Kimyoviy kinetika zarur asbob va reaktivlar

Zarur asbob va reaktivlar: Sekundometr. Тermostat (250—400 ml kimyoviy stakan) , 100°C li termometr. Shtativ (probirka saqlaydigan) . Probirkalar 5 va 10 millilitrli pipetkalar. Cho‘p. Millimetrli qog‘oz.
Marganes (IV) oksid. Тemir (III) oksid. Kaliy xlorid kristali.
Eritmalar. 1 n. natriy tiosulfat, 2 n. sulfat kislota; 0,01 n. kaliy rodanid, temir (III) xlorid. Konsentrlangan kaliy rodanid, konsentrlangan temir (III) xlorid, 10 % li vodorod peroksid.
3- tajriba. Reaksiya tezligiga katalizatorning ta’si­rini aniqlash.
Uchta toza probirkadan birinchisiga 1-2 ml 10 % li vodorod peroksid eritmasidan quyib, uning odatdagi sharoitda kuchsiz parchalanishini kuzating. Ikkinchi probirkaga 1—2 ml 10 % li H₂O₂ eritmasidan va ozroq (4—5 dona) marganes (IV) oksiddan solib aralashtiring. Qancha vaqtdan keyin vodorod peroksidning parchalanishini kuzating. Qaysi probirkada reaksiya tez boradi? Reaksiya tenglamasini yozing.
4- tajriba. Kimyoviy muvozanatga moddalar konsentratsiyasining ta’sirini o‘rganish.
Тoza probirkaga 3—4 ml 0,001 n. kaliy rodanid eritmasidan olib, ustiga 0,001 n. temir (III) xlorid eritmasidan 3—4 ml quying. Тajribada uch valentli temir ioniga xos reaksiya bo‘lganligi uchun temir (III) rodanidning to‘q qizil rangli eritmasi hosil bo‘ladi. Bu qaytar reaksiya tenglamasini va muvozanat konstantasi ifodasini yozing. Hosil qilingan eritmani to‘rtta probir­kaga teng qilib bo‘ling. Birinchi probirkani solishtirish uchun qoldirib, ikkinchi probirkaga konsentr­langan temir (III) xloriddan 1—2 tomchi, uchinchisiga konsentrlangan kaliy rodanid eritmasidan 1—2 tomchi, to‘rtinchisiga bir necha dona kaliy xlorid kristallaridan soling. Probir­kalardagi eritmalar rang o‘zgarishini kuza­ting. Jarayonni massalar ta’siri qonuniga asoslanib izohlang.
Тajriba natijalarini quyidagi jadvalga yozing.

№	Qo’shilgan moddaning formulasi	Eritmaning rang o’zgarishi	Fe(SCN)3 Kontsentratsiyasi- ning o’zgarishi	Muvozanat siljishi
1	FeCI3
2	KSCN
3	KCI