Клиник лаборатор диагностика бўйича қЎлланма

БОБ 1.
БИОКИМЁВИЙ ТЕКШИРУВ УСУЛЛАРИ
Биокимёвий (аналитик) усуллар лаборатор текширувларнинг муҳим 
қисми бўлиб, инсон организмининг биологик суюқликлари бўлган мураккаб 
биологик тизимларни таркибини характерлаш ва объектив баҳолашга имкон 
беради. Биокимёвий текширувлар учун энг кўп олинадиган биологик 
материал бўлиб қон ва унинг қисмлари (плазма, зардоб) ҳисобланади. Соғлом 
одамларда қон плазмасининг кимёвий таркиби нисбатан доимий бўлиб, 
ундаги ўзгаришлар организмда патологик жараён борлигидан далолат беради.
Клиник 
диагностик 
лабораторияларда 
биокимёвий 
таҳлиллар 
ўтказишда биологик суюқликлар компонентларини миқдорий аниқлашда 
фотометрларда ўлчаш усулларидан фойдаланилади.
ФОТОМЕТРИЯНИНГ АСОСИЙ ТУШУНЧАЛАРИ 
Кейинги йилларда лаборатор таҳлилларда миқдорий таҳлилнинг 
фотометрик 
усуллари 
кенг 
қўлланилиб, 
улар 
аниқланаётган 
компонентларнинг нурга қамралувчи бирикмага айланиши ва кейин улар 
миқдорини эритмаларнинг нурни қамраб олишини ўлчаш йўли билан 
аниқлашга асосланган. Фотометрик усулларда текширилаётган эритмадан 
ўтаётган нур оқимининг қуввати фотодетекторлар ёрдамида аниқланади. 
Фотометрик усул колориметрик усулга кўра объектив бўлиб, Ушбу усул учун 
нисбатан содда асбоблар талаб этилади ва шу билан бирга у юқори 
сезувчанлик ва диагностик имкониятларга эга. Нур оқимларини 
фиксацияланган тўлқин узунликларида қайд қилиш учун фотометрлар деб 
аталувчи оптик асбоблар хизмат қилади.
Фотометр – нур оқимларини фиксацияланган тўлқин узунликларида 
ўлчашга имкон берувчи оптик асбоб. Нур нурланиш манбаидан кириш 
тирқиши орқали ўтади ва ўлчаш учун зарур бўлган тор спектрни ўтказувчи 
нур фильтрга келади. Нур қисман намуна турган кюветага текширилаётган 
намунанинг миқдорига қараб тушади ва кюветада ютилади. Кювета орқали 
ўтган нур чиқиш тирқишида тарқалган нурдан ажралади. Фото қабул 
қилгичда нур оқими микропроцессор билан ўлчанадиган электрик сигналга 
айланади. Кюветадан ўтган нур миқдори кюветадаги модданинг таркиби ва 
миқдорига боғлиқ.
Аниқлашнинг йўллари қуйидаги чизмада келтирилган: