Maktab o’quv ishlari bo’yicha direktor o’rinbosari: Ganjayeva Z

Uyga berilgan vazifa savol – javob orqali aniqlanadi:

1.Jamoat birlashmalarining davlat organlaridan asosiy farqlarini ayting.

2.O‘zbekiston Respublikasida mavjud jamoat birlashmalari turlari nomlarini sanang.

3.Jamoat birlashmalari qaysi prinsiplarda tuziladi va faoliyat ko‘rsatadi?

III bosqich: Yangi mavzu mazmunini tushuntirish jarayoni:

Kishilar hayotida turli-tuman muammolar mavjuddir. Ana shu muammolardan ayrimlarini odamning o‘zi, boshqalarni esa faqatgina o‘zgalar bilan uyushgan holda hal etish mumkin. Masalan, tadbirkorlikni rivojlantirish bilan bog‘liq bo‘lgan muammolar - tadbirkorlar manfaatlarini himoya qilish, kredit olish, soliqqa tortish, tashqi bozorga chiqish muammolarini hal qilish uchun tadbirkorlar uyushmasi tuziladi. Shuningdek, boshqa guruhlar: pensionerlar, imkoniyati cheklanganlar, yoshlar, o‘qituvchilar, shifokorlar va hokazolar ham o‘z muammolarini hal qilish maqsadida uyushadilar.

Siyosiy partiyalarning vakillari dasturlar ishlab chiqib, ularda yuqorida aytib o‘tilgan guruhlar manfaatlarini inobatga olgan holda o‘z maqsad va vazifalarini belgilaydilar hamda qo‘llab-quvvatlashlariga erishish uchun ular o‘rtasida targ‘ibot ishlarini yuritadilar. Pensionerlar, yoshlar, fermerlar va ayollar guruhlari o‘zlariga xos bo‘lgan muammolarni aniqlaydilar. Xo‘sh, siyosiy partiyaning o‘zi nima?