Kirish. Universitet va kafedra haqidagi asosiy ma’lumotlar. Talabalarning o‘quv va ilmiy ishlarini tashkil etish. Yo‘nalishning o‘quv rejasi va uning asosiy mazmuni. Universitetning tuzilishi mutahassislik kafedrasi va uning faoliyati

Fakultet va uning oliy o‘quv yurtidagi o‘rni.
Fakultet bir yoki bir nechta yaqin yo‘nalishlar bo‘yicha talabalar va ilmiy hodimlar tayyorlashni, hamda ilmiy-tadqiqot ishlariga rahbarlikni amalga oshiradigan oliy o‘quv yurtining o‘quv-ilmiy va ma’muriy bo‘lagi hisoblanadi.
Fakultet tegishli ta’lim yo‘nalishlari va mutaxassisliklar bo‘yicha talaba va ilmiy hodimlarni tayyorlash hamda kafedralarning ilmiy-tadqiqot ishlarini muvofiqlashtirish ishlari bilan shug‘ullanadi.
Fakultet, odatda, o‘z tarkibiga kiritilgan ba­kalavriat ta’lim yo‘nalishlariga (magistratura muta­xassisliklariga) taallyqli kafedra va laboratoriya­larni, shuningdek, oliy o‘quv yurti tarkibidagi, le­kin faoliyat mazmuni bo‘yicha fakultet yo‘nalishiga yaqinroq bo‘lgan boshqa kafedralarni birlashtiradi. Fakultet, oliy o‘quv yurti ilmiy kengashining qaro­ri asosida rektorning buyrug‘i bilan tashkil etiladi. Fakultet talabalar soni 150 dan ortiq bo‘lganda tashkil etilishi mumkin.
Fakultet ishiga rahbarlikni fakultet dekani amalga oshiradi. Fakultet dekani oliy o‘quv yurti rektori tomonidan professor yoki tajri­bali dotsentlar safidan tayinlanadi.
Fakultet dekanining asosiy vazifalari:
- fakultetda o‘quv, ilmiy, ma’naviy-ma’rifiy va ilmiy-uslubiy ishlarga bevosita rahbarlik qila­di;
- oliy o‘quv yurti ilmiy kengashi qarorlarining bajarilishini kuzatadi va o‘z qarorlarining (fakultet kengashi) bajarilishini nazorat etadi;
- o‘quv-tarbiyaviy jarayon, talabalarning malaka­viy ishi va amaliyoti ustidan nazoratni amalga oshiradi;
- o‘quv mashg‘ulotlari jadvalini tuzishga rahbar­lik qiladi va uning bajarilishi ustidan nazorat o‘tka­zadi, talabalar davomati uchun mas’ul hisoblanadi;
- talabalarning mustaqil ishlashi, shuningdek, ularning bilimini reyting asosida baholash ustidan nazoratni tashkil etadi; talabalarni kursdan kursga o‘tkazish to‘g‘risidagi buyruq loyihasini tayyorlaydi, ularni davlat attestastiyasiga va bitiruv malakaviy ishlarini himoya qilishga kiritadi;
- iqtidorli talabalarni izlash va ular bilan ish­lash, ularni nomli stipendiyalar hamda fanlar bo‘yicha o‘tkaziladigan olim­piadalar tanlovida ishtirok etishga tayyorlash bilan bog‘liq bo‘lgan tadbirlarni tashkil etadi;
- amaldagi nizomga muvofiq fakultet talabala­riga stipendiya tayinlash bo‘yicha taqdimnoma beradi;
- fakultet tarkibiga kiruvchi kafedralarning fanlari bo‘yicha darslik, o‘quv va uslubiy qo‘lanma­larni tayyorlashiga umumiy rahbarlikni amalga oshira­di;
fakultet kengashiga rahbarlik qiladi, kafed­ralararo yig‘ilishlar, ilmiy va ilmiy-uslubiy kon­ferensiyalarni tashkil etadi;
- oliyo‘quv yurtining marketing xizmati bilan hamkorlikda korxona va muassasalarning fakultet chiqarayotgan malakali mutaxassislariga bo‘lgan ehti­yojni o‘rganadi;
- ta’lim xizmatlarini tashkil etish va amalga oshirishga javob beradi, byudjetdan tashqari mablag‘­larni topish va ulardan o‘quv maqsadlarida foydalanish yo‘llarini qidiradi;
- fakultet «Ma’naviyat» markazining ishiga rah­barlik qiladi, ma’naviy-ma’rifiy ishlarni, jumladan, talabalar uylarida o‘tkaza­di;
- fakultetni tamomlaganlar bilan aloqa o‘rnata­di, ularning amaliy ishlari sifatini tahlil qiladi;
- o‘z vakolati doirasida, fakultetning barcha xodimlari, talabalari va boshqa o‘quvchilari uchun majburiy bo‘lgan farmoyish va ko‘rsatmalarni chiqa­radi.
