Lutfiy sheʼriyati obrazlari reja: kirish asosiy qism

Lutfiy sheʼriyati obrazlari


REJA:


KIRISH

1. 
   Asosiy qism:
   

1. 
   Mumtoz adabiyotning malik ul-kalomi.
   
2. 
   Lutfiy lirikasi va uning g’oyaviy-badiiy xususiyatlari.
   
3. 
   Lutfiy lirikasida asosiy mavzu va yor va oshiq obrazlari
   

2. 
   Xulosa
   

3. 
   Foydalanilgan adabiyotlar ro’yxati
   

Kirish


Kurs ishi mavzusining dolzarbligi va zarurati. Biron-bir xalq ma’naviyatiga xos qadriyatlarning boshqa xalqlar tomonidan tan olinishi ana shu xalq tarixiga nisbatan chuqur hurmat ifodasidir. Bunday e’tirof xalqning g’urur va iftixori, milliy o’zligini yanada yuksaltirishga xizmat qiladi. Keyingi paytlarda buyuk ajdodlarimizning so’nmas xotirasiga hurmat-ehtirom, ularning boy ilmiy merosini o’rganishga bo’lgan qiziqish xorijiy ellarda ham ortib bormoqda. Buning tasdig’ini dunyoning turli mamlakatlarida ularning hayoti va faoliyati haqida e’lon qilinayotgan ilmiy, badiiy asarlar, ulug’ ajdodlarimiz xotirasiga barpo etilayotgan yodgorliklar misolida ham ko’rish mumkin. Shular qatorida Belgiyada Ibn Sinoga, Litvada Mirzo Ulug’bekka, Moskva, Tokio va Baku shaharlarida Alisher Navoiy bobomizga, Misr poytaxti Qohira shahrida esa Ahmad Farg’oniy xotirasiga muhtasham haykallar o’rnatilgan. 1
Birinchi Prezidentimiz xalqimizning asl tabiatida mavjud bo’lgan ana shunday ilmiy-ma’naviy salohiyat va fazilatlarni ta’kidlar ekanlar: «Oqqan daryo oqaveradi»- degan naqlni tilga oladilar1. Darhaqiqat, barcha zamonlarda ham ilm-u ma’rifat va yuksak ma’naviyatga intilish xalqimizning go’zal fazilati bo’lib qolganligini, yuzlab alloma-yu shoirlarimiz xalqimiz dahosining o’lmas timsoliga aylanganligini ko’ramiz. Xususan, jahon adabiyotining Nizomiy Ganjaviy, Xusrav Dehlaviy, Sa’diy, Hofiz Sheroziy,Lutfiy, Abdurahmon Jomiy, Alisher Navoiy, Zahiriddin Muhammad Bobur, Boborahim Mashrab kabi so’z san’atkorlarining ijodiy merosi yoshlarga ona-Vatanga, xalqqa cheksiz muhabbat, mehr-saxovat, vafo-sadoqat, mehnatsevarlik, rostgo’ylik kabi muhim fazilatlarni shakllantirishda muhim ahamiyat kasb etishi shubhasizdir.
Istiqlоlimizning dastlabki kunlaridan tо hоzirga qadar ajdоdlarimiz merоsini har tоmоnlama o’rganish, shu asоsda millatning kelajagi bo’lgan yoshlarni milliy qadriyatlar ruhida tarbiyalash masalasiga katta e’tibоr berilmоqda. Hоzirgi kunda bu masala davlat siyosatining ustuvоr sоhalaridan biriga aylanganligi hech kimga sir emas. Bu bоradagi vazifalarni amalga оshirishda Navoiygacha bo’lgan davrdagi o’zbek she’riyatining yirik vakili Mavlono Lutfiy asarlarining ham o’rni beqiyos.O’zbek adabiyoti tarixida o’zining go’zallik tajassumidan iborat g’azallari bilan katta shuhrat qozongan shoir ijodiyoti ulkan ma’naviy xazinadir. Lutfiy she’rlaridan devon tuzgan. Devondan g’azal,ruboiy, tuyuq, qit’a, fard kabi lirik janrlardagi she’rlar o’rin olgan.
Shoir, xususan, mazmunan yuksak va shaklan go’zal g’azallar yaratib, bu janrning rivojiga ulkan hissa qo’shdi. Uning rang-barang mavzularda yozilgan g’azallari mohiyatini hayot zavq- shavqlari,tabiat go’zalliklaridan bahramand bo’lish, sevgi- sadoqatni ulug’lash,ezgulikni targ’ib etish g’oyalari tashkil etadi.Xalq og’zaki ijodi boyliklaridan bahramand bo’lgan shoir she’rlari go’zal badiiy san’atlar bilan ziynatlangan. Shuningdek, shoir tuyuq janrining ustasi sifatida tanilgan so’z san’atkoridir.Shu ma’noda, shoirning badiiy barkamol she’riyati badiiyatini o’rganish, mavzuga doir manbalardagi ma’lumotlarni umumlashtirish, shoirning poetik mahoratini yoritib berish dolzarblik kasb etadi.2