Korxonaning asosiy fondlari va ishlab chiqarish quvvati

Ishlab chiqarish quvvati – bu ma’lum bir vaqt davomida ilg’or texnologiyalardan foydalanish, ishlab chiqarish va mehnatni tashkil qilishning ilg’or sharoitlarida ishlab chiqarish mumkin bo’lgan mahsulotlarning maksimal darajasidir.
Korxona ishlab chiqarish quvvati kattaligini belgilab beruvchi ko’rsatkichlar:

• 
  uskunalar tarkibi va turlar bo’yicha soni;
  
• 
  uskuna, agregat va dastgohlardan foydalanishning texnik-iqtisodiy norma (normativ) lari;
  
• 
  uskunalarning ishlash vaqti fondi;
  
• 
  ishchilar soni;
  
• 
  ishlab chiqarilayotgan mahsulot nomenklaturasi va assortimenti (turlari va xilma-xilligi).
  

O’rtacha yillik ishlab chiqarish quvvati quyidagi formuladan hisoblab topiladi:
M_o’r.yil = M_n + M_v· n₁/ 12 + M_l · n₂ / 12.
Bu yerda:
M_o’r.yil – korxonaning o’rtacha yillik quvvati;
M_n– korxonaning yil boshidagi quvvati;
M_v – yil mobaynida kiritiluvchi quvvati;
M_l – yil davomida ishlab chiqarishdan chiqariluvchi (yo’q qilinuvchi) quvvat;
n₁ , n₂ – ishlab chiqarish quvvatlarini ishga tushirishdan yoki tugatilgan ishlab chiqarish quvvatlari yo’q qilingandan to yil oxirigacha o’tgan to’liq oylar soni.


Ko’chmas mulk-yer uchastkalari, yer osti boyliklari, maxsus suv obyektlari, yer bilan bog’liq buzilmas narsalar.
Ko’chirib bo’ladigan mulk- ko’chmas mulkka kirmaydigan barcha narsalar, pul mablag’lari, qimmatli qog’ozlar.
Uzoq muddatli aktivlar- korxona xo’jalik faoliyatida uzoq muddat mobaynida qatnashadigan aktivlar.
Asosiy fondlar- moddiy (ashyoviy) boylik bo‘lib, o‘zining tabiiy ko‘rinishi, uzoq vaqt mobaynida o‘zgartirmaydi hamda qiymatini ishlab chiqarilayotgan mahsulot qiymatiga qismlab o‘tkazadi.