Korxonalarda pul mablag`lari hisobi

Hisob raqamlari bo‘yicha operatsiyalar bank ko‘chirmalari va ularga ilovalangan pul hisob-kitobi hujjatlari bo‘yicha "5110"-schoti "Hisob-kitob schoti"da aks ettiriladi. Pul mablag'larini hisob raqamga tushumi 4010-"Xaridorlar va buyurtmachilardan olinadigan schotlar", 6310-"Xaridorlar va buyurtmachilardan olingan bo‘naklar", 5110-schot debeti bo‘yicha aks ettiriladi. Hisob raqamidan pul mablag'larini hisobdan chiqarish bank tomonidan mijozning to‘lov topshiriqnomasi - ma'lum miqdordagi pulni o‘zining hisob raqamidan qabul qiluvchini hisob raqamiga o'tkazish haqidagi farmoyishi bilan amalga oshiriladi. To‘lov topshiriqnomasi yordamida tovar, ish, xizmat va boshqa to'lovlar uchun hisob-kitob amalga oshirilishi mumkin. To‘lov topshiriqnomalarini rasmiylashtirish va bankka taqdim qilish bo‘yicha asosiy talablar Adliya Vazirligi tomonidan 03.06.2013 yil 2465-son bilan ro‘yxatga olingan O‘zbekiston Respublikasida naqd pulsiz hisob-kitoblar to‘g‘risidagi nizomning IV-bobida belgilangan.

Mavzu boʻyicha qoʻshimcha maʼlumotlar.

• Pul mablag’lari hisobi va auditining asosiy maqsadi: korxona kassasidagi milliy 5010 va xorijiy valyutadagi 5020 naqd pul mablag’larini, bankdagi hisob-kitob 5110, valyuta 5200 schyotlari va boshqa maxsus 5500, pul ekvivalеntlari 5610 hamda yo’ldagi pul (o’tkazmalari) mablag’lari 5710 schyotlariga doir muomalalarni auditorlik tеkshiruvidan o’tkazib, moliyaviy hisobotning «Pul mablag’lari» bo’limi bo’yicha ma'lumotlarning ishonchliligi va bankdagi schyotlarda pul mablag’larini hisobga olish uslubiyotining O’zbеkiston Rеspublikasida amal qilayotgan mе'yoriy hujjatlarga muvofiqliligi to’g’risida xulosa bildirish, ularni saqlanishi va ishlatilishining maqsadga muvofiqligi, buxgaltеriya hisobida to’g’ri aks ettirilishi hamda qonuniyligini ta'minlashdan iborat.