Куйиш жароҳатини олганда биринчи тиббий ёрдам курсатиш бадан куйиши олдини олиш

Куйиш жароҳатини олганда биринчи тиббий ёрдам курсатиш
БАДАН КУЙИШИ
Олдини олиш:
Кўпинча куйишнинг олдини олиш мумкин.
Болаларга алоҳида еътибор беринг:
♦ Ёш болаларни ўт олдида юришига йўл қўйманг.
♦ Чироқ ва гугуртларни болалар ололмайдиган жойга қўйинг.
♦ Печкадаги қозон товоқларнинг дасталарини болалар ололмайдиган қилиб қўйинг.
♦ Кимёвий моддаларни ёпиқ идишларда ва болалар ололмайдиган жойда сақланг

Пуфаклар ҳосил қилмайдиган - енгил куйиш (1-даража)
Енгил куйишда оғриқ ҳамда шикастланишни камайтириш учун куйган жойни дарров совуқ сувга солинг. Алое ҳам ёрдам беради. Бошқа ҳеч қандай даво усулларининг кераги йўқ. Оғриққа қарши аспирин ичинг.
Пуфаклар келтириб чиқарувчи куйиш, кимёвий моддалар ва електр токидан куйиш (2-даража)
Пуфаклар, яъни қоварчиқларни тешманг. Унинг устига муз қўйманг. Агар пуфак тешилиб кеца, ўша жойни қайнатиб совутилган сувда совунлаб ювинг. Сув билан тахминан 30 дақиқа чайинг. Тоза докани яра устига қўйинг, лекин унинг устини босманг. Ярани ҳеч қачон ёғламанг. Куйган жойга асал ёки алое етини суртиш инфексиянинг олдини олишга ва яранинг тезроқ тузалишига ёрдам беради. Аввал суртилган ески асални ёки алоени аста ювиб ташланг ва ўрнига кунига камида 2 марта янгисини суртинг.
Куйган жойни иложи борича тоза сақланг. Уни ифлос тегиши, кир, чанг ва пашшалардан еҳтиёт қилинг.
Агар инфексия белгилари: йиринг, ёмон ҳид, иситма, ёки лимфа тугунининг шишиши сингари ҳодисалар пайдо бўла бошласа, кунига 3 маҳал тузли илиқ сувда (1 ош қошиқ туз 1 литр сувга) компресс қилинг. (Агар иложи бўлса, 1 ошқошиқ хлорли оҳакдан ҳам қўшинг) Сув ва латтани ишлатишдан аввал қайнатинг. Ўлик етлар жуда еҳтиёткорлик билан олиб ташланг. Сиз Банеоцин каби антибиотик ёғлардан суртишингиз мумкин. Оғирроқ ҳолларда пенициллин ёки ампициллин каби дориларни ичинг.
Чуқур Куйиш (3-даража)
Тери қаттиқ шикастланиб, куйиб қорайиб кетган гўштнинг чиқиб қолиши ёки кимёвий моддалар танага тегиб бир неча соат мобайнида ҳам пайдо бўлмайдиган куйишлар, ёки тананинг кўп қисмининг куйиши чуқур куйишга киради. Жароҳатланган одамни тез тиббий ҳизмат марказига олиб боринг. Куйган жойини тоза латта ёки сочиқ билан ёпиб туринг. Агар тиббий ёрдам олишнинг иложи бўлмаса, куйган жойни юқорида айтилгандек даволанг. Агар вазелинингиз бўлмаса, куйган жойни очиқ қолдиринг. Уни фақат чит ёки чойшаб билан чанг ва пашшалардан сақлаш учун устини беркитиб қўйинг. Латтани жуда тоза сақланг ва куйган жойдан чиқаётган қон ёки суюқликдан кир бўлиб қолганида ҳар сафар уни алмаштириб туринг. Пенициллин беринг.
Куйган жойга ҳеч қачон ёғ, тери, кофе, турли ўсимликлар баргларини қўйманг.
Жуда Жиддий Куйган Одам учун Махсус Муолажалар Жиддий куйган ҳар қандай одам турли аъзоларининг оғриши, кўнглини ваҳима босиши ва куйган жойдан кўп суюқлик чиқиб, организми сувсизланиши натижасида осонгина шокка тушиши мумкин. Куйган одамни қулай қилиб ётқизинг ва унга далда беринг. Унга оғриққа қарши аспирин, агар топа олсангиз кодеин беринг. Куйган жойларни озгина тузли сувга солиш ҳам оғриқни бироз пасайтиради. Қайнатиб совутилган сувнинг ҳар литри учун 1 чой қошиқ туздан солинг. Куйган одамга кўп суюқлик беринг. Агар куйган жой кафтининг катталигидан 2 марта ортиқ бўлса, қуйидаги ичимликни тайёрланг:
Шунингдек 2 ёки 3 ош қошиқ шакар ёки асал ва иложи бўлса бироз апелсин ёки лимон шарбатидан қўшинг.
1 литр сувга ярим чойқошиқ туз ва ярим чой қошиқ ош содаси (сода бикарбонат).
Куйган одам иложи борича ушбу ичимликдан сийгунга қадар тез-тез ва кўпроқ ичиб туриши керак. Агар куйган жойи катта бўлса, кунига 4 литр суюқлик ичишга ҳаракат қилиши керак, бироқ жуда катта жой куйган бўлса, 12 литргача суюқлик ичиши керак. Қаттиқ куйган одамлар учун оқсилга бой овқатларни истеъмол қилиш,
айниқса муҳимдир. Ҳамма хилдаги овқат ейилиши мумкин. Бўғимлар Атрофи нинг Куйиши Агар одам бармоқларининг ораси, қўлтиғи ёки бирор бошқабўғимининг атрофи куйса, тузалган сари бир бирига бирлашиб кетмаслиги учун уларнинг орасига вазелин суртилган бинт қўйилиши керак. Шунингдек, бармоқлар, қўллар ва оёқларни
тузалган сари кунига бир неча мартадан ростлаб тўғри қилиб туриш керак. Буни қилиш жуда оғир, лекин бу қотиб қолиб, ҳаракатни чекловчи чандиқларнинг олдини олади. Куйган қўл тузалаётган даврда бармоқлар бироз егилган ҳолда бўлгани маъқул.


Ёнғин хавфсизлиги
бўйича мухандис У.Х.Ташматов