Kurs ishi matnining namunaviy tuzilmasi

I. C++ dasturlash tili asosiy tushunchalari
Reja:

1. 
   C oilasi tillari tarixi.
   
2. 
   C++ tilining alfaviti va xizmatchi so`zlari.
   
3. 
   Funktsiyalar kutubxonasi.
   
4. 
   Direktivalar.
   
5. 
   Dasturning tuzilishi.
   
6. 
   Mutaxassislikka oid masalalarni dasturlash tili orqali yechishga doir misollar.
   

Rejadagi har bir masala o`zaro bog’langan bo`lishi lozim, ularni yoritishda esa mavzuning mutaxassislik sohasida qo’llanilishiga doir misollar keltirilishi va amaliy ish faoliyatiga bog’langan bo`lishi ham e`tibordan chetda qolmasligi kerak. Reja bir-biriga bog’lik bo`lib biri ikkinchisini to`ldirib turadigan hamda mavzuni kompleks hal qilishni ko`zda tutgan ketma-ketlik asosida ishlab chiqilishi kerak.
Nazariy qismda reja asosida qo`yilgan masalaning kelib chiqishi, manbaalari, ishlash texnologiyasi, ahamiyati, qo`llanish sohalari, texnik ko`rsatgichlari, ish rejimlari, strukturasi, effektivligi, afzallik va kamchiliklari, dasturiy majmualar bilan aloqadorligi va hokazo masalalar bayon etiladi.
Nazariy qismni to`la yoritish uchun, talaba ilmiy ommabop jurnallardan, belgilangan adabiyotlardan, Internetning axborot manbaalaridan foydalanganligini va uni chuqur o`rganganligini namoyon qilishi kerak. Bu erda bo`lg’usi mutaxassisning fan bo`yicha tayyorgarligi qay darajada ekanligi, qo`yilgan masalani mustaqil hal etish qobiliyati tekshiriladi va belgilangan mezonlar asosida baholanadi. Turli mualliflarning bir qancha nashr qilingan ishlarini o`zlashtirish jarayonida talaba tafakkurida olingan axborotlarni tahlil etish, maqsad bo`yicha qismlarga ajratish, taqqoslash, umumlashtirish hamda ular orasidagi o`zaro o`xshashlik va farqni topa olishlari muhimdir.
Ushbu yo`nalishda bajarilgan ishlarning mamlakatimiz va xorijiy davlatlar tajribasi ham bayon etilishi maqsadga muvofiq keladi. Agar talaba mavzu bo`yicha olgan natijalarini tanqidiy baholay olsa kurs ishining qiymati yanada oshadi. Asosiy qismda rasmlar, chizmalar, grafiklar va jadvallar keltirilishi mumkin.
Nazariy tomondan o`rganilayotgan masala chuqur yoritilgandan so`ng kurs ishini bajaruvchi nazariy bilimlarini amaliy faoliyat bilan o`zaro bog’lay olishi kerak. Ish bo`yicha berilayotgan takliflar asosli bo`lishi va takliflar aniq, lo`nda va tushunarli qilib bayon qilinishi kerak.