Мактаб технология таълимида ўҚувчиларни миллий ҳунармандчиликнинг спектрал-вариатив компонентлари

Образование и инновационные исследования (2021 год
 Сп.вып.)
ISSN 2181-1717 (E)
335
http://interscience.uz
Мустақил Республикамизда яшаб ижод этаётган халқнинг минг йиллаб 
йиғилган тажрибалари, халқ педагогикасидаги ютуқлари, урф-одатлари, 
анъаналари ҳамда ҳозирги даврдаги ёшларга таълим ва тарбия беришга оид 
назарий ва амалий педагогик тадқиқотлар ўрганилган ва ўрганилмоқда.
Республика педагог олимларидан С.Ражабов, А.Зуннунов, О.Мусурмонова, 
С.Нишонова, Сафо Очил, О.Ҳасанбоева, К.Хошимов, Ж.Йўлдошев, А.Мунавваров 
ва бошқалар ҳозирги замон педагогикаси ва тарбияшунослик илмида халқ 
педагогикаси ютуқларидан унумли фойдаланишни тарғиб қилдилар ва 
қилмоқдалар.
С.Ражабов кўп йиллар давомида Ўзбекистон педагогикасида етакчи педагог 
олимлардан ҳисобланиб келди. Унинг раҳбарлигида (ўзбек тилида) дастлабки 
“Педагогика” дарслиги яратилди [2;40].
А.Зуннунов замонавий педагогика ва халқ педагогикасининг ютуқларини бир-
бирига ҳамоҳанг равишда бир қатор педагогик асарлар яратди ҳамда яратишда 
иштирок этмоқда. Масалан, “Педагогика тарихи” (Академик лицей ва касб-ҳунар 
коллежлари учун дарслик, 2002) ва “Ўрта Осиёда педагогик фикр тараққиётидан 
лавҳалар” (1996) шулар жумласидандир [2.2.1; 2.3.2].
А.Зуннунов ва Ў.Толиповлар ҳамкорлигида яратилган қўлланма миллий 
қадриятлар асосида, ўқувчи шахсини шакллантириш вазифаларига бағишланган. 
Унда ўқувчи мазкур вазифаларни амалга оширишида фойдаланиши мумкин 
бўлган адабиёт ва услубий қўлланма номлари келтирилган [2.1.4].
Олима О.Мусурмонова умумий ўрта таълим мактабларида адабиёт ва турмуш 
одоби фазилатларини ўқитиш жараёнида умуминсоний ва миллий қадриятлар 
муштараклигини таъминлаш заминида юқори синф ўқувчилари маънавий 
маданиятини шакллантиришнинг илмий-назарий ва услубий асосларини яратди 
[2;29].
О.Ҳасанбоеванинг “Педагогика тарихидан хрестоматия”си (1993 й.), 
А.Мунавварованинг эса, “Оила педагогикаси” (1994 й.), “Педагогика” 
(А.Қ.Мунавваров таҳрю. 1996 й.), К.Ҳошимов ва Сафо Очилларнинг “Ўзбек 
педагогикаси антологияси” (1995 й.), Ж.Йўлдошев ва С.Усмановларнинг 
“Педагогик технология асослари” (2004 й.), К. Ҳашимов ва С.Нишоноваларнинг 
“Педагогика тарихи” (2005 й.) ва шу каби бошқа асарлар тадқиқот иши учун 
эътиборга молик асарлардан ҳисобланади [2.37; 2.30; 2.38; 3.7; 2.1.6; 2.1.11].
Ёшларни халқнинг меҳнат анъаналари, байрамлари, урф-одатлари ҳамда 
унумли меҳнат фаолияти жараёнига самарали тайёрлаш ва уларни меҳнат 
қилишларига нисбатан ҳурмат руҳида тарбиялаш лозим.
Ўзбекистон Республикаси узоқ йиллар давомида ёшларни меҳнат ва касб-
ҳунарга тайёрлаш, уларни меҳнат жараёни фаолиятига йўналтириш, касб-ҳунарлар 
ўргатиш, халқ хўжалигининг турли соҳаларида меҳнат қилишга йўналтиришнинг 
турли масалалари билан олимлар шуғулландилар. Улар ўз тадқиқот натижаларини 
номзодлик ва докторлик диссертациялари, монографиялари. Ўқув қўлланмалари 
тарзида баён этдилар.
Р.Джураев, У.Нишоналиев, Н.Шодиев, И.Чориев, Н.Сайидаҳмедов, Ў.Толипов, 
Н.Муслимов, Б.Муранов каби педагог олимлар, ўзларининг чоп эттирилган 
материалларида ёшларнинг меҳнат ва касб таълими тайёргарлигининг турли 
соҳаларини ёритдилар ва ёритмоқдалар.
Р.Джураев, ўзининг “Узлуксиз таълим тизимида касб-ҳунарга йўналтириш ва 
шахснинг касбий ўзлигини англаш муаммолари” мавзусидаги Республика илмий-
амалий конференция маърузасида “Касб-ҳунарга йўналтириш ишларининг 
асосий мақсади, энг аввало, индивидга, ўз қизиқиш қобилияти ва имкониятларини 
тўлиқ англаш, хоҳиш-истакларини амалга оширишнинг восита ва усулларини 
тўғри белгилаш ҳамда мустақил қарорга келиши учун имконият ва зарур шарт-
шароитларни яратишдан иборат”, -деган долзарб вазифалар ҳақида сўз юритди 

---