Magnitli qattiq disklar. Magnitli disklar

XQ hajmi unda saqlanishi mumkin bo‘lgan ma’lumotning maksimal hajmini belgilaydi.
Ma’lumot hajmining birligi bo‘lib bir bit hioblanadi. Bu ikkilik sanoq tizimidagi bir razryad ma’lumotga yoki bitta mantiqiy konstantaga mos keladi. Bit son jihatidan mantiqiy nol yoki mantiqiy bir qiymatlarini qabul qilishi mumkin. Odatda,, bir bitga teng bo‘lgan ma’lumot, bitta elementar xotira elementida (EXE) saqlanadi. Shuning uchun XQ hajmi bitlarda yoki razryadi ko‘rsatilgan kod so‘zlar soni bilan aniqlanadi. Shunga ko‘ra 8-razryadli kod so‘zi bayt deb ataladi. Katta hajmdagi ma’lumotlarni aniqlash uchun mos ravishda kilo va mega qo‘shimchalari kiritilgan bo‘lib, 2¹⁰=1024 bit=1 Kbit va 2²⁰=1 048 576 bit= 1 Mbitni anglatadi.
Yanada aniq tasavvurga ega bo‘lish uchun «xotirani tashkil etish» (N x L) tushunchasi kiritilgan bo‘lib, u uzunligi (razryadi) (L) bo‘lgan saqlanayotgan kod so‘zlar soni (N)ni bildiradi. XQ xajmi uning tashkil etuvchilarning parametrlari bilan quyidagicha munosabat bilan bog‘liq:
M = NL.
Bunga ko‘ra, bir hil hajmga ega bo‘lgan ma’lumotlar uchun xotira turlicha tashkil etilishi mumkin. Masalan, ikkita 32x8 va bitta 256x1 tashkil etilgan xotira hajmlari bir hil, ya’ni 256 bit xotira hajmiga ega.


Xotira adreslari va baytlarning tartiblanishi
Asosiy xotira - kompyuterning dasturlar va ma’lumotlarni saqlash uchun modjallangan komponentidir. Xotira ma’lum bir uzunlikka ega bo‘lgan axborotlarni saqlovchi yacheykalardan iborat bo‘ladi. Hozirgi kompyuterlarning xotirasi 8-bitli, ya’ni bir baytli yacheykalardan iborat bo‘lib, xotiraga ana shu baytlarning adreslari orqali murojaat qilinadi. Baytlarni guruhlarga birlashtirilib so ‘zlar (rus tilida - слово) hosil qilinadi. 1, 2, 4 va 8 baytli, ya’ni 8, 16, 32 va 64-bitli yoki razryadli so‘z uzunliklariga ega kompyuterlar mavjud [1,5,11]. Ushbu qo‘llanmada kompyuter xotirasining so‘z uzunliklarini, protsessorlar ichki registrlarining uzunliklarini ifodalashda va boshqa holatlarda razryad iborasi qo‘llanilgan.



6-rasm. 8-razryadli so‘z uzunligiga ega 64 Kbaytli asosiy xotira.
6-rasmda 8-razryadli so‘z uzunligiga ega asosiy xotira tasvirlangan.
Ushbu asosiy xotirada yacheykalar adreslarining qiymati 0000 dan FFFF gacha o‘zgarishi mumkin. Asosiy xotiraning umumiy xajmi 64 Kbayt (FFFF - 16 bit, 2¹⁶=65536 bayt). Hozirda bunday hajmli xotiralar - o‘rnatiladigan kompyuterlarda, ya’ni kontrollerlarda ishlatilmoqda. Odatda asosiy xotira adreslari 16-lik sanoq sistemasida ifodalanadi.
7-rasmda so‘z uzunligi 32-razryadga teng bo‘lgan asosiy xotira tasvirlangan.
Bunday so‘z uzunligiga ega xotiralar, Pentium protsessorlari o‘rnatilgan kompyuterlarda ishlatilmoqda. Ularda yacheykalarning adreslari 0000 0000 dan FFFF FFFF gacha o‘zgarishi mumkin. Xotiraning umumiy xajmi 4 Gbayt (FFFF FFFF - 32 bit, 2³²= 4294967296 bayt). So‘z uzunligi


7-rasm




32-razryadli xotiralarda baytlar o‘ngdan chapga yoki chapdan o‘ngga qarab rasmda keltirilgan xotirada Pentium protsessorli kompyuterlardagi kabi, baytlar o‘ngdan chapga qarab joylashtirilgan. Bu baytlarni teskari tartibda joylashtirish deb ataladi (rus tilida - обратный порядок следования байтов).
7-rasmda esa baytlar to‘g‘ri tartibda joylashtirilgan xotira chizmasi keltirilgan. Bu xildagi xotira baytlar to ‘g‘ri tartibda joylashtirilgan xotira deb ataladi (rus tilida - прямой порядок следования байтов) va u SPARC oilasiga mansub protsessorlarga ega bo‘lgan serverlarda ishlatiladi.

32-razryadga so‘z uzunligiga ega, baytlari to‘g‘ri tartibda
joylashtirilgan 4 Gbaytli asosiy xotira.


Buyruqlarni xotiradan o‘qish misolida, xotiraga murojaat qilish qanday amalga oshirilishini ko‘rib chiqamiz. 8-rasmda asosiy xotiraga murojaat qilish jarayoni ko‘rsatilgan.
Protsessorning IP (Instruction Pointer) yoki PC (Program Counter) deb nomlanuvchi registri, tartib bo‘yicha bajarilishi kerak bo‘lgan buyruq adresini ko‘rsatish uchun ishlatiladi. Ushbu registr buyruqlar sanagichi yoki buyruqlar ko‘rsatgichi deb nomlanadi. PC registrida yozilgan adres, ya’ni navbatdagi bajarilishi kerak bo‘lgan buyruqning adresi, protsessorning adres shinasi yordamida asosiy xotira bilan bog‘lanuvchi porti - adres registri orqali xotiraning, xotira adresi registriga uzatiladi. Shundan so‘ng xotiraning ma’lumotlar registriga ushbu adres bo‘yicha yozilgan ma’lumot chiqariladi. Bu ma’lumot, ma’lumotlar shinasi orqali protsessorning registrlaridan biriga, masalan akkumulyatorga, ya’ni A registriga kelib tushadi.

8-rasm. Asosiy xotiraga murojaat qilish jarayoni.

9-rasm. Real va himoyalangan rejimlarda asosiy xotiraning tuzilishi.


Zamonaviy kompyuterlarda asosiy xotiraga murojaat kilishning ikki xil rejimi mavjud (9-rasm):

1. 
   Real rejim - 1 Mbayt gacha bo‘lgan asosiy xotira uchun, bu rejim kompyuter MS DOS operatsion tizimida ishlagan paytida qo‘llanilagan. Hozirda bu, MS DOS operatsion tizimini emulyasiya qilishda ishlatiladi.
   
2. 
   Himoyalangan rejim - xotira xajmi 1 Mbaytdan ko‘p bo‘lgan xolda, ya’ni bu kompyuterlar Windows operatsion tizimida ishlay boshlagandan buyon qodlanilgan rejim hisoblanadi.
   

Real rejimda xotiraga murojaat qilish segmentlarga murojaat qilish orqali, himoyalangan rejimda esa, sahifalarga murojaat qilish orqali amalga
oshiriladi. Bitta segmentning xajmi - 64 Kbayt, sahifaning xajmi esa - 4 Kbaytga ega bo‘ladi.