Fakultet dekani har yili oliy o‘quv yurtining ilmiy kengashida o‘tgan o‘quv yilida amalga oshiril­gan o‘quv-tarbiyaviy, ilmiy va ilmiy-uslubiy ishlar bo‘yicha hisobot beradi va fakultet faoliyatining na­tijalari bo‘yicha to‘la mas’uliyatni o‘ziga oladi.
Talabalar soni 150 dan ortiq bo‘lgan holatda, fakultet dekaniga yordam tariqasida dekan muo­vini, talabalar soni 300 dan ortiqni tashkil etganda esa 2 ta dekan muovini fakultet dekanining tavsiyasiga ko‘ra, oliy o‘quv yurtining rektori tomonidan tayinlanadi.
Fakultet faoliyatining asosiy masalalarini ko‘rib chiqish uchun Fakultet dekani qoshida va uning raisligida fakultet kengashi tashkil etiladi. Fakultet kengashining asosiy vazifasi davlat ta’lim standartlari, o‘quv rejalari va dasturlari, ta’limni fan va ishlab chiqarish bilan integrastiyalashtirish hamda talabalar o‘rtasida ma’naviy-ma’rifiy ishlarni tashkil etishdan iborat.
Yana bir marta eslatib o‘tamiz, fanni chuqur o‘rganish uchun ma’ruza matni yetarli emas. Yaxshi o‘zlashtirish uchun darslik bilan ham muntazam ishlash lozim. Ma’ruza matni (konspekt ham) faqat darslikni to‘ldiradi va fanni o‘rganishda asosiy yo‘nalishni ko‘rsatadi.
Siz, oliy o‘quv yurtini tugatib, mutaxassis sifatida fan va texnika masalalarini mustaqil yechasiz. Mutaxassisning ishi ayrim masalalarni ijodiy yechish qobiliyati bo‘lishini, muhandis sifatida fikrlay olishni talab qiladi. Bo‘lajak mutaxassisning bunday sifatlari talabalik yillarida shakllanishi kerak.
Aynan shu masalada, ya’ni talabada muhandislik va ijodiy fikrlash qobiliyati paydo bo‘lishida, mustaqil ish yetakchi o‘rinni egallaydi. Shuning uchun ham mustaqil ishlashni to‘g‘ri tashkil etish nafaqat talabaning o‘zlashtirishini ta’minlaydi, balki uning kelajagi uchun ham muhim ahamiyat kasb etadi.
Umuman ushbu qoidani yodda tuting: boshlang‘ich maktabda o‘qitiladi, ya’ni, o‘quvchining bilimi uchun, o‘qituvchi mas’ul hisoblanadi, o‘qish majburiy; oliy o‘quv yurtida o‘qish majburiy emas, unga ilmga chanqoq yoshlar tanlov asosida qabul qilinadi, ko‘p dars qoldirgan va fanni o‘zlashtira olmagan talaba esa o‘qishdan chetlashtiriladi. Shuning uchun o‘qituvchi ma’ruzasi bilan qanoat qilmang, siz o‘qituvchining bor bilimini o‘rganib olishga intiling!
Talabalarning haftalik o‘qish bilan bandligi 54 soatni tashkil etishi belgilangan. Shundan 32 soat auditoriya mashg‘ulotlari, 22 soat mustaqil o‘z ustida ishlashi ko‘zda tutiladi.
Yo‘nalishning davlat ta’lim standarti va namunaviy o‘quv rejasiga binoan butun o‘qish davri mobaynidagi 7344 soat o‘quv mashg‘ulotlaridan auditoriya mashg‘ulotlariga 4374 soat, talabaning mustaqil ta’lim olishiga 2970 soati ajratilgan. Shu bilan birga har bir fan uchun talabaning mustaqil ish soatlari belgilab qo‘yilgan. Masalan, mustaqil ish soatlari oliy matematika uchun – 200 soat, fizika uchun – 124 soat, chizma geometriya va muhandislik grafikasi uchun – 64 soat, chet tili uchun – 106 soat, mashina detallari uchun – 64 soat, qishloq xo‘jalik texnikalarining tuzilishi fani uchun – 144 soat, yo‘nalishga kirish uchun – 56 soat va h.k.
