Laboratoriya jumısı №1 Tayarlanǵan katalizator granulaların keptiriw hám tablaw

10 - súwret. Tayarlanǵan katalizator granulaların keptiriw hám tablaw apparatı.

1, 29 - byuretkalar; 2, 24 - shkivlar - dozatorlar; 3, 25 - júkler; 4, 26 - shpricler; 5, 14. 21, 28, 30 - kraynikler; 6, 8, 27 - ólshewshiler - ońlawshılar; 7 - benzin puwlandırǵısh; 9, 18, 22 - termoparalar; 10 - reaktor; 11 – suwıtqısh; 12, 15 - suw menen suwıtqıshlar; 13 - qabıl kolbası; 16 - ustap qalg’ısh; 17 - “Dyuar” ıdısı; 19 - gazometr; 20 - úsh jollı kraynik; 23 - suw puwlandırǵısh.

Eritpeni alıw.

Tablanǵan hám suwıtılg’an tigelge 3-10 sm shamadaǵı alyuminiy metalı bóleksheleri salınadı hám 1000 -1200 ⁰C ge shekem qızdırılǵan pechke qoyıladı. Alyuminiy metalı erigennen keyin onıń shlakı alıp taslanadı hám oǵan nikel metalı qırındıları 2,0-2,5 mm salınadı. Tigeldegi qospanı waqıtı -waqıtı menen temir tayaqsha menen aralastırıp turıladı. Promotor retinde 1% temir metalı alınadı, temir metalı salınıp atırg’an waqıtta, pech temperaturası 1400-1500 ⁰C g’a jetken boladı. Bul temperaturada temir tayaqsha erip eritpe quramına kiredi. Nikel hám alyuminiy qospa (eritpe) pechten alınadı, shlaklar maydanınan alıp taslanadı. Taza eritpe aldınnan tayarlap qoyılǵan, tat baspaytuǵın metalldan jasalǵan qálipke quyıladı.

Eritpeni usaqlaw hám kerekli frakciyalarg’a ajıratıw

Eritpe normal temperaturaǵa shekem suwıtılg’anınan keyin qáliplerden alınadı hám maydalaǵısh yamasa valikli digirmanda maydalanadı hám elenip ıdısqa salınadı. Tayın ónim kúlreń haldagı eritpe bolıp, júdá bekkem, jaqsı ıssı ótkezgish boladı. Eritpe danashaları laboratoriya jumısları ushın 0,5-1,0 mm, sanaatta isletiw ushın 8-15 mm ólshemde alınadı.

Eritpeni sıltı menen qayta islew

Maydanlanǵan eritpe katalizatorının’ 0,5-1,0 mm maydalanǵan frakciyasınan 0,5 l alıp, kólemi 1,5-2,0 l bolǵan túbi tegis kolbaǵa salınadı jáne onıń ústine 500 ml 3% lı NaOH eritpesi quyıladı. Bunda sonı itibarǵa alıw kerek 1 l katalizatorg’a siltiniń 3% suwlı eritpesinen 6 l sarıplanıwı kerek. Kolbadaǵı reakciya bólme temperaturasında jaqsı barıwı ushın hár 15 minutta aralastırıp turıw kerek. Belgili waqıttan keyin (reakciya tawsılǵannan keyin) taǵı siltinıń 3% lı eritpesinen salınadı. Bul process úsh márte qaytarıladı hám 80-90 ⁰C dárejegeshe kóteriledi. Keyininen katalizator NaOH tıń 20% lı eritpesi menen bir ret qayta islenedi (30 minut dawamında).

Aktivlengen katalizator distillengen suw menen pH=7 bolaman degenge shekem juwıladı. Tayın katalizator suw astında saqlanadı, sebebi ashıq aktivlengen metallar hawada kislorod menen reakciyaǵa aralasıp, taǵı oksid halına ótedi.

1-kestede 100 g eritpe katalizatorı tayarlawdıń material balansı keltirilgen

1-tablica

Eritpe katalizatorın alıwdıń material balansı

Bеrilgen			Alıng’an
Kоmpоnеntler	Mug’dar		Kоmpоnеntler	Mug’dar
	g	%		g	%
Nikеl	14,1	47,0	Katalizatоr	26,5	88,3
Alyuminiy	15,6	52,0	Shlak	3,0	10,0
Tеmir	0,3	1,0	Jog’altıw	0,5	1,7
Jami:	30,0	100,0	Jami:	30,0	100,0