Kolloid eritmalarning olinishi

2. DISPERLASH USULI

1. Ishqor yoki kislota yordamida peptizlab stannat kislota hamda alyuminiy (III) –gidroksid zoli hosil qilish.

Qalay(IV) – xlorid suvli eritmalarda quyidagi tenglamaga muvofiq gidrolizlanadi:

SnCl₄ + 4H₂O → 4HCl + Sn(OH)₄

H₂SnO₃ cho’kma ishqor yoki kislotalar (peptizatorlar) ta’sirida kolloid eritmaga o’tishi mumkin. Peptizasiyalashning xarakterli xususiyati shundan iboratki, peptizator miqdori peptizlanuvchi modda miqdoridan bir necha marta (ko’pincha 1000 marta) kam bo’ladi.

H₂SnO₃ ga NaOH qo’shilsa, quyidagi tenglamaga muvofiq natriy stannat tuzi hosil bo’ladi:

H₂SnO₃ + 2NaOH → Na₂SnO₃ + 2H₂O

Na₂SnO₃ eritmada dissosilanib, manfiy zaryadlangan ion SnO₃^2- hosil qiladi, bu ion ((H₂SnO₃)_n agregatga adsorbilanib, uni manfiy zaryadli zarrachaga aylantiradi; natijada misellalar hosil bo’ladi va cho’kma zolga o’tadi.

Stannat kislota kislotalar ta’sirida ham peptizlanishi mumkin. Bu holda sxemada ko’rsatilganidek, musbat zaryadli zol hosil bo’ladi:

H₂SnO₃ + 2HCl → SnOCl₂ + 2H₂O

mSnOCl₂ ↔ mSnO²⁺ + 2mCl^-

Misellaning umumiy formulasi quyidagicha bo’ladi:

{[H₂SnO₃]_mnSnO²⁺, 2(n – x)Cl^-} 2xCl^-