Kon korxonasi ko‘tarish mashinasining elektr uskunalari va elektr ta’minoti

Kurs ishining maqsadi va vazifasi.
Kurs ishini bajarishdan maqsad talabalarning "Kon mashinalariniung elektr jixozlari" fanidan “Kon korxonasi ko‘tarish mashinasining elektr uskunalari va elektr ta’minoti” mavzusi boʻyicha olgan nazariy va amaliy bilimlarni umumlashtirish, mustahkamlash va elektr yuritma boʻyicha muayyan masalalarni yechish uchun bularni tatbiq qilishni oʻrganish. Kurs ishining vazifasi talabalarni mutaxassislik boʻyicha ishlashga tayyorlash, jumladan kon mashina va mexanizmlarning elektr yuritmalari boʻyicha maʼlum masalalarni yechishni oʻrgatishdir.
Kurs ishini bajarish boʻyicha umumiy maʼlumotlar.
Talabalar Kurs ishini bajarishlari uchun"Kon mashinalariniung elektr jixozlari" fanidan tegishli nazariy va amaliy maʼlumotlarga ega boʻlishlari kerak.
Kurs ishini bajarish uchun rahbar tomonidan topshiriq beriladi. Unda barcha kerakli bo’lgan ma’lumotlar va chizmalar keltiriladi.
Kurs ishini bajarishdan oldin talabalar ushbu uslubiy qo’llanmani va berilgan topshiriqni diqqat bilan o’rganib chiqishlari lozim.
Kurs ishi izoh yozuvi va chizmalardan iborat bo’ladi.
Izoh yozuvi uchun sarvarak tuziladi (ilovada namunasi keltirilgan)
Izoh yozuvida Kurs ishining har bir bo’limi uchun sarlavha yoziladi.
Hisoblashlarga va chizmalarga tushuntirish keltirilishi kerak. Har bir ko’rsatgich va miqdorlarning o’lchov birliklari aniq va to’g’ri ko’rsatilishi kerak. Chizmalarni chizmachilik asboblaridan foydalanib chizish kerak. Chizmalar Davlat standartiga muvofiq chizilishlari lozim.

Kurs ishining mazmuni
Kurs ishining izoh yozuvi quyidagi bo’limlarni o’z ichiga oladi:
1. Kirish
2. Kurs ishini bajarish uchun topshiriq va dastlabki ma’lumotlar.
3. Elektr yuritma dvigatelining quvvatini hisoblash va turini tanlash.
4. Elektr yuritmaning ishga tushirish-rostlash qarshiliklarini hisoblash.
5. Elektr yuritmani tarmoqqa ulovchi elektr apparatlarini tanlash.
6. Elektr yuritmaning Avtomat boshqarish sxemasini tuzish.
Shu bilan birga foydalanilgan adabiyotlar ro’yxati keltiriladi. Izoh yozuvi uchun A4 formatdagi qog’ozda rasmiylashtiriladi.
Chizma A1 formatli vatmanda chiziladi va elektr yuritmani Avtomat boshqarish sxemasidan iborat bo’ladi.