Kimyoviy-texnologiyalar fakulteti «oziq-ovqat texnologiyasi» kafedrasi «analitik fizik kolloid kimyo»

Oltinchi analitik guruhga mis (II) Cu²⁺, kadmiy Cd²⁺, simob (II) Hg²⁺, kobalt Co²⁺ va
nikel (II) Ni²⁺ kationlari kiradi. Guruh reagenti sifatida 25% ammiakli suv ishlatiladi. Guruh reagentini oltinchi analitik guruh kationlariga ta’sir ettrilganda turli tarkibli birikmalar hosil bo‘ladi, ular guruh reagentining ortiqcha miqdorida (kobalt va simob gidroksidlari ortiqcha ammoniy NH₄⁺ mavjud bo‘lgandagina) eriydi. Cu²⁺, Co²⁺ va Ni²⁺ kationlari xloridli tuzlarini eritmasidan CuOHCl, CoOHCl va NiOHCl asosli tuzlar holida kadmiy gidroksid Cd(OH)₂
holida cho‘kadi. Simob (II) ning xloridlari yoki nitratlari eritmasiga guruh reagent ta’sir ettirilganda tegishlicha HgNH₂Cl va [OHg₂NH₂]NO₃ cho‘kmalari hosil bo‘ladi. Mis (II), nikel (II) va kadmiy gidroksidining asosli tuzlari guruh reagentining ortiqcha miqdorida erib, quyidagi kation komplekslarni hosil qiladi:
CuOHCl+4NH₃→[Cu(NH₃)]²⁺+OH^-+C1^-
NiOHCl + 6NH₃ → [Ni(NH₃)₆]²⁺+OH^-+Сl
Cd(OH)₂+4NH₃→[Cd(NH₃)]²⁺+2OH
Kobalt (II) va simob (II) tuzlari eritmalaridan hosil bo‘lgan cho‘kmalar guruh reagenti va ammoniy ionlarining ortiqcha miqdori ta’sirida quyidagicha ammiakli kation komplekslarini hosil qiladi:
CoOHCl+5NH₃+NH₄⁺→[Co(NH₃)₆]²⁺+Сl^-+H₂O
HgNH₂Cl+2NH₃+NH₄⁺→[Hg(NH₃)]²⁺+Сl^-
[OHg₂NH₂]NO₃+4NH₃+3NH₄⁺→2[Hg(NH₃)₄]²⁺+NO₃^-+H₂O
Sarg‘ish-malla rangli kobalt (II) ammiakli kompleksi qizil-olcha rang
kobalt (III) ammiakli kompleksigacha oksidlanadi.