Maktab o’quv ishlari bo’yicha direktor o’rinbosari: Ganjayeva Z

III bosqich: Yangi mavzu mazmunini tushuntirish jarayoni:

Lotinchadan tarjima qilganda prezident so‘zi oldinda o'tiruvchi, ya’ni davlat boshlig‘i ma’nosini anglatadi. Jahondagi ko‘pchilik mamlakatlarda prezidentlik boshqaruvi shakli mavjud ekanligi ham prezident lavozimining mavqeyidan dalolat berib turibdi. O‘zbekistonda prezident lavozimi 1990-yil 24-martda joriy etilgan.

O‘zbekiston Respublikasining Prezidenti O‘zbekiston Respublikasida davlat boshlig‘idir va davlat hokimiyati organlarining kelishilgan holda faoliyat yuritishini hamda hamkorligini ta’minlaydi. (89-modda).

Davlat boshlig‘ining asosiy vazifasi - hokimiyatning barcha tarmoqlari faoliyatini muvofiqlashtirish yo‘li bilan mamlakat sobitqadam va barqaror rivojlanishini ta’minlashdir. Prezidentning О‘zbekiston davlat hokimiyati organlari tizimidagi alohida o‘rni ham ana shu narsa bilan izohlanadi.

О‘zbekiston Respublikasida Prezident davlat rahbari sanaladi. Shunga mu­vofiq O‘zbekistonni prezidentlik boshqaruvi shakliga ega unitar respublika tariqasida tavsiflash mumkin.

Davlat boshlig‘i parlament deputatlari tomonidan saylanadigan parlament respublikasidan farqli ravishda prezidentlik boshqaruvi shaklida xalq tomonidan yoki saylovchilar vakillari tomonidan saylanadi va deputatlar tor guruhidan emas, balki aholining keng qatlamlaridan vakolatlar oladi.

Prezident saylovi Konstitutsiya va “O‘zbekiston Respublikasi Prezidenti saylovi to‘g‘risida”gi Qonunga asosan umumiy, teng va to‘g‘ridan to‘g‘ri saylash huquqi negizida yashirin ovoz berish yo‘li bilan amalga oshiriladi. Ayni paytda prezidentlikka nomzodga nisbatan alohida talablar qo‘yiladi.