Madaniyat markazlarida raqs to'garaklari bilan ishlash. Milliy-madaniy markazlar

Madaniyat markazlarida raqs to'garaklari bilan ishlash.
Milliy-madaniy markazlar — Oʻzbekistonda yashovchi muayyan bir millat vakillarining milliy madaniy ehtiyojlarini qondirishga xizmat qiluvchi jamoat tashkilotlari. Milliy-madaniy markazlarm. Oʻzbekiston Respublikasi Konstitutsiyasi va Oʻzbekiston Respublikasining jamoat tashkilotlari toʻgʻrisidagi amaldagi qonunlariga hamda oʻz nizomiga asoslangan holda faoliyat koʻrsatadi. Milliy-madaniy markazlarm. muayyan millatgaxos boʻlgan milliy madaniyat, til, urf-odat, anʼ-ana va taomillarni oʻrganish, saqlab qolish va rivojlantirishdan manfa-atdor boʻlgan Oʻzbekiston fuqarolarini ixtiyoriy ravishda birlashtiradi. Oʻzbekiston Respublikasining "Nodavlat va notijorat tashkilotlar toʻgʻrisida"gi qonuni (1999Y. 14 aprel)ga asoslangan holda tuziladi. Nizomi tegishli adliya tashkilotlari (Adliya vazirligi yoki viloyat va shahar adliya idoralari) tomonidan roʻyxatga olinadi. Oʻz faoliyatini bevosita yoki jamoalardagi boʻlimlari orqali Oʻzbekiston Respublikasi qududida amalga oshiradi.
Dastlabki Milliy-madaniy markazlarm.lar koreyslar, qozoqlar, yahudiylar, armanlar tomonidan respublika viloyatlarida 1989 yilda tuzildi. Bu markazlarning chinakam rivojlanishi va ravnaq topishi Oʻzbekiston mustaqillikka erishganidan keyin boshlandi. Oʻzbekiston mustaqilligi munosabati bilan ularning samarali faoliyat kursatishi uchun keng imkoniyatlar yaratildi. Natijada Milliy-madaniy markazlarm. soni yil sayin ortib bordi. Agar 1992 yil 10 ta Milliy-madaniy markazlarm. ish olib borgan boʻlsa, 1995 yilda ularning soni 72 taga, 2003 yilga kelib esa 135 taga yetdi. Ular respublika madaniy markazlari, viloyat, shahar, tuman madaniy markazlaridan iborat (roʻyxatga q.).
Oʻzbekiston Respublikasida yashovchi turli millat vakillarini respublika ijtimoiy, maʼnaviymaʼrifiy hayotida faol ishtirok etishini taʼminlash Milliy-madaniy markazlarm. faoliyatining muhim yoʻnalishlaridan biridir. Shuningdek, xorijiy mamlakatlardagi turdosh tashkilotlar hamda tarixiy vatanlari bilan doʻstlik, hamkorlik, madaniy-maʼrifiy aloqalar oʻrnatish va hamdoʻstlik aloqalarini rivojlantirish, Respublika baynalmilal madaniyat markazi, manfaatdor vazirliklar, idoralar, davlat va jamoat tashkilotlari hamda ijodiy uyushmalar bilan hamkorlikda mamlakatimizda fuqarolar hamjihatligi va millatlararo totuvlikni mu-stahkamlashga koʻmaklashish markazning asosiy vazifalari boʻlib hisoblanadi. Nizomda belgilangan maqsad va vazi-falarga erishishda markazlar kuyidagi faoliyat turlarini amalga oshiradi: musika va teatr studiyalarini, ona tili, tarix, yozuv, adabiyot, xalq ogʻzaki ijodi, teatr va rassomchilik sanʼ-ati, milliy urf-odatlar va hunarmandchilik, milliy sport va oʻyinlar turlarini oʻrganish boʻyicha oʻquv guruhlari va yakshanba maktablarini amaldagi qonunchilikka muvofiq tuzadi; milliy madaniyat, milliy til; milliy sanʼat turlari va milliy urf-odatlarni oʻrganish va targʻib qilish maqsadlarida seminarlar, konferen-siyalar, davra suhbatlari, festivallar va uchrashuvlarni; xor va badiiy jamoalarni tashkil etadi. Milliy-madaniy markazlarm. faoliyatini Oʻzbekiston Respublikasi Vazirlar Mahkamasining 1992 yil 13 yanvar qarori bilan tashkil etilgan Respublika baynalmilal madaniyat markazi muvofiklashtiradi.
