Kurs jumisiníŃ quramí

KIRISIW

Rele qorǵanıwı hám avtomatika apparatları elektr sistemasında júzege keliwshi zaqımlanıw hám normal bolmaǵan rejimlerdi avtomatikalıq túrde tártipke salıw ushın xızmet qıladı. Rele qorǵanıwı energosistema da zaqımlanıw payda bolǵanda zıyanlanǵan elementti anıqlaydı jáne onı sistemanıń zıyanlanbaǵan bóleginen zaqımlanıw tokların úziwge mólsherlengen arnawlı ajıratqishlarǵa tásir qılıw jolı menen ajıratıp qoyadı.
Normal bolmaǵan rejim payda bolǵanda rele qorǵanıwı normal rejimdi qayta tiklew ushın zárúr bolǵan ámellerdi atqaradı yamasa qadaǵalawshı personalǵa signal beredi.
Avtomatika apparatları sistemanıń normal rejimin tezlik penen avtomatikalıq túrde qayta tiklew ushın xizmet etedi. Tiykarǵı avtomatika apparatlarına avtomatikalıq qayta jalǵaw (AQJ), rezervti avtomatikalıq jalǵaw (RAJ) hám avtomatikalıq jiyliklik jeńillestiriw (AJJ) kiredi.
Elektr támiynatı sistemasınıń ayrıqsha xarakterli belgileri, olarda bolatuǵın processlerdiń úlken tezlikte keshiwi hám zaqımlanıw xarakterine iye bolǵan zaqımlanıwlardıń júzege keliwi múmkinligi bolıp tabıladı. Usınıń sebebinen elektr támiynatı sistemasınıń isenimli hám qolaylı islewine avtomatikalıq basqarıw jolı menen ǵana erisiw múmkin. Onıń ushın hárqıylı avtomatikalıq basqarıw apparatları paydalanıladı. Olar arasında tiykarǵı orınlardan birin avtomatikalıq rele qorǵanıwı apparatları iyeleydi.
Kurs jumısında elektr támiynatı sistemasınıń normal hám qısqa tutasıw rejimleriniń parametrlerine tiykarlanıp, elektr apparatlardı orınlaw qaǵıydalarınıń talapların esapqa alǵan halda rele qorǵanıwı hám avtomatika apparatları saylanadı hám de olardı iske túsiw parametrleri, seziwsheńligi hám tańlaw qásiyetleri anıqlanadı.

KURS JUMISINÍŃ QURAMÍ

Kurs jumisinda berilgen elektr taminati sistemasiniń barlıq elementleri ushın releli qorǵanıwı hám avtomatikasin esaplap shiǵiw hám tańlaw talap etiledi. Bunıń ushın hár bir studentke individual (shaxsiy) tapsirma beriledi, bir siziqlı sxema quramında tarmaq kernewi, transformatorlar hám tutiniwshilardiń quwatliliǵi hám tiykarǵi xarakteristikalari, liniyalar hám taminlew derekleriniń parametrleri hám bunnan tisqari jáne basqada maǵlumatlar kórsetilgen boladi.
Bul kurs jumısinda kórsetilgen maǵlumatlar tiykarında tómendegi máseleler sheshiliwi kerek:

1. 
   Almastiriw sxemasin dúziw hám qısqa tutasiw toklarin esaplaw.
   
2. 
   Liniyalar, transformatorlar hám tutiniwshilardiń releli qorǵanıw túrlerin tańlaw.
   
3. 
   Tok hám kernew transformatorlarin tańlaw.
   
4. 
   Releli qorǵanıw hám avtomatikaniń ornatpalarin esaplaw hım relelerdi tańlaw.
   

Kurs jumisin orınlawda kerekli bolǵan maǵlumatlardıń bir bólimi qosımshalarda keltirilgen. Joq (jetispegenlerin) maǵlumatlardi ádebiyatlardan aliw múmkin.