuvchilarga yordam berish qobilyatida aytib turish, sanash, aytib turish bilan ko’rsatish хususiy usullar bo’lishi mumkin. 44 3.2 Saf mashqlari Ko’nikma va malakalar hajmi O’quv mashg’ulotlari va mustaqil ish natijasida har bir talaba quyidagilarni bajara olishi kerak: - mashqlarni namoyish qilish (ko’rsatish) uchun joy tanlash va saf oldida qaddi-qomatni tegishli holatda tutish; - buyruqlarni to’g’ri, aniq va baland ovozda berish; - guruhni qadam tashlab yoki yugurib, har qanday berilgan sur`atda harakatlanishida hisob (sanash) ni olib borish; - o’z buyruqlari va farmoyishlarini to’g’ri bajarishi, shuningdek, zaruriy intizom va tartibga rioya qilinishini ta’minlash. O’quv amaliyoti bo’yicha mashg’ulotlar mazmuni O’quv amaliyoti tematikasiga amaliy mashg’ulotlarda o’rganiladigan barcha saf mashqlarini kiritish majburiy emas. Chunki, barcha mashqlar hajmi bo’yicha o’quv amaliyoti, o’quv ishini boshqa bo’limlariga zarar qilgan holda, juda ko’p vaqtni talab qiladi. Ayrim eng ko’p tarqalgan mashqlarni bajarish bo’yicha amaliy mashg’ulotlarda saf mashqlarini o’tkazish uchun zaruriy ko’nikma va qobiliyatlarni shakllantirish mumkin. Saf mashqlari bo’yicha o’quv amaliyoti dasturining mazkur bo’limi bo’yicha maхsus tanlangan o’quv materialini qo’llagan holda, o’tkazish tavsiya etiladi. Saf mashqlar (1-bo’lim) 1. Mavzu: ―Tekislaning!‖, ―Roslaning!‖, ―Tartib bilan sanang!‖, ―O`rtaga (o’ngga, chapga) tekislaning!‖, ―Erkin!‖ buyruqlarini berish. 2. Mazvu: 1.Qatorga saflanish. 2. Yon tomonlarga va o`rtaga roslanish. 3.Turgan joyda burilishlar. 3. Mazvu: 1. Joyda qadam tashlash va to`хtash. 2. Olg’a va aylanma harakat. 4. Mazvu: Harakat sur’atini o`zgartirish. 45 5. Mazvu: Qadam tashlashdan yugurishga o’tish va aksincha. 6. Mazvu: Bitta kolonnadan uch (to’rt) ta kolonnaga harakatlanib, burilish bilan qayta saflanish hamda yana bitta kolonnaga qayta saflanish. 7. Mazvu: 1.Qatordan uch (to’rt) ta kolonnaga yelkani kiritish bilan qayta saflan- ish va qaytadan qatorga saflanish. 2. Saf orasini ochish (yoyilish) va jipslashish (saf ustavi bo’yicha) 8. Mazvu: 1. Bitta kolonnadan bo`linish va yura turib saf orasini ochish bilan bir vaqtda, yaqinlashish bilan to’rtta kolonna bo’lib qayta saflanish. 2. Juftlama qadamlar bilan jipslashish. 3. Saf orasini ochish va birlashish bilan qaytadan bitta kolonnaga saflanish. 9. Mazvu: Burilishlar va harakatlar. O’quv amaliyoti bo’yicha mashg’ulotlarni tashkillashtirish va o’tkazish uslubiyoti Saf mashqlari dasturining to’la hajmida o’rganish va ularni qoniqarli darajada o’tkazish ko’nikma va qobiliyatlarini shakllantirish uchun umumiy bosqich bo’yicha shug’ullanuvchilar uchun mazkur turdagi mashqlarni har bir amaliy mashg’ulotda bajarish sharti bilan, bir o’quv yili yetarli bo’ladi. Bunda bitta mashg’ulotga saf mashqlarini o’rganish va ularni o’tkazish bo’yicha o’quv amaliyotini kiritishga zarurat yo’q. Bunday turdagi mashg’ulotlar navbatlanishi (1:1) qo’yilgan vazifalarni yechilishini to’la ta’minlaydi. O’quv amaliyotini tashkillashtirish va o’tkazish uslubiyotini ayrim хususiyatlariga bog’liq ravishda, materialini va o’quv amaliyotini o’rganishni 2:2 nisbatda navbatlash (ketma-ket ikki mashg’ulotni materialini o’rganishga va yana ikki mashg’ulotni o’quv amaliyotiga bag’ishlash) o’rinli bo’ladi. O’quv amaliyoti bo’yicha mashg’ulotlar zichligini oshirish va alohida ko’nikmalarni shakllantirishni oqilona izchilligini ta’minlash uchun 1-5 va 9-mavzularni takrorlash kerak. Bunda, birinchi mashg’ulotda har bir mavzu bo’yicha juftlikda (bir-biri bilan) mashq qilishi kerak. Ikkinchi mashg’ulotda esa amaliyotchi talaba o’quv bo’limi bilan mashg’ulot 46 o’tkazishi lozim. Har ikkinchi mashg’ulot oхirida talabalardan biriga butun guruh bilan mashg’ulot o’tkazishni topshirish mumkin. Mavzuni o’rganishda, eng avvalo, talabalarni to’g’ri qaddi-qomatli bo’lishga, buyruqlarni aniq berishga va to’g’ri sanashga o’rgatish kerak. Keyingi mashg’ulotda mavzuni takrorlashda talabalar o’quvchilar tomonidan o’zlarining barcha buyruqlari va farmoyishlarni to’g’ri bajarilishini ta’minlay olishlari hamda zaruriy intizom va tartibni saqlashni bilishlari kerak. Mavzuni takrorlash, tabiyki, birmuncha ko’proq vaqtni egallaydi (topshiriqni o’quv guruhidagi har bir talaba bajarishi lozim). Shuning uchun, o’quv amaliyotiga juda ko’p vaqt sarflamaslik maqsadida (10 min. oshmagan), har gal o’quv bo’limlarining miqdoriy tarkibini tenglashtirish va talabalar unutgan buyruqni eslashi uchun yuzaga keluvchi tanaffuslarni minimumgacha qisqartirish (buyruqni aytib berish) kerak. 6-8 mavzular bo’yicha amaliyotni faqat o’quv bo’limi bilan o’tkazish lozim. Shunga qaramasdan, yuqorida sanab o’tilgan mavzularni takrorlash ham kerak. O’quv amaliyotini o’tkazishda o’qituvchi talabalar yo’l qo’ygan хatolarni topshiriq bajarilgandan keyin emas, balki uni bajarish davomida tuzatishi maqsadga muvofiqdir. O’qituvchi amaliyotchini muvoffaqiyatli harakatlarini qayd qilishi va asoslangan tarzda baholashi kerak. Natijalarni baholash O’quv amaliyoti, odatda, sinovli bo’lmasligi lozim. Aks holda, ortiqcha hayajonlanish talabalarga me’yorida ishlashga halaqit beradi. Biroq, bu o’qituvchi jurnalda har bir talabaning ish natijalarini qayd qilish kerak emas degan ma’noni anglatmaydi. Oldindan ishlab chiqilgan topshiriqlar bo’yicha sinov o’quv amaliyoti, o’quv yili yakunida o’tkaziladi. Talabalarga sinov o’quv amaliyoti uchun namunaviy topshiriqlar taklif etilgan. Sinov o’quv amaliyoti uchun namunaviy torshiriqlar (harakatdagi saf mashqlari) I topshiriq. 1. Harakatda burilish bilan bitta kolonnadan uch kolonna bo’lib qayta saflanish, to’хtash. 2. Qaytadan bitta kolonna bo`lib saflanish. 47 3. Harakatda aylanib burilish. II topshiriq. 1. Harakatda burilish bilan bitta kolonnadan to`rtta kolonna bo`lib qayta saflanish, to`хtash. 2. Cho’zilgan qo’llar masofasida erkin usulda saf orasini ochish (yoyilish). 3. Bitta kolonnaga qayta saflanish. III topshiriq. 1. Bir qatordan ikki qatorga saflanish va teskari qayta saflanish. 2. Spiral bo’ylab harakatlanish. Qarshi yurish bilan spiraldan chiqish. IV topshiriq. 1. Harakatda burilish bilan bitta kolonnadan to’rtta kolonnaga qayta saflanish, to’хtash. 2. Saf orasini ochish va birlashish bilan bitta kolonnaga qayta saflan- ish. V topshiriq. 1. Harakatda burilish bilan bitta kolonnadan to’rtta kolonnaga bir vaq- tning o’zida ikki qadamga saf orasini ochib, qayta saflanish. To’хtash. 2. Juftlama qadamlar bilan bir tomonlama saf orasini ochish va ji- pislashish. 3. Bitta kolonnaga qayta saflanish. VI topshiriq. 1. Harakatda burilish bilan bitta kolonnadan to’rtta kolonnaga bir vaqtning o’zida ikki qadamga saf orasini ochib, qayta saflanish. 2. Juftlama qadamlar bilan bir tomonlama jipislashish. 3. Bitta kolonnaga qayta saflanish. VII topshiriq. 1. Yelkani kiritish bilan bir qatordan uch kalonnaga qayta saflanish. To’хtash. Qaytadan bitta qatorga saflanish. 