Kombinatorika hám itimallíqlar teoriyasíNÍŃ bazí bir máselelerin úyretiw metodikasí

II BAP. KOMBINATORIKA TEORIYASÍN OQÍTÍW USÍLLARÍ
2.1§. Kombinatorikanı oqıtıwda júzege keletuǵın mashqalalardıń hám oqıtıw usıllarınıń tallawı
2.2§. Itimallıqlar teoriyasın oqıtıwda júzege keletuǵın mashqalalardıń hám oqıtıw usıllarınıń tallawı


Juwmaqlaw
Bul magistrlik dissertaciya jumısında kórsetkishli hám logarifmlik funkciyalardıń tiykarǵı qásiyetleri, kórsetkishli teńlemelerdiń tiplerine arnalǵan mısallar, kórsetkishli teńlemeler sitemaların sheshiwge arnalǵan mısallar, logarifmlik teńlemelerdiń tiplerine arnalǵan mısallar, logarifmlik teńlemeler sitemaların sheshiwge arnalǵan mısallar, kórsetkishli teńsizliklerdiń tiplerine arnalǵan mısallar, logarifmlik teńsizliklerdiń tiplerine arnalǵan mısallar, sonıń menen birge quramalı kórsetkishli hám logarifmlik teńlemeler jáne kórsetkishli hám logarifmlik teńsizliklerdi sheshiwdiń logikalıq usılları kórsetildi.
Kórsetkishli, logarifmlik teńlemelerdi hám teńsizliklerdi tiplerine qaray sheship úyreniw ushın kerekli bolǵan usıllar járdeminde mısallar sheshildi, oqıwshılardı kórsetkishli, logarifmlik teńlemeler di hám teńsizliklerdi tiplerine qaray óz betinshe sheship úyretiw maqsetinde bir neshe mısallardıń sheshiw usılları kórsetildi. Oqıwshılardıń logikalıq oylaw qábiletin rawajlandırıw maqsetinde kórsetkishli hám logarifmlik funkciyalardıń qásiyetleri hám olarǵa baylanıslı teńlemeler hám teńsizliklerdi sheshiwdiń bir neshe usılları kórsetip ótildi.
Dissertaciya jumısında kórsetkishli, logarifmlik teńlemelerdi hám teńsizliklerdi úyretiwdiń metodikası islep shıǵıldı. Kórsetkishli, logarifmlik teńlemelerdi hám teńsizliklerdi sheshiwdi úyretiw ushın kerekli bolǵan logikalıq metodlar sisteması kórsetildi hám olarǵa úyretiwdiń tiykarǵı talapları belgilendi.
Orınlanǵan jumıstıń tiykarǵı nátiyjeleri: bul magistrlik dissertaciya jumısınıń mazmunı, tiykarınan mektep oqıwshılarına matematika sabaǵında alǵan teoriyalıq bilimlerin ózlestiriw uqıplılıǵına baylanıslı hám onı bekkemlewge arnalǵan bazı bir kórsetkishli, logarifmlik teńlemelerdi hám teńsizliklerdi úyretiwdiń metodları menen birge, olarda sheshiwdiń hár qıylı ilimiy izleniwler hám logikalıq dáliyllew metodlarınan paydalanıldı. Bul jumısta sheship úyretilgen barlıq mısallar, óz betinshe tańlap alındı hám olardı sheshiwde jeke izleniwshilik usıllarınan paydalanıldı.
Dissertaciya jumısında keltirilgen materiallar oqıwshılardıń kórsetkishli, logarifmlik teńlemelerdi hám teńsizliklerdi óz betinshe sheshiwde, olardı sheshiwdiń usılların úyreniwde hám logikalıq mısallar sheshiw metodların biliwde úlken áhmiyetke iye, sonıń menen birge, dissertaciya jumısında keltirilgen metodikadan orta mektep muǵallimleri, kásip-óner kollejleri, akademiyalıq liceylerdiń oqıwshıları hám pedagogikalıq instituttıń studentleri algebra pánin tereńnen úyreniwde paydalanıwı múmkin.