Talabalarga mustaqil ishni to‘g‘ri tashkil etish uchun quyidagi ba’zi uslubiy maslahatlar tavsiya etiladi:
1. O‘tilgan ma’ruza materialini ustida ishlash va uy vazifalarni bajarish tartibini belgilab oling. Haftalik vaqt byudjetini bajariladigan ishning hajmiga qarab, fanlar o‘rtasida to‘g‘ri taqsimlang. Belgilangan mustaqil ish tartibiga qat’iy amal qiling.
2. Uy vazifasi – o‘qish, masalalar yechish, hisoblash-grafika ishlarini bajarish, chizmachilik, loyihalar ustida ishlash va h.k. larni o‘zingiz mustaqil bajarishga harakat qiling. Tushunmagan joylaringizni o‘qituvchidan yoki o‘rtoqlaringizdan so‘rang.
3. Unutmang, muntazam ravishda mustaqil ishlaganda miyaning fikrlash faoliyati rivojlanadi, asta-sekin o‘zlashtirish oshadi va talabaning dunyoqarashi kengayadi. Birinchi kursdagi o‘rtacha talaba mustaqil ishlashni to‘g‘ri tashkil etishi natijasida bir yildan so‘ng o‘qishda a‘lochi bo‘la olishini bilib oling.
4. Yaxshi bilim olishda eng oson yo‘lni qidirmang. Siz o‘qishdagi do‘stlaringiz bilan darslar bo‘yicha fikr almashishingiz mumkin, ammo ulardan tayyor yechimlarni ko‘chirib olmang. Halol mehnat qilishga va to‘liq bilim olishga odatlaning.
5. Har bir mavzuni ustida ishlaganda faqat ma’ruza matni bilan chegaralanmang, asosiy va qo‘shimcha adabiyotlardan keng foydalaning. Chizmachilik vazifasini, fizika, kimyo va boshqa fanlardan laboratoriya ishlarini bajarayotganda kafedra tavsiya etgan namunalardan foydalaning.
Ijtimoiy fanlarni o‘rganish bo‘yicha mustaqil ishlaganda Prezident asarlari, Oliy Majlis va hukumat hujjatlarini konspekt qilishga alohida e’tibor berish kerak.
Talabalarning mustaqil ishiga ularning universitet va fakultetdagi jamoatchilik tashkilotlaridagi mustaqil ishini kiritib bo‘lmaydi. Bunday ishlarga Kamolot yoshlar tashkiloti, kasaba uyushmasi, talabalarning turli to‘garak va sekstiyalardagi ishlari kiradi. Talabalarning bu tashkilotlarda jamoatchilik asosida ishlashi ularning dunyoqarashini kengaytiradi va omma bilan ishlash ko‘nikmalarini beradi.
Talabalar bilimini baholash reyting tizimi asosida amalga oshiriladi. Talabalar bilimini reyting tizimi orqali baho­lashdan maqsad, talabalarda o‘qitilayotgan fanlarni chu­qur egallash, topshiriqlarga ijodiy yondoshish, mustaqil fikrlash, o‘z bilimini muntazam ravishda oshirishga intilish hamda adabiyotlardan keng foydalanish kabi xususiyatlarni rivojlantirish va ushbu tariqa raqobat­bardosh mutaxassislarni tayyorlashga erishish hisoblanadi.
Reyting tizimi quyidagi vazifalarni baja­rishga qaratilgan:
- talabalar o‘zlashtirishini muntazam ravishda na­zorat etib borish, ularni semestr (o‘quv yili) davo­mida o‘z ustilarida uzluksiz faol ishlashlarini ta’minlash;
- talabalar bilimini haqqoniy, aniq va adolat­li baholash hamda natijalarini ularga muntazam ra­vishda ma’lum qilish;
- talabalarda mustaqil ishlash ko‘nikmalarini keng rivojlantirish;
- professor-o‘qituvchilarda ma’ruza va amaliy mash­g‘ulotlarga puxta tayyorgarlik ko‘rish, baholash savol­larini tuzishda mas’uliyatini oshirish.