Махсус таълим вазирлиги тошкент молия институти

Номоддий активларни баҳолаш усуллари

Номоддий активлар дастлабки қийматини шакллантириш тартиби.	Номоддий активларнинг олиш манбалари.
	Пул ўтказиш йўли билан сотиб олинган	Корхонада ишлаб чикарилган	Текинга олинган	Устав капиталига улуш сифатида олинган
1. Номоддий активларни сотиб олиш ва режалаштирилган мақсадлар учун фойдаланишга яроқли ҳолга келтириш учун қилинган ҳақиқий харажатлар бўйича	х
2. Тайёрлаш учун қилинган ҳақиқий харажатлар бўйича		Х
3. Номоддий активларнинг бозор қиймати ва режалаштирилган мақсадлар учун фойдаланишга яроқли ҳолга келтиришга доир ҳақиқий харажатлар бўйича			х
4. Таъсис шартномасига мувофиқ таъсисчиларнинг келишуви бўйича				Х

«Номоддий активлар» номли №7 БҲМС 11 бандига мувофиқ номоддий активларнинг бошланғич қиймати - бу активни сотиб олишда ҳақиқатда тўланган пул маблағлари ёки унинг эквивалентлари ёки ишлаб чиқаришда қилинган ҳақиқий харажатлар қиймати.

