Kelajak talim dargohlari

O‘zbekiston Respublikasi Xalq ta’limi vaziri o‘rinbosari Rustam 
Karimjonov sifatli ta’limning muhimligini ta’kidlab, “o‘qituvchilar ta’lim sohasida 
asosiy vosita” ekanligini alohida qayd etdi. Sifatli ta’lim asosida o‘qituvchilarning 
bilimi yotadi. 
Zamonaviy 
texnologiyalarning 
tinimsiz 
rivojlanishi 
va 
dunyoning 
o‘zgaruvchanligini hisobga olgan holda, zamon bilan hamnafas yashash kerak. 

---

Buning uchun esa hozirdanoq bugungi o‘zgarishlarni tahlil qilish va kelajakni 
oldindan ko‘ra bilish lozim. Demak, 2030 yilda sun’iy intellektni rivojlantirish 
dolzarb masalaga aylanadi, 2050 yilga kelib “Smart House Design”, “Mobil 
dasturlash” atamalari ko‘pchilikka tushunarli bo‘ladi. 
Vazir o‘rinbosari, shuningdek, bolalarda mustaqillik, mustaqil ta’limga bo‘lgan 
ishtiyoqni kuchaytirish orqali ularni kelajakka tayyorlash zarurligini ta’kidladi. 
“Dunyo o‘zgaryapti, biz ertaga nima bo‘lishini oldindan aniq aytolmaymiz. 
Pandemiyaning so‘nggi 2 yilida barchamiz bunga guvoh bo‘ldik. Biz bolalarni 
kelajakka tayyorlashimiz kerak”, – dedi Rustam Karimjonov. 
O‘zbekistonda oliy o‘quv yurtlari soni jadal o‘sib bormoqda, ular orasida xalqaro va 
xususiy universitetlarning salmog‘i katta. Toshkent shahridagi Inha universiteti 
rektori Muzaffar Jalolov O‘zbekiston 2030 yilga kelib Markaziy Osiyoning ta’lim 
markaziga aylanishini ta’kidladi. 
Shuningdek, u ta’lim tizimini raqamlashtirish bugungi kunda qanchalik muhim 
ahamiyatga ega ekani haqida ham qo‘shimcha qildi. Pandemiya shuni ko‘rsatdiki, 
hamma mamlakatlar ham onlayn formatga majburiy o‘tishga tayyor emas. Biroq, 
hozirda masofaviy ta’lim mashhurlikka erishmoqda. Yoshlarda yangi narsalarni 
o‘rganishga ishtiyoq bor va bunda ularga IT-texnologiyalar yordam beradi. 
Oliver Wyman vakili Shon Kori yaqin yillar ichida ko‘pgina soha vakillari, 
masalan, haydovchilar o‘rnini sun’iy intellektli mashinalar egallashi mumkin degan 
fikrni ilgari surdi. Bundan tashqari, kelajak uchun rejalar tuzayotganda, internet va 
u bilan bog‘liq bo‘lgan barcha narsalar tobora rivojlanib borishini hisobga olish 
lozim. Virtual haqiqat tobora reallikka aylanib boryapti – bu davra suhbatida qayta-
qayta ta’kidlandi.