Гидроксил гурухи тутган бирикмаларнинг ИҚ спектрлари - Гидроксил гуруҳи тутган бирикмалар кўп синфларни ўз ичига олади. Бу бирикмалар учун энг асосий тебраниш частоталари икки турдан иборат бўлиб, уларга гидроксил гуруҳининг валент ва деформацияли тебраниш частоталари киради.
Икки атомли ва кўп атомли спиртларда молекулалараро водород боғидан ташқари, молекула ичида ҳам водород боғи мавжуд. Бу водород боғининг энергияси молекулалараро водород боғининг энергиясидан анча катта бўлгани учун намунани жуда суюлтирганда ҳам узилмайди. - А - молекулалараро водород боғи;
- Б- молекула ичидаги водород боғи.
Бу икки хил турдаги водород боғининг борлигини билиш учун ўрганиладиган модданинг спектрини турли хил концентрацияларда қутбсиз эритувчилар (ССl4, CS2) ишлатиб 3000-3650 см-1 соҳада ўрганилади. Агар молекулада молекулалараро водород боғи бўлса, жуда суюлтирилган эритмаларда унинг узилиши рўй бергани учун озод гидроксилга тегишли бўлган ингичка шаклдаги частота олинади, молекула ичида водород боғи бўлса, суюлтириш натижасида модданинг концентрацияси камайгани учун фақат 3000-3650 см-1 соҳада ютилиш интенсивлиги камаяди, шакли ўзгармасдан кенг ҳолда қолади (1,2-расмлар). -
- 1-расм. Спиртлардаги молекулалараро водород боғини эритманинг концентрациясига боғлиқлиги ёрдамида аниқлаш.
| -
- 2-расм. Спиртлардаги молекула ичра водород боғини эритманинг концентрацияси ўзгариши билан аниқлаш.
|
Do'stlaringiz bilan baham: |