Mamlakatimizda Prezidentimiz Shavkat Mirziyoyev tashabbusi bilan barcha sohada hayotga tatbiq etilayotgan istiqbolli loyihalar, joylarda amalga oshirilayotgan keng koʻlamli bunyodkorlik ishlari xalqimizning nafaqat turmush tarzini, balki dunyoqarashini ham tubdan oʻzgartirmoqda.
Bunday ezgu jarayonni madaniyat va sanʼat rivojiga, ijod ahliga koʻrsatilayotgan yuksak eʼtibor misolida ham koʻrish mumkin. Soʻnggi ikki yilda mazkur sohaga taalluqli 20 ga yaqin Farmon va qarorlar qabul qilindi. Ular ijrosi yuzasidan saʼy-harakatlar olib borilyapti. Prezidentimizning joriy yil 28 noyabrdagi “Oʻzbekiston Respublikasida milliy madaniyatni yanada rivojlantirish konsepsiyasini tasdiqlash toʻgʻrisida”gi qarori ushbu jabhadagi mavjud muammo va kamchiliklarni bartaraf etishga qaratilgan muhim hujjat sifatida alohida ahamiyatga ega.
Binobarin, davlatimiz rahbari taʼbiri bilan aytganda, mamlakatimizda madaniyat va sanʼat taraqqiy etmasa, jamiyat rivojlanmaydi. Qolaversa, taraqqiyotning chinakam samarasi boylik yoki kuch-qudrat darajasi bilan emas, milliy madaniyatning naqadar yuksaklikka koʻtarilgani bilan oʻlchanishi xususida tarixiy misollar koʻp. Masalan, ingliz sanʼatshunos olimi F. R. Martin “Temuriylar singari sanʼati va madaniyatini qadrlaydigan hukmdorlar Markaziy Osiyoda hech vaqt boʻlmagan”, deb yozadi. Shu maʼnoda, davlatimiz rahbarining milliy madaniyatni yanada rivojlantirish konsepsiyasini ishlab chiqishga doir tashabbusi tafakkur tarzimiz, hayotga munosabatimiz, millat va xalqning buguni, ertasini, navqiron avlod maʼnaviy kamolotini, odamlarimizning nurli kelajagini yaratishga qaratilgan ishlarimizning tub ildizlarini ham oʻz ichiga qamrab oladi, desak, yanglishmagan boʻlamiz.
Konsepsiya besh bobdan iborat. Unda kelgusida amalga oshirilishi lozim boʻlgan bir qator ustuvor vazifalar belgilab berilgan. Jumladan, madaniyat sohasidagi munosabatlarni tartibga solish, tizimdagi muassasalar huquqiy maqomini belgilash, ijodkorlarni ijtimoiy himoyalashning huquqiy bazasini, kadrlar tayyorlash va malakasini oshirish tizimini yaratish, madaniyat hamda sanʼat muassasalari moddiy-texnika imkoniyatlarini kengaytirish koʻzda tutilgan. Shuningdek, sohaga axborot-kommunikatsiya texnologiyalarini toʻliq tatbiq etish, xalqaro festival va koʻrik-tanlovlarda chinakam isteʼdod egalari ishtirokini taʼminlash, xorijiy tashkilotlar bilan ijodiy hamkorlikni yoʻlga qoʻyish kabi qator chora-tadbirlar belgilangan. Qaror asosida 2019-2020 yillarda Oʻzbekiston Respublikasida milliy madaniyatni yanada rivojlantirish konsepsiyasini amalga oshirish boʻyicha “yoʻl xaritasi” hamda Qoraqalpogʻiston Respublikasi, viloyatlar va Toshkent shahrida amalga oshirilishi rejalashtirilayotgan chora-tadbirlar dasturi, 2019 — 2022 yillarda yangi quriladigan, rekonstruksiya qilinadigan, kapital taʼmirlanadigan va toʻliq jihozlanadigan madaniyat markazlarining manzilli roʻyxati ham tasdiqlandi.
