Кимё фанидан лаборатория машғулотлари

Натрий кобалтнитрит Na₃[Co(NO₂)₆] калий тузлари эритмаси билан асосан K₂Na[Co(NO₂)₆] таркибли сариқ чўкма ҳосил қилади. Бунда реагент кобалтнинг (III) комплекс тузи бўлиб, диссоцияланганда [Co(NO₂)₆]^3- ионини ҳосил қилади ва бу ион К⁺ ва Nа⁺ ионлари билан бирикади:
2K⁺ + Na⁺ + [Co(NO₂)₆]^3- = K₂Na[Co(NO₂)₆]↓
Реакцияни пробиркада ёки томчи пластинкасида ўтказиш мумкин. Бир томчи калий тузи эритмасига реагент эритмасидан 1-2 томчи қўшилади, агар чўкма тушмаса, бир оз кутилади. Бу чўкма KHC₄H₄O₆ га қараганда кислоталарда анча қийин эрийди, бироқ реакция янада сезилувчан бўлиши учун бу тажрибада ҳам кислотали эритмаларга эритманинг pH и 4-5 атрофида бўлгунча натрий ацетат қўшиш керак.

Чўкма сирка кислотада эримайди, чунки у [Co(NO₂)₆]^3- комплекс ион таркибига кирадиган нитрит кислотадан кучсиздир:

K_HNO3 = 5,1∙10^-4

K_CH3COOH = 1,74∙10^-5

[Co(NO₂)₆]^3- комплекс етарли даражада барқарор бўлгани учун бу комплексдан эритмага ўтаётган  ионларининг миқдори жуда кам. Сирка кислотанинг ионланишидан ҳосил бўладиган H⁺ ионлари анча камлиги учун кучлироқ нитрит кислотанинг ҳосил бўлишига етарли эмас. Шунинг учун чўкма сирка кислотада эримайди.

Чўкма кучли минерал кислоталарда эриб, жуда ҳам беқарор кучсиз нитрит кислота ҳосил қилади. Бу кислота жуда осон парчаланади. Бир вақтнинг ўзида кобалт (III) кобалт (II) гача қайтарилади.

Бу жараёнларнинг ҳаммасини қуйидаги бир қатор реакция тенгламалари кўринишида бериш мумкин:
K₂Na[Co(NO₂)₆]↓ + 6H⁺ → 6HNO₂ + Co³⁺ + Na⁺ + 2K⁺

2Co³⁺ + 2Cl^- → 2Co²⁺ + Cl₂↑

2Co³⁺ + HNO₂ + H₂O → 2Co²⁺ +  + 3H⁺

2HNO₂ → H₂O + NO↑ + NO₂↑

Бу реакцияларни тегишли оксидловчи - қайтарувчи жуфтларнинг стандарт потенциаллари қиймати билан тушунтириш осон:






Шундай қилиб Со^III эркин хлор ва нитрат кислотага қараганда кучли оксидловчи, шунинг учун Cl^- эркин хлоргача, нитрит кислота эса нитрат кислотагача оксидланади.

Эритма ишқорий (pH>7) бўлмаслиги керак, чунки ишқорлар таъсирида реактив парчаланиб, Co(OH)₃ нинг тўқ қўнғир чўкмасини ҳосил қилади:

[Co(NO₂)₆]^3- + 3OH^- = Co(OH)₃↓ + 6
Кўриб чиқилаётган реакция NaHC₄H₄O₆ билан (суюлтириш чегараси 1:13000 га яқин) қилинадиган реакцияга нисбатан бирмунча сезилувчан. Шунинг учун анализда К⁺ ионини топиш учун шу реакциядан фойдаланиш маъқул. Бунда агар Na₃[Co(NO₂)₆] узоқ туриб қолса, парчаланиб унинг қўнғир ранги пушти рангга (Co²⁺ ионининг ранги) ўтишига эътибор бериш керак. Бундай пушти рангли эритма эса К⁺ ни топиш учун ярамайди.

 иони юқоридагига ўхшаш сариқ чўкма - (NH₄)₂Na[CO(NO₂)]₆ ҳосил қилади. Бу моддани калийнинг тегишли бирикмасидан фарқи шундаки бу чўкма қиздирилганда парчаланади. Шунинг учун реакцияни қиздириш йўли билан олиб бориш керак. нинг халал бериш хусусиятини йўқотиш учун эритмага формальдегид эритмаси қўшилади, у билан гексаметилентетрамин (CH₂)₆N₄ (уротропин) ҳосил қилади. Реакцияни олиб бориш шароити бобнинг охирида ёзилган (К⁺ ни топиш реакциясига қаранг). Биринчи группанинг қолган катионлари ва иккинчи группа катионлари бу реакциянинг боришига халақит бермайди.


Nа⁺ ионига хос реакциялар
Натрийнинг кўпчилик тузлари сувда яхши эрийди. Шунинг учун Nа⁺ ионини топишда қийин эрийдиган чўкмалар ҳосил қилишга асосланган реакциялар жуда оз. Қуйида шу реакциялардан баъзиларини келтирамиз.

1. Калий дигидроантимонат KH₂SbO₄ (яъни ортосурма кислота H₂SbO₄ нинг калийли нордон тузи) натрий тузларининг эритмалари билан оқ кристалл чўкма – натрий дигидроантимонат ҳосил қилади:
Na⁺ + H₂SbO^-₄ = NaH₂SbO₄
Реакцияни қилиб кўриш учун натрий тузи эритмасидан 2-3 томчи олиб унга реагент эритмасидан ҳам худди шунча қўшилади ва пробирка деворлари шиша таёқча билан ишқаланади. Чўкма кристалл ҳолатда эканига ишонч ҳосил қилинади (бу NaH₂SbO₄ нинг муҳим белгиси). Бунинг учун чўкма батамом тушгунча эритма тинч қўйилади, кейин пробирканинг оғзи тешикли пробка билан бекитилади ва пробирка тўнкарилади. Пробирка деворларида куб шаклидаги йирик кристаллар кўринади.

Бу реакцияни ўтказишда қуйидаги шарт – шароитларга риоя қилиш керак:

1) Натрий тузининг концентрацияси етарли даражада юқори бўлиши зарур, NaH₂SbO₄ яхши эрийдиган туз бўлиб, у ўта тўйинган эритмалар ҳосил қилишга кўпроқ мойилдир, шунинг учун унинг суюлтирилган эритмаларидан бутунлай чўкма тушмаслиги ёки тушса ҳам узоқ вақтдан сўнг тушиши мумкин. Демак, бу реакция у қадар сезилувчан эмас. Шунинг учун бу тузнинг суюлтирилган ёки концентрацияси номаълум бўлган эритмаларини олдин буғлатиб концентрациясини ошириш керак. Чўкма бирданига ҳосил бўлмаса, пробиркадаги суюқликни маълум вақтгача тинч қўйиш керак ва шунда ҳам чўкма ҳосил бўлмасагина эритмада Na⁺ иони йўқ, деган хулоса чиқариш мумкин.

2) Текшириладиган эритманинг муҳити нейтрал (pH7) бўлиши лозим. Кислотали (pH<7) муҳитда реагент парчаланиб, оқ рангли аморф ҳолатдаги чўкма – метастибиат кислота HSbO₃ ҳосил бўлади. Реакция қуйидаги тенглама бўйича боради:

H₂SbO^-₄ + H⁺  HSbO₃ + H₂O
Ишқорий муҳит NaH₂SbO₄ чўкманинг эришига ёрдам беради, бунда сувда эрийдиган ўрта туз Na₂SbO₄ ҳосил бўлади. Реакция яхши чиқиши учун кислотали эритмалар KOH билан, ишқорий эритмалар эса CH₃COOH билан нейтралланади.

Агар эритма етарли даражада нейтралланмаган бўлса Na⁺ иони йўқлигида аморф ҳолатдаги чўкма HSbO₃ ҳосил бўлиши мумкин. Уни крисаталл ҳолатдаги чўкма NaH₂SbO₄ дан фарқ қила билиш керак. Фақат аморф ҳолатдаги чўкма ҳосил бўлишига қараб эритмада Na⁺ иони бор, деб хулоса чиқариш ярамайди.

3) Реакцияни совуқда ўтказиш лозим чунки NaH₂SbO₄ нинг эрувчанлиги (KHC₄H₄O₆ нинг эрувчанлиги каби) температура кўтарилиши билан жуда ортиб кетади.

2.Уранилацетат билан бўладиган микрокристаллоскопик реакция. Текширилаётган натрий тузи эритмасидан бир томчисини шиша пластинка устида эҳтиётлик билан буғлатиб қуритинг. Қуруқ қолдиқ совугандан кейин унга бир томчи уранилацетат (CH₃COO)₂UO₂ қўшинг, бир неча минутдан сўнг CH₃COONa · (CH₃COO)₂UO₂ (натрий уранилацетат) кристалларини микроскопда кўринг. Улар тўғри тетраэдрлар ёки октаэдрлар шаклида бўлади.

Бу реакция жуда сезилувчандир (Na⁺ нинг топилиш минимуми 0,8 мк). Mg²⁺ иштирокида CH₃COONa(CH₃COO)₂ Mg x 3(CH₃COO)₂UO₂ ∙9H₂O таркибли учламчи тузнинг кристаллари ҳосил бўлади. Улар натрийнинг ҳосил қилган кристалларига ўхшайди.

Реакцияни натрий тузларининг нейтрал ёки сирка кислотали эритмалари таъсирида таркиби (CH₃COO)₂Me∙CH₃COONa∙3(CH₃COO)₂UO₂∙9H₂O ёки NaMe(UO₂)₃(CH₃COO)₉∙9H₂O формулага тўғри келадиган сарғиш кристалл чўкма ҳосил қиладиган рух уранилацетат ёки никел уранилацетат билан ҳам олиб бориш мумкин.

Бу реакция калий дигидроантимонат(1томчи эритмада топилиш минимуми 12,5 мкг) билан қилинадиган реакцияга қараганда анча серунумдир. Бундан ташқари у натрий учун спецификдир. Эритмада K⁺, NH₄⁺, Mg²⁺, Ca^2+, Sr²⁺, Ba²⁺, Al³⁺, Fe³⁺, Mn²⁺, Zn³⁺, Co²⁺, Ni²⁺, Cd²⁺, Bi³⁺, Cu²⁺, Pb²⁺ ва Hg²⁺ ионларининг 20 марта кўп миқдорда бўлиши ҳам натрийни топишга халал бермайди. Шунинг учун Рух уранилацетат рух, марганец, темир, қўрғошин, мис ва шунга ўхшашларнинг тузлари таркибида бўлган жуда оз миқдордаги Na⁺ ни топишда ишлатилади. Кўп миқдор К⁺ иштирокида CH₃COOK(CH₃COO)₂UO₂ нинг игнасимон кристаллари ҳосил бўлиши мумкин. Унинг ҳосил бўлмаслиги учун, агар текшириладиган эритмада К⁺ нинг концентрацияси юқори бўлса (уни топишда мўл чўкма ҳосил бўлган бўлса), рухуранилацетат билан Na⁺ ионини топишдан аввал эритмани сув билан 2-3 марта суюлтириш ва реакция учун суюлтирилган эритмадан бир томчи олиш керак.

Na⁺ ни топишда эритманинг муҳити мумкин қадар нейтралга яқин бўлиши керак. Кислотали эритмалар олдиндан аммиак ёки рух оксид билан нейтралланади. Рух оксид билан нейтралланганда ортиқча рух оксид центрифугалаш йўли билан эритмадан ажратилади, сўнгра центрафугатнинг бир томчиси билан реакция қилиб кўрилади.
NH₄⁺ ионига хос реакциялар
1. Ўювчи ишқорлар NaOH, KOH билан аммоний тузларининг эритмалари қўшиб қиздирилганда газсимон аммиак ажралиб чиқади:
NH₄⁺ + OH^-  NH₃ + H₂O
Бу реакцияни бажариш учун соат ойнасига аммоний тузи эритмасидан 1-2 томчи ва ишқор эритмасидан 3-4 томчи томизиб бир оз иситилади. Аммиакни фақат ҳидидангина эмас, балки бошқа усуллар билан ҳам билиш мумкин.

1. 
   Соат ойнасига аммоний тузи ва ишқор эритмалари аралашмаси томизиб, уни ички томонига намланган фенолфталеинли қоғоз ёпиштирилган худди шундай қуруқ соат ойнаси билан ёпилади. Шундай қилиб, ҳосил қилинган газ камерасидаги индикатор қоғоз бир неча минутдан кейин қизаради, чунки реакция натижасида ажралиб чиққан аммиак сувда эриб, ишқор (NH₄OH) ҳосил қилади.
   

Аммиак ажралиб чиқишини тезлаштириш учун реакция борадиган аралашмани сув ҳаммомида бир оз иситиш мумкин.

Фенолфталеинли қоғоз ўрнига аммиак таъсирида кўкарадиган лакмусли қоғоз ишлатиш ҳам мумкин. Лекин бунда ранг ўзгариши унча равшан бўлмайди.

2) Фенолфталеинли қоғоз ўрнига Hg₂(NO₃)₂ эритмаси шимдирилган филтр қоғоз ишлатиш ҳам мумкин. Бунда NH₃ таъсирида қоғоз қораяди:
Hg

2[Hg]²⁺ + 4NH₃ + H₂O  [O   NH₂]⁺ + 2Hg + NH₄⁺

Hg
2. Несслер реактиви, яъни K₂[HgJ₄] комплекс тузнинг KOH даги эритмаси аммоний тузлари эритмаси билан характерли қизил -қўнғир рангли чўкма ҳосил қилади.

Реакциянинг ионли тенгламаси қуйидагича:

Hg

NH₄⁺ + 2[HgJ₄]^2- + 4OH^-  [O   NH₂]J + 7J^- + 3H₂O

Hg
Аммоний тузларининг жуда кам миқдори қизил - қўнғир рангли чўкма ўрнига сариқ ранг беради. Бу реакция жуда кам сезилувчан. Бу реакцияни ўтказиш учун томчи пластинкасидаги бир томчи аммоний тузининг суюлтирилган эритмасига Несслер реактиви эритмасидан 1-2 томчи қўшинг (реактивни аммоний тузига қараганда мўлроқ олиш керак, чунки чўкма ортиқча аммоний тузида эрийди).

Несслер реактиви таркибида ишқор бор; ишқорлар кўпчилик катионлар билан қийин эрувчан гидроксидлар чўкмасини ҳосил қилади, уларнинг кўпчилиги рангли бўлади. Бундай рангли чўкмаларнинг ҳосил бўлиши NH₄⁺ ионини топишда ҳосил бўладиган чўкманинг рангини кузатишга халал бериши мумкин. Юқорида кўриб ўтилган реакцияга қараганда NH₄⁺ иони учун унча хос эмас. Лекин бу ноқулайликни осонгина бартараф қилиш мумкин. Бунинг учун тажриба газ камерасида ўтказилиши ва унинг юқориги шишасига фенолфталеин қоғози ўрнига бир томчи Несслер реактиви томизиш кифоя. Бунда ишқор таъсирида ажралиб чиқадиган NH₃ Несслер реактивида ютилиб, характерли қизил - қўнғир чўкма ҳосил қилади.

Тажрибани бошқача қилиб ҳам ўтказиш мумкин, чунончи пробиркага солинган 2-3 томчи эритмага NaOH ёки KOH эритмасидан мўлроқ таъсир эттириб, металл гидроксидлари чўктирилади, чўкмани эритмадан сентрифугалаб ажратиб олинади ва шундан кейин, қолган эритмага Несслер реактиви таъсир эттирилади.

3. NH₄⁺ ионининг К⁺ ва Na+ ионлари реактивлари таъсирига муносабати. Биз NH₄⁺ ионининг энг муҳим сифат реакцияларини ўрганиб олдик, энди унинг К⁺ ва Na+ ионларини топишда ишлатиладиган реактивлар таъсирига қандай муносабатда бўлишини кўриб чиқайлик. Бу I группа катионларини систематик анализ қилиш йўлини тушуниб олиш учун жуда зарурдир :

а) NaHC₄H₄O₆, Na₃[Co(NO₂)₆] ва Na₂PbCu(NO₂)₆ лар NH₄⁺ ионлари билан кўринишда К⁺ ионлари ҳосил қиладиган чўкмадан фарқ қилмайдиган чўкма ҳосил қилади. Бунга ўзингиз тажриба қилиб кўриб ишонч ҳосил қилинг. Демак, NH₄⁺ нинг бўлиши К⁺ ни топишга халал беради.

б) KH₂SbO₄ аммоний тузлари эритмаси билан реакцияга киришиб, уларнинг эритмалари кислотали бўлгани учун (гидролизланиши туфайли) оқ аморф чўкма HSbO₃ ни ҳосил қилиши мумкин. Унинг ҳосил бўлиш тенгламаси қуйидагича:
NH₄⁺ + H₂O  NH₄OH + H⁺

KH₂SbO₄ + H⁺  H₃SbO₄ + K⁺

H₃SbO₄  HSbO₃ + H₂O
Демак, NH₄⁺ нинг бўлиши бу реакция билан Na+ ни топишга ҳам халал беради.

Лекин, рух уранил ацетат билан қилинадиган реакцияни ёки (CH₃COO)₂UO₂ билан қилинадиган микрокристаллоскопик реакциядан фойдаланиб, NH₄⁺ иштирокида ҳам Na⁺ ионини топиш мумкин.

4. Аммоний ионини ажратиш. Юқорида кўрдикки, NH₄⁺ иони К⁺ ионини ҳамда (KH₂SbO₄ билан борадиган реакцияда) Na⁺ ионини топишга халал беради. Шунинг учун: а) К⁺ ва Na⁺ ионларини топишдан олдин эритмада NH₄⁺ бор ёки йўқлигини аниқлаш керак; б) агар NH₄⁺ бўлса, уни эритмадан бутунлай йўқотиш керак. NH₄⁺ ионини йўқотиш учун аммоний тузларининг қиздирилганда эрувчанлигидан фойдаланилади.
Mg²⁺ ионига хос реакциялар

Mg²⁺ реакциялари I группанинг бошқа катионлари реакцияларидан кескин фарқ қилади.

1. Ўювчи ишқорлар Mg²⁺ иони билан оқ рангли аморф ҳолатидаги чўкма Mg(OH)₂ ҳосил қилади:

Mg²⁺ + 2OH^{- } Mg(OH)_2↓

Бу реакциядан Mg²⁺ ионини бошқа катионлардан ажратиш учун фойдаланиш мумкин, чунки I группадаги бошқа металларнинг гидроксиди сувда яхши эрийди

Магний гидроксиди кислоталарда ва аммоний тузларида эрийди (тажриба қилиб кўриб бунга ишонч ҳосил қилинг), демак NH₄⁺ ионлари иштирокида Mg²⁺ ни тўлиқ ажратиб бўлмайди. Баъзан эритмада NH₄⁺ иони бўлганда Mg(OH)₂ чўкмаси бутунлай чўкмаслиги мумкин.

2. Натрий гидрофосфат Na₂HPO₄ тузи NH₄OH ва NH₄Cl иштирокида магний тузлари билан оқ кристалл чўкма магний ва аммоний фосфат MgNH₄PO₄ ҳосил қилади.

Mg²⁺ + HPO₄^2- + NH_4­OH  MgNH₄PO₄ _+ H₂O

Аммиак таъсирида Mg(OH)₂ чўкмага тушмасин учун аммоний тузи қўшилади. Бу муҳим реакцияни кислотали эритмадан бошлаш, эритмага NH₄OH томчилатиб туриб, унинг кислоталигини камайтира бориш йўли билан ўтказиш яхши натижа беради. Бунда MgNH₄PO₄ нинг эрувчанлиги аста-секин камайиб боради, бинобарин, секинлик билан кристалланиб яхши ва аниқ крисаталл чўкма ҳосил қилиши учун шароит вужудга келади.

3. Эрийдиган карбонатлар. CO₃^2- иони Mg²⁺ билан магнийнинг оқ аморф чўкма ҳолатдаги асосли карбонати (MgOH)₂CO₃ ни ҳосил қилади, у сувда қийин эриши билан Na₂CO₃, K₂CO₃, (NH₄)₂CO₃ лардан фарқ қилади:

2Mg²⁺ + 2CO₃^2- + H₂O = (MgOH)₂CO_{3 ↓} + СO₂ ↑

Чўкма кислоталарда ҳамда аммоний тузларида эрийди. Шунинг учун агар Na₂CO₃ ўрнига реагент сифатида (NH₄)₂CO₃ олинса, қуйидаги реакция

(MgOH)₂CO₃ + 4NH₄⁺ + H₂O  2Mg²⁺ + 4NH₄OH + CO₂

содир бўлиши туфайли Mg²⁺ тўлиқ чўкмага тушмайди.

Агар текширилаётган эритмага аммоний тузидан қўшиб туриб унинг концентрацияси оширилса, (MgOH)₂CO₃ чўкма мутлақо ҳосил бўлмайди. Бу ҳодисани тажриба билан ўтказиб кузатиш мумкин.

Юқорида кўрсатиб ўтилганидек Mg²⁺ ионининг NH₄Cl иштирокида (NH₄)₂CO₃ таъсирига муносабати уни I группа катионларига киритиш учун асос бўлади, чунки у систематик анализда I группа катионлари билан бирга бўлади.

4. Оксихинолин C₉H₇ON магний тузларининг аммиакли эритмаалари билан яшил - сарғиш кристалл чўкма магний оксихинолинат Мг(₉Ҳ₆ОН)₂ ҳосил бўлади. Бу қийин эрийдиган ички комплекс бирикмадир.

Оксихинолиннинг структура формуласини тасвирлаш мумкин

OH N

Унинг Mg²⁺ билан бирикмасининг структура формуласи:

O – Mg²⁺/₂

N

Реакцияни қилиб кўриш учун магний тузи эритмасининг бир томчисини NH₄Cl ва NH₄OH эритмаларидан бир томчидан қўшинг ва унга реактивнинг спиртдаги 5% ли эритмасидан бир томчи томизинг. Na+, К⁺, NH₄⁺ ҳамда Ba²⁺, Sr²⁺ ва Ca²⁺ ионлари реакцияга халал бермайди.

Оксихинолиннинг ўзи чўкмага тушиб қолмаслиги учун (магний тузининг сувдаги эритмасига оксихинолиннинг спиртдаги эритмаси қўшилганда кўпинча шундай бўлади) реакцияни қиздириш билан олиб бориш керак.
II-гурух катионларига хос реацииялар
Ba²⁺ ионига хос реакциялар

1. 
   Калий бихромат K₂Cr₂O₇ Ba²⁺ иони билан, кузатилганидек BaCr₂O₇ эмас, балки сариқ чўкма BaCrO₄ ҳосил қилади. Бунга сабаб шуки, K₂Cr₂O₇ эритмасида Cr₂O₇^2- ионларидан ташқари шу ионларнинг сув билан ўзаро таъсиридан ҳосил бўладиган оз миқдордаги CrO₄^2- ионлари ҳам бўлади:
   

Cr₂O₇^2- + H₂O ↔ 2HCrO₄^- ↔ 2H⁺ + CrO₄^2-

Аммо CrO₄^2- ионларининг концентрацияси Бар₄ нинг эрувчанлик кўпайтмаси BaCr₂O₇ нинг эрувчанлик кўпайтмасидан олдинроқ ўз қийматига етиши учун етарли бўлади. Шунинг учун ҳам BaCrO₄ чўкмага тушади:

2CrO₄^2- + 2Ba²⁺  2BaCrO₄↓
Иккала тенгламани қўшиб кўриб чиқилаётган реакциянинг умумий тенгламасини ҳосил қиламиз:

Cr₂O₇^2- + 2Ba²⁺ + H₂O  2BaCrO₄↓ + 2H⁺

BaCrO₄ чўкмаси кучли кислоталарда эрийди, сирка кислотада эса эримайди. Бу ерда реакциянинг ўзида кучли кислота ҳосил бўлиши сабабли реакция охиригача бормайди. Аммо эритмага K₂Cr₂O₇ дан ташқари CH₃COONa ҳам қўшилса, Ba²⁺ ни тўла чўктириш мумкин; бу вақтда кучли кислота ўрнига BaCrO₄ ни эрита олмайдиган кучсиз сирка ҳосил бўлади:

CH₃COO^- + H⁺  CH₃COOH

Бунда CH₃COONa дан мўл қўшиш керак, чунки шунда унинг бир қисми реакцияда ортиб қолиб ацетатли буфер аралашма ҳосил қилади; бу аралашма BaCrO₄ нинг тўлиқ чўкишига етарли бўлган pH қийматини (~ 5 ) ўзгартирмай сақлаб туради.

Sr²⁺ ва Ca²⁺ ионлари K₂Cr₂O₇ билан чўкма ҳосил қилмайди ва Ba²⁺ ни топишга халал бермайди. Бу реакция фақат Ba²⁺ ни топпиш учунгина эмас, балки уни Ca²⁺ ва Sr²⁺ ионларидан ажратишда ҳам қўлланилади.

BaCrO₄ чўкмаси барий тузларининг эритмаларига калий хромат таъсир эттирилганда ҳам ҳосил бўлади. Бироқ K₂CrO₄ эритмадаги Sr²⁺ иони билан ҳам сариқ чўкма SrCrO₄ ҳосил қилади, бу чўкма BaCrO₄ дан сирка кислотада эрувчанлиги билан фарқ қилади, холос. Шунга кўра SrCrO₄ ҳосил бўлиб қолмаслиги учун реакцияни CH₃COOH ёки яхшиси, ацетатли буфер аралашма иштирокида олиб бориш керак. Сирка кислотанинг H⁺ ионлари CrO₄^2- анионларини HCrO₄^2- га айлантириш билан унинг эритмадаги концентрациясини шу қадар камайтириб юборадики, ион кўпайтмасининг [Sr²⁺] [CrO₄^2-] қиймати SrCrO₄ нинг эрувчанлик кўпайтмаси қийматига ета олмайди ва чўкма тушмайди. Аксинча, оз эрийдиган барий хроматнинг эрувчанлик кўпайтмаси CH₃COOH иштирокида ўз қийматидан ошиб кетади. Шунинг учун ҳам эритмада CH₃COOH нинг бўлиши барий хроматнинг чўкишига халал бера олмайди.

2. 
   Сульфат кислота ва эрувчан сульфатлар (SO₄^2- ионлари) Ba²⁺ иони билан оқ чўкма BaSO₄ ҳосил қилади:
   

Ba²⁺ + C₂O₄^2- = BaC₂O₄
Барий сульфат кучли кислотанинг қийин эрувчан тузи бўлгани учун кислоталарда эримайди.