2. Aylanma harakatlanish va to’хtash. VIII topshiriq. 1. Yelkani kiritish bilan bir qatordan to’rtta kolonnaga qayta saflanish. 2. Saf orasini ochish va jipislashish (saf ustaviga ko’ra). 3. Bitta kolonnaga qayta saflanish. IX topshiriq. 1. Yelkani kiritish bilan bir qatordan to’rtta kolonnaga qayta saflanish. 2. Saf orasini ochish va birlashish bilan bir kolonnaga qayta saflanish. X topshiriq. 48 1. Yelkani kiritish bilan bir qatordan to’rtta kolonnaga qayta saflanish. 2. Yoysimon tarzda saf orasini ochish va jipislashish. 3. Bitta kolonnaga qayta saflanish. XI topshiriq. 1. Bo’linish va yaqinlashish bilan bitta kolonnadan to’rtta kolonnaga qayta saflanish, to’хtash. Saf orasini ochish, birlashish bilan bitta kolon- naga qayta saflanish. 2. Qadam uzunligini o’zgartirish. XII topshiriq. 1. Bo’linish va yaqinlashish bilan bitta kolonnadan to’rtta kolonnaga qayta saflanish. 2. O’rttadan erkin usul bilan cho’zilgan qo’llar masofasida saf orasini ochish. Juftlama qadamlar bilan bir tomonlama jipislashish. 3. Bitta kolonnaga qayta saflanish. XIII topshiriq. 1. Bo’linish va yaqinlashish bilan bitta kolonnadan to’rtta kolonnaga bir vaqtni o’zida uch qadamga saf orasini ochish bilan qayta saflanish, to’хtash. Jipislashish. 2. Elkani kiritish bilan bir qatorga qayta saflanish. XIV topshiriq. 1. Bo’linish va yaqinlashish bilan bitta kolonnadan to’rtta kolonnaga bir vaqtning o’zida ikki qadamga saf orasini ochish bilan qayta saflanish. 2. Juftlama qadamlar bilan bir tomonlama jipislashish. Bitta kolon- naga qayta saflanish. XV topshiriq. 1. Bir qatordan uchta kolonnaga pog’onali tarzda qayta saflanish va qaytadan bitta qatorga saflanish. 2. Turgan joyda qadam tashlash va to’хtash. XVI topshiriq. 1. Bir qatordan to’rtta kolonnaga pog’onali tarzda qayta saflanish va qaytadan bir qatorga saflanish. 2. Diagonal bo’ylab harakatlanish. XVII topshiriq. 1. Aylanma harakatlanish va turgan joyda qadam tashlash. 2. Turgan joydan qadam tashlab, oldinga harakatlanish va aksincha. 3. Yurgan holda chapga burilish. XVIII topshiriq. 1. Bitta qatordan ikki qatorga qayta saflanish va aksincha. 49 2. Harakatlangan holda bir kolonnadan ikkita kolonnaga qayta saflan- ish. XIX topshiriq. 1. Raport. 2. Harakat sur’atini o’zgartirish. XX topshiriq. 1. Tartib bo’yicha sanash. 2. Qarshi tomonga yo’nalib harakatlanish. 3. Yurgan holda chapga burilish. XXI topshiriq. 1. Ikkala yon tomon (qanot)ga va o’rtaga tekislanish, to’rttadan bo’lib sanash. 2. Ilon izi bo’lib harakatlanish. XXII topshiriq. 1.Tartib bo’yicha sanash. 2.Doira bo’lib harakatlanish. To’хtash. Doiradan chiqish. XXIII topshiriq. 1.Tartib bo’yicha sanash, turgan joyda burilishlar. 2.Spiral bo’lib harakatlanish. Aylanib burilish bilan spiraldan chiqish. XXIV topshiriq. 1. Tartib bo’yicha sanash. 2. Qadam tashlashdan yugurishga va yugurishdan qadam tashlashga o’tish. 3. Yurgan holda chapga burilish. Siljib harakatlanish turlari Ko’nikma va malakalar hajmi O’quv mashg’ulotlari va mustaqil ish natijasida har bir talaba quydagilarni bilishi kerak: - mashqlarni teхnik jihatdan to’g’ri ko’rsatish; - mashqlarni qisqa va aniq nomlash; - mashqlarni boshlash; bir mashqdan ikkinchisiga o’tish uchun buyruqlarni o’z vaqtida va aniq berish; - shug’ullanuvchilarga aytib turish, aytib turuvchi namoyish va sanash bilan yordam berish; - mashqlarni to’g’ri bajarilishiga erishish. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling