«Келишилди” Шаҳар мт бўлими методисти Имзо Ф. И. Ш 2020 йил “Тасдиқлайман”

3- сонли мактабгача таълим ташкилоти ҳамширасининг
2019-2020 ўқув йили учун
А С О С И Й В А З И Ф А Л А Р И

Ҳамширанинг лавозим йўриқномаси

1. Умумий қоидалар
1.1 Ҳамшира кичик тиббиёт ходими хисобланади. Унинг лавозимига тайинланиши ва бўшатилиши мактабгача таълим бўлими томонидан амалга оширилади.
1.2 Ҳамшира лавозимига ўрта тиббий маълумотга эга бўлган ҳамда 3 йилдан ортиқ тиббий иш стажига эга бўлган шахс сайланади.
1.3 Ҳамшира ташкилот раҳбарига бўйсунади.
1.4 Ҳамшира хизмат вазифасига кўра мактабгача таълим ташкилотида овқатлантиришни ташкил этиш юзасидан ишлаб чиқарилган қонун ва меъёрий хужжатларга, асосан иш юритади.
1.5. Ҳамшира қуйидагиларни билиши шарт.
- Болаларнинг хаёт хавфсизлигини мухофаза қилиш бўйича қўлланма ва йўл-йўриқларни;
- Ташкилотнинг иш юзасидан санитария ва санитария эпидемиология меъёрларини;
- Овқатлантиришни ташкил этишга қўйилган талабларни;
- Болаларнинг ривожланиш физиологияси, санитария ва гигиена талабларини;
- Ички мехнат тартиб қоидаларини;
1.6. Ҳамшира:
- Ташкилот раҳбари томонидан тасдиқланган иш жадвали асосида фаолият юритади;
- Ташкилотни овқатлантиришни ташкил этишга оид маълумотлар билан таъминлаб боради;
- Ташкилот раҳбарига иш жараёнида вужудга келган муаммолар бўйича ахборот бериб туради;
- Ташкилот раҳбарига ошхонада таом тайёрлаш жараёнида ҳамда озиқ-овқат махсулотлари таъминотида узулишлар билан боғлиқ бўлган фавқулотда вазиятлар юзасидан ахборот бериб туради.
2 Ҳамширанинг вазифаси (мажбурияти)
2.1. Бошқаради:
- Барча ошхона ходимларини;
- Таом тайёрлашнинг технологик жараёнини.
2.2. Назорат қилади.
- Ташкилот ошхонаси ва озиқ-овқат омборхонасида санитария ва гигиена қоидаларига амал қилинишини;
- Озиқ-овқат махсулотлари сифатини, сақлаш қоидаларига амал қилиниши ҳамда истеъмолга берилишини;
- Тайёрланган таомлар сифатини;
- Махсулотларни таомларга тўғри тахсимланиши ва таом вазнини махсулот ҳамда таомлар берилишини;
- Таомлар порциясини белгиланган вазн меъёрларига мувофиқлигини;
- Тайёрланган таом сифатини, махсулотларнинг белгиланган меъёрлар асосида сарфланишини;
- Гурухларни белгиланган жадвал асосида овқат олишларини;
- Кунлик синама олиш учун ажратилган идиш холатини ва номланишини;
2.3 Ҳамширанинг ҳар куни бажарадиган иши.
- Хом ва пиширилган махсулотларни брокераж дафтарига қайд этиб бориш ҳамда таомнома-талабномаси билан таққослаш, шунингдек, таомномадаги сарфланган махсулотларни брокераж дафтари билан солиштириш;
- Гурухларда болалар овқатланишини назорат қилиш;
2.4. Асосий озиқ-овқат махсулотларинит меъёр бўйича таъминланиши юзасидан хисобот юритиш.
2.5. таомларнинг йиғма хисоботидан овқат ратционига киритилган озиқ-овқат махсулотларини таркибий қисми ва энергетик қийматини доимий равишда тахлил қилиб бориш.
2.6. Тайёрланган таомларни тарқатишдан олдин синама олиш, органолептик усул асосида бахолаб, журналга қайд этиш ҳамда таомлардан олинган синамаларни талаб этилган даражада сақланишини таъминлаш.
2.7. Омбор мудири ва бош ошпаз билан хамкорликда таомнома тузиш.
2.8. Ота-оналар ва ходимлар билан санитария-маориф ишларини олиб бориш.