Raqs sanʼat turi boʻlib, musiqaga monand ritmik tana harakatlarida namoyon boʻladi. Raqs turli madaniyatlarda mavjud va hissiyotlar, ijtimoiy aloqalarni bildirish shakli sifatida yoki koʻngilxushlik uchun ijro etiladi.
Raqs faqat odamlar tomonidangina emas, balki boshqa hayvonlar (masalan, asalarilar, qushlar) tomonidan ham bajariladi. Jonsiz jismlar ham raqsga tushishi mumkin — metaforik: "barglar shamolda raqs tushishmoqda" yoki haqiqatan: robotlar raqsi. Gimnastika, sinxron suzish va baʼzi jang sanʼatlarini ham raqsga qiyoslash mumkin.
Raqs aynan nima ekanligi ijtimoiy, madaniy, estetik, artistik va maʼnaviy cheklovlarga bogʻliq va funksional harakatdan (xalq raqslari) tortib virtuoz texnikagacha (balet) boʻladi. Raqs ommaviy (toʻy-bazmlarda), ijtimoiy (vals), ijroiy (sahnada), tantanali (hind raqslari), musobaqa (badiiy gimnastika) va erotik (striptiz) turlarga ajratiladi. Raqs harakatlari orqali fikrlar va hissiyotlarni yetkazish, hikoyanavislik qilish mumkin. Raqs evolutsiyasi natijasida turfa uslublar kelib chiqdi. Masalan, nisbatan yaqinda paydo boʻlgan breakdance hip hop madaniyatiga oiddir; afrikacha raqs esa izohlanishlidir; balet va vals klassik raqs boʻlsa, step zamonaviydir. Katta tezlikli raqslarga tushayotganda tajriba va ehtiyotkorlik talab etiladi, yoʻqsa (pay tortishishi va hk) jarohatlanish mumkin. Raqs ijrosi sanʼati xoreografiya deyiladi. Raqs yaratuvchi shaxs esa xoreograf deb ataladi.
Raqqos(a)ning garmonik tana harakati va holatlari, plastik ifodaviyligi va yuz imo-ishoralari, ritm, temp, kompozitsiya orqali obraz yaratish raqsning asosiy vositasidir. Insonning mehnat jarayoni va borlikdan olgan emotsional taassurotlari bilan bogʻliq holda yuzaga kelgan. Dastlab qoʻshiq va soʻz bilan bogʻliq boʻlib, keyinchalik mustaqil sanʼat turiga aylangan. Raqs asrlar davomida takomillashib, barqaror shakllarga ega boʻla borgan. Ijrochining libosi raqs obrazlariga aniqlik beradi.
Har bir xalqning raqs anʼanalari, ijro uslubi, plastik tasviriy vositalari boʻlib, ular tarixiy, ijtimoiy va geografik sharoitlar taʼsirida tarkib topib rivojlangan. Raqs xalq marosimlari, bayramlarining tarkibiy qismidir. Ular bilan bogʻliq holda xorovod va marosim oʻyinlari paydo boʻlgan. Xorovodlar asta-sekin marosim oʻyinlaridan xalos boʻlib, xalq turmushining ayrim tomonlarini aks ettira boshlagan. Xalq raqsida ovchilik, chorvachilik, dehqonchilik va hunarmandlik bilan boglik mavzular, shuningdek, xalqning bosqinchilarga qarshi kurashi va lirik kayfiyati oʻz aksini topgan.
Raqs musiqa bilan uzviy bogʻliq, musiqa mazmunini obrazlar vositasida ochib beradi. Xalq raqslarida ritm muhim boʻlib, u musiqada oʻz ifodasini topadi, oyoq, koʻl, bosh va tana harakatlari umumiy ritmga boʻysunadi, bir-biri bilan boglanadi. Oʻzbek raqslari mazmunini ifodalashda ijrochilar tepki, qarsak, zangdan ham foydalanadi. Ayrim raqslar roʻmol, piyola, qadah kabi buyum bilan ijro etiladi, baʼzan ijrochi xalq cholgʻu asboblari (qayroq, doira, nogʻora va h.k.)da oʻziga oʻzi joʻr boʻladi. Gʻarbiy Yevropa xalqlari raqsida, asosan oyoq harakatlari muhim boʻlib, qoʻl va tana harakatlari unga joʻr boʻladi. Sharqda esa qoʻl va tana harakatlari plastik ifodaviylikning asosiy vositalaridir. Sahnaviy raqs xalq ijodiga tayanadi, uning merosi va oʻziga xos fazilatlarini saqlaydi va rivojlantiradi. U dastlab Yunoniston, Hindiston va boshqa mamlakatlarda paydo boʻlgan. Xalq raqslari asosida tarkib topgan professional raqslar yuksak darajada rivojlanib, turli raqs tizimlari (xususan, Yevropa va sharq mumtoz raqslari) qaror topgan.
Yevropa professional raqs sanʼatining rivojlanishiga Yunoniston va Rim raqs sanʼati salmoqli hissa qoʻshdi. Oʻrta asrlarda Yevropada jonglyor, shpilman va skomoroxlar ijodidagina professional raqsning ilk koʻrinishlari namoyon boʻldi. 15—16-asrlarda moreski, ballafigurato nomli syujetli raqslar rasm boʻlib, raqs haqida risola va darsliklar yaratildi. 17—a.da balet raqs spektakllari yuzaga keldi va raqs sanʼati yangi texnika bilan boyidi. 20-asr boshida esa "modern" (ritmoplastik) raqsi paydo boʻldi. 40—60-yillarda Yevropa va AQSH da konsert ijrochiligiga moʻljallangan kichik xoreografik asarlar, estrada raqs rivoj topdi.
Markaziy Osiyo, jumladan, Oʻzbekiston hududida topilgan qoya tosh tasvirlari arxeologik topilmalar bu yerda raqs juda qadimligidan guvohlik beradi. Oʻzbek raqs sanʼatining qadimiyligi, shakl va turlarining boyligi ajdodlarimiz asosan dehqonchilik va hunarmandchilik bilan bogʻliq boʻlganidan kelib chiqqan. Zardushtiylarning muqaddas kitobi "Avesto" davridayoq raqs sanʼati shakllanib, xalq va professional raqs — ikki yoʻnalishda rivojlanishga kirishgan edi. Yunon — Baqtriya podsholigi davrida (mil, av. 4—3-asrlar) Turon raqs sanʼatining darajasi Yunoniston, Vizantiya, Hindiston va Xitoy raqsi bilan bahslashishiga imkon bergan. Shahar madaniyatining rivojlanishi tufayli bu sanʼat yanada mazmundor va rang-barang boʻla boradi. 4—8-asrlarga kelib Oʻzbekistonning Samarqand, Buxoro, Shahrisabz va Toshkent kabi shaharlaridan raqs ustalari Buyuk ipak yoʻllari boʻylab Rum, Misr, Gʻarb oʻlkalarigacha, Sharqda Xitoy, Koreya va hatto Yaponiyagacha borib, oʻz sanʼatlarini namoyish etadilar. Chunonchi, Xitoyda ajdodlarimizning "Xusyuanʼu" raqsi mashhur boʻlgan. Shoir Yuan Chjan (776—831) va boshqalar madh etgan.
Musulmonlik davrida ham Oʻzbekiston sarhadlarida turli taraqqiyot bosqichlarida paydo boʻlgan. Raqslar, oʻyinlar bir-biriga taʼsir koʻrsatib, yonmayon yashab kelgan. Shu bois shahar va qishloqlarda oʻtkazilgan toʻy, bayram va maʼrakalardagi "Beshqarsak" kabi qad. oʻyinlar ham, "Katta oʻyin", "Lazgi", "Kema oʻyin", "Ashshadaroz" singari katta umumlashmaga, ramziy timsollarga ega. Rlarni ham, jangovar oʻyinlarni ham uchratish mumkin boʻlgan. 9—12-asrlardagi Uygʻonish davrida raqs sanʼatida ham chinakam koʻtarilish yuz bergan, koʻpgina qad. Raqslar tiklanib, navroʻz, mehrjon va sada bayramlarida namoyish qilingan. Abul Fayz Bayhakiyning yozishicha, oʻsha davrda birgina Termiz shahrining oʻzida yuzlab sanʼatkorlar boʻlib, Amir Maʼsudni kutib olish uchun Termizdan 300 dan ziyod sanʼatkor Amudaryo boʻyiga kelgan ekan. Buxoro, Gurganj, Kesh va boshqa shaharlarda ham raqsga eʼtibor baland boʻlgan. Xorazmda Abul Abbos Maʼmun hukmronligi davrida (1003—1017) raqs sanʼati yaxshi rivojlangan.
