Laboratoriya jumısı №1 Tayarlanǵan katalizator granulaların keptiriw hám tablaw

Laboratoriya jumısı №1
Tayarlanǵan katalizator granulaların keptiriw hám tablaw
Keyingi jıllarda skeletli katalizatorlar sanaat kóleminde keń qollanılıp atır, atap aytqanda, organikalıq birikpelerdi gidratlaw (suw qosıw) hám gidridlew processlerinde.

Skeletli katalizatorlardı tayarlaw ushın shiyki ónim retinde aktiv metallar hám kóp komponentli eritpeler kúshli elektrolitler menen qayta islengende tolıq yamasa azg’antay erip, shıǵıp ketetuǵın komponentler qospaları isletiledi.

Eritpe sıltı menen qayta islengende alyuminiy metalı erip, gewekler payda etedi.

Katalizator tayarlaw ushın kerekli materiallar, reaktivler, ıdıslar hám úskeneler:

1. 
   Ílay (shamot untaǵı).
   
2. 
   Asbest. (silikatlar klassınan MINERALLAR)
   
3. 
   Nikel metalı.
   
4. 
   Alyuminiy metalı.
   
5. 
   Temir metalı.
   
6. 
   3 % hám 20 % lı silti eritpesi (NaOH).
   
7. 
   Keptiriw shkafı.
   
8. 
   Mufel pechi.
   
9. 
   Shaxtalı pech.
   
10. 
    Protiven. (yomkosk)
    
11. 
    Tigel. (qızdırıw ushın tu'bek)
    
12. 
    Elek 0, 5-1 mm.
    
13. 
    Keli. (kishi shelek ezgish)
    
14. 
    Kolba hám temir tayaqsha.
    
15. 
    Suw basseyni.
    

Skeletli katalizatorlardı laboratoriya sharayatında tayarlaw tómendegi basqıshlardan ibarat:

1. 
   Otqa shıdamlı tigeldi tayarlaw.
   
2. 
   Eritpe komponentlerin (nikel hám alyuminiy metalları, promotor) tayarlaw.
   
3. 
   Eritpeni alıw.
   
4. 
   Eritpeni usaqlaw hám kerekli frakсiyanı ajıratıp alıw.
   
5. 
   Maydanlanǵan eritpeni sıltı menen qayta islew.
   

Otqa shıdamlı tigeldi tayarlaw

Qamırg’a uqsas massa alıw ushın maydanlanǵan shamot, kaolinli ılay hám asbest qosılıp aralastırıladı.

Massanı tayarlaw ushın olar tómendegi qatnasta alınadı: shamot 45 %; kaolin ılayı 50 %; asbest 5 %.

Konus sıyaqlı stakan járdeminde sıyımlılıǵı 0,2 - 0,25 l bolǵan tigel jasaladı. Tayın bolǵan tigel keptiriw shkafında 150 ⁰C qurıtıladı hám 500-600 ⁰C de mufel pechinde tablanadı.
Eritpe komponentlerin tayarlaw

Eritpeni tayarlaw ushın komponentler tómendegi qatnasta alınadı: Ni – 47 %; Al – 52 %; Fe – 1 %. Nikel metalı belgili ólshemde maydalanadı, juwıladı, qurıtıladı hám kerekli muǵdarı ólshep alınadı. Tap sol usılda alyuminiy metalı hám temir metalı da tayarlanadı.