Kerakli jihozlar

6-LABORATORIYA MASHG’ULOTI

Mikroorganizmlarni ekish uchun oziqa muxitini tayyorlash

va sterilizasiya qilish xamda produtsentlarni suyuq va qattiq oziqa muxitlarida o’stirish

Kerakli jihozlar: go’sht, pepton, maxsus tunuka voronka, shisha voronka, filtr qog’oz, qizil lakmus qoroz, kristalik soda, avtoklav, probirka va kolbalar, jelatina va agar-agar, Kox qaynatgichi, tuxum.

Sterilizatsiya [lot. sterilis – toza, bepusht], sterillash – (tibbiyot va biologiyada)-turli moddalar, xirurgiya asboblari, bogʻlov materiallari, oziq-ovqat mahsulotlari va boshqa(lar)ni mikroorganizmlardan butunlay tozalash.

Sterilizatsiya fizik va kimyoviy usullar yordamida amalga oshiriladi. Fizik usullarga termik (issiqlik) va nur bilan sterilizatsiya qilish kiradi. Kimyoviy sterilizatsiya sovuq sterilizatsiya deb xam yuritiladi, bunda sunʼiy materiallar yoki issiqlikka chidamsiz asboblar mikroblarni oʻldirish taʼsiriga ega boʻlgan kimyoviy moddalar yordamida sterilizatsiya qilinadi.

Issiq sterilizatsiya suv bugʻi va quruq issiq yordamida amalga oshiriladi. Suv bugʻi bilan sterilizatsiya qilish atoklavlarda 110 dan 140°C gacha haroratda 2-4 atm bosim ostida oʻtkaziladi. Bogʻlov materiallari, matolar, jarrohlik asboblari, suyuqliklar, suyuq dorilar, rezina buyumlar suv bugʻi yordamida sterilizatsiya qilinadi.

Quruq issiq sterilizatsiya maxsus quritkich shkaflada 160-200°C quruq issiq havo yordamida bajariladi. Bu usul shisha, chinni va metall asboblarni sterilizatsiya qilishda qoʻllanadi. Nur bilan sterilizatsiya qilish ionlovchi nurlar yordamida bajariladi. Amaliyotda _ va β-nurlaridan foydalaniladi, bunda nurlanish dozasi 25 000 greydan kam boʻlmasligi lozim. Kimyoviy sterilizatsiyada etilen oksid gazi, spirt, formalin bugʻlaridan foydalaniladi. Optik asboblar, fibrin tolali asboblar, sunʼiy materiallar, jarroxlik iplari, maxsus jarroxlik asboblari (skalpellar) kimyoviy usulda sterilizatsiya qilinadi.

Oziq-ovqat sanoatida-konservalash usuli, mikroorganizmlar va ularning spralarini yoʻqotish, shuningdek, uzoq muddat saqlanadigan oziq-ovqat mahsulotlarida fermentlar taʼsirini toʻxtatishdan iborat. Issiq va sovuq sterilizatsiya bor. Issiq Sterilizatsiya maxsus moslamalar-sterilizatorlar (masalan, avtoklavlarda) mahsulotlarni 100-120°C gacha qizdirish yoʻli bilan, sovuq sterilizatsiya mahsulotlarga, masalan, radioaktiv moddalarning ionlovchi nurlarini taʼsir ettirish orqali bajariladi.

Sterillash usullari

 Sterillash usuli deb, dorilarda juda tez ko’payib rivojlana oladigan mikroorganizmlarni batamom yo’q kilishga aytiladi. Zamonaviy sterilizatsiya usullariga quyidagilar kiradi:

1. Termik sterilizatsiya.

2. Ultrabinafsha nurlar bilan sterilizatsiyalash.

3. Radiatsion sterilizatsiya.

4. Ultratovush sterilizatsiyasi.

5. Steril filtratsiyasi.

6. Kimyoviy usul bilan sterillash.

Kox qaynatgichida sterillash. Buning uchun qaynatgichga 5 sm qalinlikda suv quyiladi. So’ngra sterillanadigan probirka va kolbalar sim savatga yoki tunuka chelakka joylanib, qaynatgich ichidagi tirgak ustiga qo’yiladida, qaynatgichning qopqog’i yopiladi (1-rasm). Bular 3 kun davomida 3 marta sterillanadi.




1- rasm. Kox qaynatgichi.


Birinchi kuni qaynatgich ichidagi probirka yoki kolbalar 100°C haroratda 30 minut qizdirilganda, spora hosil qilmaydigan hamda sporalari issiqqa chidamsiz bakteriyalar nobud bo’ladi. Sterillanayotgan idishlar Kox qaynatgichida kelgusi kungacha qoldiriladi. Ikkinchi kuni qaynatgich qaytadan 100°C gacha qizdirilganda sporalari issiqqa chidamli bakteriyalar ham nobud bo’ladi. Oziq muhitini butunlay sterillash maqsadida uchinchi kuni yana 30 minut qizdiriladi. SHunda oziq muhiti mikroorganizmlardan butunlay tozalanadi.



2 - rasm. Avtoklav turlari:

a- vertikal; b - gorizontal shakldagi avtoklavlar;

Avtoklavda sterillash. Avtoklavga avval 5-10 sm qalinlikda suv quyiladi. So’ngra sterillanadigan buyumlar unga joylanib, qopqog’i mahkam bekitiladi. Ichidagi havo chiqib ketguncha uning jo’mragi ochiq holda qoldiriladi. Suv bug’i bir tekis chiqa boshlagandan keyin jo’mragi bekitiladi (2-rasm). Avtoklavga o’rnatilgan
manometr bir atmosferaga ko’tarilganligi kuzatiladi. Manometr bosim bir atmosfera ko’tarilganini ko’rsatgan vaqtda avtoklavning ichidagi va probirka ichidagi oziq muhitining harorati 120°C ga etadi. Bunday haroratda oziq muhitidagi mikroorganizmlarning hammasi nobud bo’ladi. Sterillash 20 minut davom etadi. SHundan so’ng manometr strelkasi nol darajaga kelguncha avtoklav sovitiladi, so’ngra bug’ chiqib bo’lguncha jo’mragi ochiq qoldiriladi. Bug’ chiqishi to’xtagandan keyin qopqog’i ochilib, undan sterillangan oziq muhiti olinadi.

Sut va issiqlik ta’sirida buziladigan boshqa suyuqliklar ichidagi sporasiz bakteriyalarni nobud qilish maqsadida pasterlash usuli qo’llaniladi. Bu usulda suyuqliklar 60-70°C issiqda 15-30 minut yoki 70-80°C issiqda 5-10 minut qizdiriladi.

Yuqoridagi usullardan tashqari, sovuq sterillash usuli ham qo’llaniladi. Bu holda Paster-SHamberlen ishlab chiqargan sopol idishlardan foydalaniladi. Buning uchun sterillanadigan eritma mayda teshikchalari bo’lgan sopol filtrdan o’tkaziladi. Biroq bakteriofaglar va ulbtramikroblar sopol filbtr orqali o’tib keta oladi. SHuning uchun bunday filbtratda mikroblar bo’lmaydi deyish noto’g’ri. Keyingi yillarda asbestdan yasalgan Zeyts filbtri ham qo’llannlmokda (3-rasm).

Sterillangan oziq muhitlarini sterillangan idishlarga solish kerak. SHu sababli idishlar ham quruq issiqda barvaqt sterillab qo’yilishi kerak. Buning uchun Paster pechkasi yoki quritgich shkaflar ishlatiladi (4-rasm). Petri va Kox idishlari, probirkalar va ishlatiladigan boshqa buyumlar qog’ozga o’ralib, quritish shkafiga joylanadi va harorat 150-160°ga etguncha 2 soat davomida qizdiriladi. Tajribada foydalaniladigan mikroorganizmlarni parvarish qilish uchun turli sxemada ishlangan termostatlar qo’llaniladi. Termostatda mikroorganizm uchun zarur bo’lgan harorat muayyan nuqtada saqlab turiladi.