Raqs sanʼati, ayniqsa, Amir Temur va temuriylar saltanatida ravnaq topgan. Unda xotinqizlarning oʻrni katta boʻlgan. Rang-baranglik, tarixiy qatlamlar raqsda yaqqol koʻzga tashlangan. Olov atrofidagi oʻyinlar, Anaxita va Rustam timsollariga bagʻishlangan oʻyinlar, maqom raqslari, "Argʻushtak" kabi raqslar shu jumladandir. "Munojot", "Tanavor", "Lazgi" raqslari ham aynan shu davrda malakali ijrochilar dasturidan mustahkam oʻrin olgan. 15-asrning 2-yarmi va 16-asr boshida Sayyid badr, Tohir chakka, Mohchuchuk, Maqsudali, Katta Moh, Kichik Moh laqabli raqs ustalari shuhrat qozondi. Bu davrda raqs sanʼati xalq raqsi va malakali raqs yoʻnalishida rivojlandi.
Buxoro amirligi, Xiva va Qoʻqon xonliklari vujudga kelgach, raqs sanʼatida ham oʻziga xos uslublar maydonga keldi. Bu davrda jaholat, mutaassiblik kuchaygani sababli raqs sanʼatida oʻsmir bolalar va yigitlar yetakchilik qilgan. Ayollar raqsi esa sozanda (Buxoro amirligi), xalfa (Xiva xonligi) va yallachi (Fargʻona vodiysida) deb yuritilgan ayol sanʼatkorlardan iborat ixcham toʻdalarning teatrlashgan dasturlarida rivojlanib, ichkarilarda uyushtiriladigan ziyofat va bazmlarda koʻrsatib kelingan. Erkaklarning yigʻinlarida raqqosalar xufiyona qatnashganlar.
20-asrda raqs sanʼati Buxoro raqsi, Xorazm raqsi, Fargʻona raqsi yoʻnalishida; zamonaviy sahna talablari asosida qayta ishlangan sahnaviy xalq raqsi sifatida: milliy raqs unsurlaridan foydalangan balet spektakllari tarzida rivojlanib keldi. Mazkur yoʻnalishlarning har biri asr davomida bir necha tarixiy bosqichni bosib oʻtib, oʻz shaklishamoyili, mazmuniga ega boʻldi. Bir qator davlat va xalq raqs jamoalari jahonga tanildi. Bunda Hamdamxon, Yusufjon qiziq Shakarjonov, Usta Olim Komilov, Tamaraxonim, Mukarrama Turgʻunboyeva, Gavhar Rahimova, Roziya Karimova, Qunduz Mirkarimova, Karim Rahimov, Qodir Moʻminov, Maʼmura Ergasheva, Yulduz Ismashova, Shokir Ahmedov, Gavhar Matyoqubova, Rushana Sultonova, Dilafroʻz Jabborova, Qizlarxon Doʻstmuhamedova, Malika Ahmedova kabi raqs ustalarining xizmati katta.
Mustaqillik davrida raqs sanʼati yanada tez surʼatlar bilan rivojlanmoqda. 1997-yil 8-yanvarda Oʻzbekiston Respublikasi Prezidenti Islom Karimovning "Oʻzbekistonda milliy raqs va xoreografiya sanʼatini rivojlantirish toʻgʻrisida"gi farmoni va mazkur farmonni bajarish yuzasidan Vazirlar Mahkamasining oʻsha yili 25-fevralda 101-qarori chikdi. Shu asosda M. Turgʻunboyeva nomidagi "Oʻzbekraqs" ijodiy birlashmasi tashkil topdi, birlashma qoshida maxsus jamgʻarma tuzildi. Xoreografiya bilim yurti negizida esa Toshkent davlat milliy raqs va xoreografiya oliy maktabi barpo etildi. "Oʻzbekraqs", "Oʻzbeknavo" ijodiy birlashmalari tarkibidagi ansambllar, xalq raqs merosini oʻrganish va tiklash asosida yangi raqslar yaratish, anʼanaviy raqslarni asrabavaylash va munosib darajada namoyish etish, yosh raqqos va raqqosalarni tarbiyalab yetishtirish boʻyicha olib borayotgan harakatlari ijobiy natijalar bermoqda. Milliy raqs ijrochiligi boʻyicha M. Turgʻunboyeva nomidagi mukofot taʼsis etilgan. Bir qator davlat va xalq raqs ansambllari (masalan, "Bahor", "Tanavor" va boshqa), raqs ustalari jahonning turli mamlakatlarida boʻlib, oʻzbek raqs sanʼatini namoyish etmoqdalar.

