Клиник лаборатор диагностика бўйича қЎлланма

 
 
 
Тест-тилимчалар билан аниқланадиган сийдик таҳлили 
 
1. рН 
 
Усул принципи 
Тилимчалар реагент зонаси таркибида бромтимол кўк, кислота-ишқор 
индикатори бўлиб, у рангини рН 5-9 диапазонда ўзгарганда олов рангдан 
сариқ ва яшил орқали кўккача бўяйди.
 
Кислоталик шкаласи: 
0_______________________7 ___________________________ 14 
Кислотали муҳит Нейтрал муҳит Ишқорий муҳит 
 
Янги сийдик меъёрда кучсиз кислотали реакцияга эга бўлади (рН 6,0 
атрофида). Сергўшт овқат сийдикдаги рН кўрсаткичининг кўпроқ кислотали 
томонга ўтишига сабаб бўлади. Таркибида ҳайвон оқсиллари кам, сабзавот ва 
мевалар кўп бўладиган овқат сийдикнинг ишқорланишига олиб боради. 
Ёт омиллар таъсири ва сезгирлиги 
Индикатор шкала ранги билан рН кўрсаткичини 0,5бирликкача 
аниқликда ўлчаш мумкин. Натижалар ёт моддалар борлигига қараб нордон 
ёки ишқорий томонга силжиши мумкин. 
Тестни баҳолаш 
Тилимча реактив зонасининг ранги текшир илаётган сийдик 
рНига қараб ўзгаради. Реактив зона ранги тилимча синамадан оли-
ниши билан рангли шкала билан солиштирилади. Шкаланинг алохи-
да катакларнинг ранги рН 5 - 6 - 7 - 8 - 9 кўрсаткичларига тўғри 
келади. Агар реактив зона ранги икки рангли катак ўртасида бўлса, унда 
натижа бутун кўрсаткичлар ёки 0.5 бирлик диапазонида оралиқ 
кўрсаткичларда кўрсатилиши мумкин. 

---

64 
 
Патологияси 
Сийдик реакциясининг кислотали (рН нинг меъёрий кўрсаткичдан паст) 
бўлиши: 

Овқатда гўшт кўплигини 

Ацидоз ва/ёки қандли диабет борлигини (дори-дармонлар билан ростлаб 
турилмаётган бўлса) кўрсатади. 

Ўткир ва сурункали буйрак касалликлари, ҳарорат кўтарилиши, фенилке-
тонурия ва бошқалар 
Сийдик реакциясининг ишқорий (рН нинг меъёрий кўрсаткичдан юқори) 
бўлиши: 

Овқатда мева ва сабзавотлар кўп, ҳайвон оқсиллари камлигини 

Сийдик йўлларида инфекция борлигини, сурункали уретритлар, 
циститларда бактериал аммиакли бижғиш ҳисобига, шишлар, 
транссудатлар, экссудатлар сўрилиши, меъда ва 12 бармоқли ичак яра 
касаллиги билан оғриган беморларда қайт қилиш, тез-тез ошқозон 
ювишларда 

Буйрак тошлари (фосфатлар, кальций карбонат) ҳосил бўлаётганини 
кўрсатиши мумкин.