Ҳақиқий харажатлар таркибига жумладан, номоддий актив объектининг ўзини сотиб олиш харажатлари, сотиб олишда берилган тижорат кредити бўйича тўланадиган фоизлар, ташқи иқтисодий ва бошқа ташкилотларга тўланадиган комиссион тўловлар (хизматлар қиймати), номоддий активларни сотиб олиш билан боғлиқ бўлган бошқа харажатлар киради.
Бошқа мулклар сингари номоддий активларга тааллуқли бухгалтерлик маълумотлар ҳаққонийлиги вақти-вақти билан ўтказиб туриладиган инвентаризация асосида тасдиқланади.
Номоддий активларни инвентаризация қилиш қуйидаги вазифаларни ҳал этади: уларнинг ҳақиқатда мавжудлигини аниқлаш; ҳақиқий қолдиқни бухгалтерлик ҳисоб маълумотларига солиштириш йўли билан уларнинг бутлигини таъминлаш устидан назорат ўрнатиш.
Номоддий активларнинг корхонада ҳақиқатан мавжудлиги ва улар устидан ички назоратни амалга ошириш учун номоддий активларни инвентаризация қилиш лозим. Бунда аудитор №19-«Инвентаризацияни ташкил этиш ва ўтказиш» номли БҲМС (ЎзР. Адлия Вазирлигида 2 ноябр 1999 й рўйхатга олинган №833) ва «Инвентаризация натижасида аниқланган мулклар камомади ва ошиқча чиқишини бухгалтерлик ҳисобида акс эттириш ва солиққа тортиш тўғрисидаги НИЗОМ» ЎзР Адлия Вазирлигида – 2001 йил рўйхатга олинган №1054) талабларига риоя қилинганлигини синчиклаб текшириши зарур.
Хусусан, аудитор инвентаризацияда аниқланган номоддий активлар камомади бухгалтерия ҳисобида тўғри акс эттирилишини ва солиққа тортилишини аниқлайди. Масалан: аниқланган камомадларнинг баланс суммаси ҳисобдан ўчирилганда;
а) Дебет 9220-«Бошқа активларнинг чиқими» счети
Кредит 0400-«Номоддий активларни ҳисобга оладиган счетлар» (0410-0490)
б) Кам чиққан номоддий активлар объекти бўйича ҳисобланган амортизация суммаси ҳисобдан ўчирилганда;
Дебет 0500-«Номоддий активлар амортизациясини ҳисобга оладиган счетлар» (0510-0590)
Кредит 9220- «Бошқа активларнинг чиқими» счети
в) кам чиққан номоддий активларнинг қолдиқ қийматига
Дебет 9430-«Бошқа операцион харажатлар» счети
Кредит 9220-«Бошқа активларнинг чиқими» счети.
Агар баҳолаш натижасида номоддий активнинг бозор қиймати (ундириладиган сумма) қолдиқ қийматидан юқори бўлса, олинган даромад суммаси бухгалтерия ҳисобида қуйидагича акс эттирилади:
Дебет 4730 – «Моддий зарарни қоплаш бўйича ходимларнинг қарзлари» счети айбдор шахслар ёки моддий жавобгар шахслардан ундирилиши лозим бўлган бозор кийматига
Кредит 9430-«Бошқа операцион харажатлар» счети – номоддий активларнинг қолдиқ қийматига
Кредит 9310-«Бошқа активларнинг чиқимидан олинган фойда» счёти – айбдор шахс ёки моддий жавобгар шахсдан ундирилиши лозим бўлган бозор қиймати ва қолдиқ қиймати ўртасидаги фарқ суммага (олинган даромад). Бунда аудитор айбдор шахс ёки моддий жавобгар шахсдан ундирилиши лозим бўлган суммаларни аниқлашнинг асослилигини текшириши лозим. Чунки, олинган даромад суммаси юқорида номи қайд қилинган НИЗОМга мувофиқ умумий белгиланган тартибда солиққа тортилади.
Агар баҳолаш натижасида объектнинг бозор баҳоси (ундириладиган сумма) кам чиққан объектнинг қолдиқ қийматидан паст бўлса, кўрилган зарар суммаси бухгалтерия ҳисобида қуйидагича акс эттирилади:
а) Дебет 4730-«Моддий зарарни қоплаш бўйича ходимларнинг қарзлари» счети айбдор ёки моддий жавобгар шахсдан ундирилиши лозим бўлган бозор қийматига.
Дебет 9430-«Бошқа операцион харажатлар» счети айбдор ёки моддий жавобгар шахсдан ундирилиши лозим бўлган бозор қиймати ва қолдиқ қиймати ўртасидаги фарқ суммага (кўрилган зарар суммасига)
Кредит 9430 - «Бошқа операцион харажатлар» счети–кам чиққан номоддий активлар объектининг қолдиқ қийматига.
Кўрилган зарар суммаси даромад (фойда) солиғини ҳисоблашда умумий белгиланган тартибда солиққа тортиладиган базага қўшилади.
Номоддий активлар камомадининг аниқ айбдори топилмаган ёки моддий жавобгар шахслардан ундириб олиш имкони бўлмаган ҳолларда кам чиққан номоддий активларни ҳисобдан ўчириш қуйидаги тартибда амалга оширилади:
а) дастлабки қийматига
Дебет 9220–«Бошқа активларнинг чиқими» счети
Кредит 0400-«Номоддий активларни ҳисобга оладиган счетлар» (0410-0490)
б) Амортизация суммасини ҳисобдан ўчириш
Дебет 0500-«Номоддий активлар амортизациясини ҳисобга оладиган счетлар» (0510-0590)
Кредит 9220-«Бошқа активларнинг чиқими» счети
в) кўрилган зарар суммаси
Дебет 9430 –«Бошқа операцион харажатлар» счети
Кредит 9220 –«Бошқа активларнинг чиқими» счети
Кўрилган зарар суммаси ҳам(!) даромад (фойда) солиғини ҳисоблашда умумий белгиланган тартибда солиққа тортиладиган базага қўшилади.
Инвентаризацияда аниқланган ҳисобга олинмай қолган номоддий активлар объектлари шуларга ўхшаш объектларнинг ошиқча чиқиш аниқланган санадаги бозор қиймати бўйича уларнинг фойдали хизмат муддатини ҳисобга олган ҳолда баҳоланади ва бухгалтерия ҳисобида қуйидагича акс эттирилади:
Дебет 0400-«Номоддий активларни ҳисобга оладиган счётлар» (0410-0490)
Кредит 9320-«Бошқа активларнинг чиқимидан олинган фойда» счёти
Бу ҳолда ҳам олинган даромад суммаси умумий белгиланган тартибда солиққа тортилади.
Ҳисобга олинмай қолган номоддий активлар бўйича амортизация улар номоддий активлар таркибига қўшилган пайтдан бошлаб умумий белгиланган тартибда ҳисобланади.
Номоддий активларни инвентаризация қилиш корхона раҳбарининг инвентаризация ўтказиш тўғрисидаги буйруғи, «Номоддий активларнинг инвентар рўйхати номли инвентар рўйхат (№ ИНВ-1 шакли), 0410-0490 счётларнинг синтетик ҳисоб регистрлари ва Бош дафтарга асосан амалга оширилади.
Инвентаризация ведомостининг маълумотларига асосан инвентаризация рўйхатларини расмийлаштиришнинг тўғрилиги, корхонанинг кўрсатилган номоддий активлардан фойдаланиш учун ҳуқуқини тасдиқлайдиган дастлабки ҳужжатлар мавжудлиги, синтетик ва аналитик ҳисоб регистрларида ҳамда Бош дафтарда номоддий активларни акс эттиришнинг тўғрилиги ва ўзаро мослиги текширилади. Кўриб чиқиш усулини қўллаш йўли билан аудитор қуйидагилар тенглигини текширади:
номоддий активларга доир ҳисобот шаклларининг кўрсаткичлари;
ҳисобот маълумотлари ва бош дафтар;
ҳисоб регистрларининг кўрсаткичлари.
Бундай текширувни амалга ошириш учун «Бухгалтерия баланси» (1-шакл), номоддий активлар счётлари (0410-0490) ва номоддий активлар эскириши счётлари (0510-0590) бўйича синтетик ҳисоб регистрлари, номоддий активларни ҳисобга оладиган карточкалар (НМА-1 шакл) дан фойдаланилади.
Юқорида баён қилинганлар асосида номоддий активларни аудиторлик текширувидан ўтказишнинг умумий чизмасини қуйидагича акс эттириш мумкин.

Бухгалтерия баланси (1-шакл)

Бухгалтерия баланси (1-шакл) «номоддий активлар» моддаси