“Chorvador” ashula va raqs xalq ansambliga O‘zbekiston Respublikasi Madaniyat vazirligi Hay’atining 2016-yil 30-iyuldagi 4-sonli qaroriga asosan “Tog‘ shalolasi” ashula va raqs xalq ansambli nomi berildi.Bugungi kunda “Tog‘ shalolasi” ashula va raqs xalq ansambli tumanda havaskorlik san’atini rivojlantirish, to‘garaklar salohiyatini kuchaytirish, badiiy havaskorlik jamoalarning doimiy faoliyatini tashkil etish, qobiliyatli ijodkorlarni badiiy jamoalarga jalb etish maqsadida Forish madaniyat markazida bir necha yillardan buyon o‘z ijodiy faoliyatini olib bormoqda.“Tog‘ shalolasi” ashula va raqs xalq ansambli 2015-2017-yillarda turli ko‘rik-tanlovlarda, tumanda va viloyatda nishonlanib kelinayotgan ommoviy bayram tadbirlarida ishtirok etib kelmoqda.

O‘zbekiston Respublikasi Qurolli kuchlarining tashkil topganiga 25 yil to‘lishi va 14-yanvar “Vatan himoyachilari kuni”ga bag‘ishlab 2017-yil 12-yanvar kuni madaniyat markazi badiiy havaskorlar jamoasi o‘zlarining katta bayram dasturini tayyorlab tuman xudida joylashgan 39815-sonli xarbiy poligonda xizmat qilayotgan askar va zobitlar huzurida namoyish etdilar. Konsert dasturida “Tog‘ shalolasi” ashula va raqs xalq ansamblining tinchlikni va vatanni madh etuvchi kuy qo‘shiqlari ijro etildi.
2017-yil 7-mart kuni “Billur” tantanalar majmuasida 8-mart xalqaro xotin-qizlar bayrami munosabati bilan tashkil etilgan tadbirda tuman madaniyat markazi “Tog‘ shalolasi” ashula va raqs xalq ansamblining “Aziz va muqaddassan-mo‘tabar ayol!” nomli bayram konsert dasturi namoyish etildi.
“Navro‘z” umumxalq bayramiga bag‘ishlab tumanga hos milliy urf-odatlar, an’analar asosida Madaniyat bo‘limi tomonidan “Go‘zallikka burkanding o‘lkam, qutlug‘ bo‘lsin Navro‘zi olam!” nomli teatrlashtirilgan bayram ssenariysi tuzildi va 2017 yil 20-mart kuni soat 10-00dan 17-00ga qadar “Qizil-qir” sayilgoxida tumanimiz aholisiga namoyish etildi. “Navro‘z” bayram saylida “Tog‘ shalolasi” ashula va raqs xalq ansambli, “Bog‘don gullari” folklor etnografik xalq ansambli hamda “Tomosha” bolalar guruxi, “Kichkintoy” qo‘g‘irchoq xalq xavaskorlik teatri jamoasi, qo‘g‘irchoqbozlar, dorbozchilar, bolalar badiiy xavaskorlik jamoalari, xalq o‘yinlari, yosh xavaskor qo‘shiqchilarning konsert dasturi namoyish etildi.
