Laboratoriya ishi-2 Mavzu: Shriftlar bilan ishlash

Laboratoriya ishi-2
Mavzu: Shriftlar bilan ishlash
1-topshiriq. Matndagi barcha so‘zlarni Georgia shriftida, agar browser topa olmasa Times New roman shriftini o‘zlashtirisin. Matn o‘lchamini 16px, rangi qizilda aks ettiring.
2-topshiriq. Matndagi barcha so‘zlarnini oralig‘ini 3px da aks ettiring.
3-topshiriq. Matnni oxirgi qismini o‘ngga nisbatan tekislang.
4-topshiriq. Matn soyasini sariq rangda aks ettiring.
5-topshiriq. Matn tarkibidagi har bir abzasdan ixtiyoriy so’zni yuqorisidan nuqtali chiziq chizing.
6-topshiriq. Matn tarkibidagi 2 abzasdagi so‘zlarning birinchi harfini katta reeystrda aks ettiring.
7-topshiriq. Matn tarkibidagi har bir abzasdan ixtiyoriy so’zga yotiq, rangi ko’k, o‘lchami 16px, xatboshi 5px ifodalang.
8-topshiriq. Matn tarkibidagi har bir abzasdan ixtiyoriy so’zga havola o’rnating va havolalarni pastki chizig‘ini olib tashlang.

Matn
BEBOSH BALIQCHA
Oydinniso

Kichik anhorlarning birida orzumand baliqcha yasharkan. U atrofidagi barcha baliqlarga nisbatan chaqqon, uddaburon ekan. Oʻzi yashaydigan anhorning miridan sirigacha oʻrganib olibdi.

Yugurish boʻyicha poyga oʻynasa, hammadan oshib ketarkan. Bekinmachoq oʻynasa, hech kim topolmaydigan joylarga yashirinarkan. Uning aqli yetgan narsalarga tengdoshlari tushunmas, unga bas kela olmaskan. Maktabida ham hammadan aʼlochi ekan.
Baliqcha bora-bora zerika boshlabdi. Boshqa baliqchalar bilan gaplashsa, ensasi qotadigan boʻlibdi. U katta daryolarda, ummonlarda yashashni orzu qilarkan.
– U yoqlarda yashash zoʻr! – der ekan. – Xilma-xil baliqlar, jonzotlar bor. Hammasi bilan doʻstlashasan, koʻp narsalarni oʻrganasan. Chiroyli toshlarni, oʻsimliklarni koʻrasan!
Uning bu gaplarini eshitgan katta baliqlar:
– Bolajonim, “Har yerni qilma orzu, har yerda bor toshu tarozu”, degan gap bor. Oʻz vataningdan yaxshisi yoʻq, – deb nasihat qilibdi.
Baribir, baliqchaning koʻngli toʻlmabdi. U oʻzini kattaroq suv havzalarida yashashga loyiqman, deb oʻylayveribdi.
Kunlarning birida baliqcha suvga qoʻshilib oqib ketibdi. Oqib-oqib oʻzi orzu qilgan keng daryoga yetib boribdi. Vujudi yayrab, qiqir-qiqir kulibdi. Sakrab-sakrab oʻynabdi. “Qanday yaxshi! – debdi. – Katta baliqlar bu yerlarni koʻrmagan-da, shuning uchun bilishmaydi”.
Baliqcha oʻzi kabi mayda baliqlarni nazarga ilmay, kattalar bilan doʻstlashish harakatiga tushibdi.
– Hoy, birodar, – debdi bir nahangning yelkasidan turtib, – kel, birga oʻynaymiz.
Nahang uni koʻrib, koʻzlari quvnab ketibdi. “Yemishim oʻz oyogʻi bilan kelib qoldi-ku!” debdi. Baliqcha qochib ketmasin, degan oʻyda sakrab, unga xamla qilibdi.
Chaqqon baliqcha nahang men bilan oʻynayapti, degan oʻyda qiqirlab chap beribdi. Ular bir qancha vaqt quvlashmachoq oʻynab yurishibdi. Nahang baliqchani tuta olmabdi. Ammo shu payt qahramonimizning atrofini bir nechta katta baliqlar oʻrab olibdi. U choʻrtan baliqni tanib qolibdi. Undan ehtiyot boʻlish kerakligini bilarkan. Birdaniga baliqlar uni yem qilish niyatida ekanini payqab, qoʻrqib ketibdi.
Baliqcha atrofiga alanglab, xarsanglarni koʻrib qolibdi. Ulardan ikkitasi yelkama-yelka turgan ekan. Lip etib ularning orasiga kirib olibdi. Katta baliqlar dumi bilan xarsangni siljitishga urinibdi. Baliqcha xarsanglar oraligʻida oʻtirib, dir-dir titrabdi. Keng daryo koʻziga tor koʻrinib ketibdi. Oʻz anhorini tashlab kelganiga mingdan-ming pushaymon boʻlibdi.