Majmua tx kun 2022 (oxirgi)

---

1-Ma’ruza 
Mavzu. Tarmoq xavfsizligi tushunchasi va uning mohiyati. 
Reja: 
1. Tarmoq xavfsizligi faniga kirish 
2. Kompyuter tarmoqlarida xavfsizlik tushunchasi 
3. Tarmoqda axborot xavfsizligini ta’minlash asoslari 
4. Tarmoq xavfsizligiga qo’yiladigan talabalar. 
Kalit so‘zlar:
axborot xavfsizligi, axborot muhofazasi,
 
axborot resurslari,
 
axborot-kommunikatsiya, maxfiy axborot, 
xavfsizlikka tahdidlar, telekommunikatsiya, 
tizim sub’ekti 
Axborot xavfsizligi va axborotni muhofaza qilishning zaruriyati. 
Axborot-kommunikatsiya texnologiyalari shiddat bilan rivojlanib borayotgan 
hozirgi davrda har qanday davlatning axborot resurslari uning iqtisodiy va harbiy 
salohiyatini belgilovchi muhim omillardan biri hisoblanadi. 
Axborot har qanday jamiyat hayotida muhim ahamiyat kasb etib, doimiy 
ravishda o‘sib bormoqda. Qadim zamonlardan beri davlat uchun muhim harbiy 
strategik ahamiyatga ega bo‘lgan ma’lumotlar juda yashirin himoya qilingan. Hozirgi 
vaqtda mahsulot ishlab chiqarish texnologiyasi va marketingi bilan bog’liq 
ma’lumotlar ichki va tashqi bozorda talab katta bo‘lgan bozorga aylandi. Yangi 
axborot texnologiyalarining rivojlanishi sanoat josusligi, kompyuter jinoyatlari va 
maxfiy ma’lumotlarga ruxsatsiz kirish kabi salbiy hodisalar bilan birga keladi. 
Shuning uchun axborotni himoya qilish har qanday mamlakatda muhim davlat 
vazifasi bo‘lib hisoblanadi. 
O‘zbekistonda axborotni muhofaza qilishning zaruriyati axborotni muhofaza 
qilishning davlat tizimini yaratilishida va axborot xavfsizligining huquqiy bazasini 
rivojlantirishda o‘z ifodasini topdi. Bu borada O‘zbekiston Respublikasining
me’yoriy-huquqiy xujjatlarida qabul qilindi hamda amalda tatbiq etib kelinmoqda . 
Mamlakatimizda axborotlashtirish sohasidagi davlat siyosati axborot 
resurslari, axborot texnologiyalari va axborot tizimlarini rivojlantirish hamda 
takomillashtirishning zamonaviy jahon tamoyillarini hisobga olgan holda milliy 
axborot tizimini yaratishga qaratilgan.