O‘zbekiston Respublikasi Prezidenti tomonidan 2017-yil 4-aprelda qabul qilingan “Ikkinchi jahon urushi qatnashchilarini rag‘batlantirish to‘g‘risida”gi Farmoni, hamda “Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi qaror ijrosini ta’minlash 2017-yil 8-may kuni tuman markazida joylashgan “Xotira” hiyobonida 9-may “Xotira va qadrlash kuni” bayrami hamda II-jahon urushida fashizm ustidan qozonilgan g‘alabaning 72 yilliliga bag‘ishlangan tantanali yig‘ilish marosimi yuqori saviyada o‘tkazildi. Marosimda tuman hokimi P.Maxatov, II-jahon urushi qatnashchisi N.Ayosov so‘zga chiqib yig‘ilganlarni bayram bilan tabrikladi. Tadbirda tuman madaniyat markazi tomonidan tayyorlangan xalqimizning II-jahon urushiga qo‘shgan xissasini aks ettiruvchi teatrlashtirilgan sahna ko‘rinishi namoyish etildi. Tantanali marosimdan so‘ng “Sultan” kafesida tashkil etilgan bayram tadbirida “Tog‘ shalolasi” ashula va raqs xalq ansamblining 9-may “Xotira va qadrlash kuni”ga bag‘ishlangan “Qaxramonlik, burch va fidoiylik” nomli konsert dasturi namoyish etildi.
2017-yil 10-iyun kuni viloyat Ma’naviyat va ma’rifat markazida yoshlarning ijtimoiy faolligini oshirish, ularning yuksak vatanparvarlik ruhida tarbiyalash, iqtidorlarini munosib taqdirlash maqsadida o‘tkazilgan “Yuksak ma’naviyatli avlod” festivalining viloyat bosqichida “Baxtlar beshigi” qo‘shig‘i bilan ishtirok etgan ansambl ishtirokchisi M.Ahmedov faol ishtiroki uchun Respublika ma’naviyat targ‘ibot markazi viloyat bo‘limining faxriy yorlig‘i bilan taqdirlandi.
2017-yil 22-iyun kuni madaniyat markazida o‘tkazilgan “Yagonasan, muqaddas Vatan!” Respublika ko‘rik-tanlovining tuman bosqichida ansambl ishtirokchilaridan Mahmud Toir so‘zi, Bahrullo Lutfullayev musiqasi bilan “Yagonasan, muqaddas Vatan!” qo‘shig‘i ijrochilari Suhrob Ibragimov va Lobar Hakimovaga birinchi o‘rin, Jumaniyoz Jabborov so‘zi, Go‘zal Qozoqova musiqasi bilan “O‘zbekistonim” qo‘shig‘i ijrochisi Atham Qozoqovga, Abdulla Oripov so‘zi, Shukrullo Vaqqosov musiqasi bilan “Onajon Vatan” qo‘shig‘i ijrochisi Erkin Suyarovga, Musohon Nurmatov musiqasi, Sirojiddin Sayyid so‘zi bilan “Elim” qo‘shig‘i ijrochilari Bahrom Ismoilov va Ra’no Toshpo‘latovalarga ikkinchi o‘rin, Shavkat Ahmedov so‘zi, Anvar Keldiyev musiqasi bilan “Vatan madhi” qo‘shig‘i ijrochisi Shohruh Ergashevga, Mahmud Toir so‘zi, Zaynur Dovilov musiqasi bilan “Iftihor” qo‘shig‘i ijrochisi Bahrom Usmonovga uchinchi o‘rinni egallab viloyat bosqichiga yo‘llanma oldilar.
2017-yil 7-iyul kuni Yu.Rajabiy nomli viloyat drama teatrida o‘tkazilgan “Yagonasan, muqaddas Vatan!” Respublika ko‘rik-tanlovining viloyat bosqichida tuman bosqichi g‘oliblari ansambl ishtirokchilari A.Qozoqov, B.Usmonov, E.Suyarov, Sh.Ergashev, B.Ismoilov, R.Toshpo‘latova, S.Ibragimov, L.Hakimovalar ishtirok etdilar. Tanlov natijalariga ko‘ra J.Jabborov so‘zi, G.Qozqova musiqasi bilan “Jahonda yagona O‘zbekistonim” qo‘shig‘i ijrochisi A.Qozoqov 3-o‘rinni qo‘lga kiritib tanlovning Respublika bosqichiga yo‘llanma oldi. Shuningdek “Elim” qo‘shig‘i ijrochilari B.Ismoilov, R.Toshpo‘latova, “Yagonasan, muqaddas Vatan!” qo‘shig‘i ijrochilari S.Ibragimov va L.Hakimovalar rag‘batlantiruvchi o‘rinlarga sazovor bo‘ldilar.