Maktab o‘quvchilari uchun universal qo‘llanma yaratish g‘oya haqida

Ayniqsa hozir xalqaro baholash dasturlari o‘quvchida kreativ fikrlash va fanlararo bog‘liqlikni talab qilishi, o‘quvchining bir emas bir nehta fanlarni puxta egallashlarini talab qilmoqda. Bundan tashqari oliy o‘quv yurtlariga kirish imtihonlari beshta fanlardan o‘tkazilishi ham o‘quvchilardan ko‘proq bilimni talab qiladi.

Sotuvlarda ushbu qo‘llanmaga o‘xshash mahsulotlar bor. Masalan, alohida fanlardan ma’lumotnoma yoki spravochniklar. Lekin ular davlat ta’lim standartlari asosida ishlab chiqilmagan bo‘lib, keng ommaga mo‘ljallangan.

Maktab o‘quvchilari uchun mo‘ljallangan hamda fanlar mavzularining ketma-ketligi bo‘yicha yaratish bugungi kun masalalaridan biridir. Ushbu qo‘llanmaning yaratilishi o‘quvchilarning fanlardan o‘zlashtirish sifat-samaradorligini ortishga olib keladi.

Ushbu qo‘llanmani yaratsih uchun tajribali fan o‘qituvchilaridan iborat mualliflar jamoasini tuzish hamda Respublika ta’lim markazining qo‘llab-quvvatlovi zarur. Qo‘llanmaga umumiy o‘rta ta’lim maktab davlat ta’lim dasturari asosida 5-11-sinflarda o‘tiladigan fanlar mavzular ketma-ketligi asosida tuzib chiqish kerak bo‘ladi. Dastlab qo‘llanmani loyiha tarzda respublikaning barcha fan o‘qituvchilarining onlayn muhokamasiga qo‘yish kerak. Bildirilgan taklif va mulohazalarni inobatga olib, qo‘llanmani puxtalash kerak.

G‘oyani amalga oshirish mexanizmi (tamoyillari)

Bosqich	Bosqich nomi (tavsifi)	Muddat	Zarur resurslar
1-bosqich	Mualliflar jamoasida ishlashni hohlovchi pedagoglarni to‘plash	2021-yil aprel oyi	Ta’lim markazi tomonidan mualliflar jamoasi shakllantiriladi
2-bosqich	Qo‘llanmaning loyihasini tayyorlash	2021-yil may-iyun oylari	Mualliflar jamoasiga zaruriy sharoitlar yaratib beriladi
3-bosqich	Qo‘llanma loyihasini onlayn muhokamaga qo‘yish	2021-yil iyun-iyul oylari	Bildirilgan taklif, e’tiroz va qo‘shimchalar jamlanadi
4-bosqich	Bildirilgan fikr va mulohazalar asosida qo‘llanmani puxtalash	2021-yil iyul oyi	Mualliflar jamoasiga zaruriy sharoitlar yaratib beriladi
5-bosqich	Qo‘llanmani nashr qilish va maktablarga yetkazib berish	2021-yil avgust oyi	Qo‘llanma nashriyotda chop etiladi