Konfedenlas ma'lumotlar pdf

avtomatlashtirilgan tizim - 
belgilangan funksional vazifalarni amalga oshirishda 
axborot texnologiyalardan foydalanadigan xodimlar va ularning faoliyatini 
avtomatlashtirish vositalari majmuidan iborat tizim; 

---

avtomatlashtirilgan tizim adminstratori (ma’muri) - 
avtomatlashtirilgan tizimning 
belgilangan tartibda normal ishlashi uchun mas’ul va javobgar shaxs; 
axborot muhofazasi (xavfsizligi) ma’muri - 
axboroti xavfsizligi bo'yicha o'rnatilgan 
ma'muriy himoya choralarining amalga oshirilishi va ularga muntazam rioya qilinishi, 
qo'llanilayotgan jismoniy va texnik muhofaza vositalarining ishini tashkiliy jihatdan 
doimiy ravishda bir maromda saqlash, ta'minlash, to'xtashi (susayish, yomonlashish, 
uzilish] ga yo'l qo'ymaslik orqali tizimning muhofazasi ta'minoti uchun mas’ul bo'lgan 
vakolatli vakil (shaxs yoki shaxslar guruhi); 
axborot (ma’lumot) xavfsizligi - 
kompyuter texnikalari yoki avtomatlashtirilgan 
tizimlar vositasida qayta ishlanadigan axborotni ichki va tashqi tahdidlardan muhofaza 
qilish holati; 
yordamchi texnik vosita va tizimlar - 
asosiy texnik vositalar va tizimlarda yoki 
muhofazalangan joylarda hamkorlikda o'rnatiladigan, konfidensial axborotlarni qayta 
ishlash uchun mo'ljallanmagan texnik vositalar va tizimlar; 
axborotdan erkin foydalanish (kirish) - 
axborotlar bilan tanishish, ularni qayta 
ishlash, nusxa ko'chirish, o'zgartirish yoki yo'qotish; 
axborotlarni ruxsatsiz foydalanishdan muhofazalash - 
muhofazalangan 
axborotlardan manfaatdor shaxslarning me'yoriy-huquqiy aktlar, boshqa hujjatlar yoki 
muhofazalangan ma’lumot mulkdori (egasi) tomonidan o'rnatilgan huquq va qoidalarni 
buzgan holda foydalanishining oldini olishga qaratilgan faoliyat; 
muhofazalangan axborotlar - 
me'yoriy-huquqiy aktlar va boshqa hujjatlar bilan yoki 
axborot egasi tomonidan belgilangan talablarga muvofiq muhofazalanishi lozim bo'lgan 
axborotlar;