Маълумотлар базаси билан ишлаш

Маълумотлар базасини дастурга улаш

Олдинги маърузада MS Access да яратилган маълумотлар омборини яратилаётган иловага улаш кўрсатиб ўтилган эди. Энди MySQL маълумотлар базасини бошқариш тизимида яратилган маълумотлар омборини фойдаланувчи томонидан яратилаётган иловага улашни тушинтирилади. MySQL маълумотлар базасини бошқариш тизимида яратилган маълумотлар омборини фойдаланувчи томонидан яратилаётган иловага улаш учун MySQL Connection қўшимча дастури керак бўлади. Бу дастур ёрдамида MySQL МББТ яратилган МБ дастурга осонгина уланади.
MySQL МББТни иловага боғлашнинг 2 хил усули мавжуд. Биринчи усулида фойдаланувчи томонидан яратилган дастурнинг ўзи маълумотлар базасига боғланиб ишлайди. Бу вақтда дастур яратилган компьютернинг ўзида ишлайди, лекин бошқа компьютерга олинганда бу дастур ишлаши ноаниқ бўлади. Иккинчи усул қуйидагича амалга оширилади.
– Компьютернинг Панель управления ойнасига кирилади (7.2.1–расм);

7.2.1–расм: Панель управления ойнаси	7.2.2–расм: Администрирование ойнаси

– 7.2.1–расмда кўрсатилган Панель управления ойнасидаги Администрирование бўлимини танланади. Шунда 7.2.2–расмдаги ойна ҳосил бўлади;
– 7.2.2–расмда кўрсатилган ойнадан Источники данных ODBC банди танланади, шунда 7.2.3–расмда кўрсатилган ойна ҳосил бўлади;
– 7.2.3–расмда кўрсатилган ойнадаги Добавить тугмаси босилади. Бу тугма орқали янги маълумотлар манбаи яратилади. Яратилган маълумотлар манбаига маълумотлар омбори ва MySQL МББТ га кириш ҳуқуқлари ёзилади ва алоҳида ном билан сақланади. Бу кетма–кетлик 7.2.4– ва 7.2.5–расмларда кўрсатилган.

7.2.3–расм: Администратор источники данных ODBC
7.2.4–расм: MySQL ODBC ни танлаш	7.2.5–расм: MySQL МБга уланиш

7.2.5–расмда келтирилган ойнадаги ОК тугмаси босилганида янги маълумотлар манбаи ҳосил бўлади. Янги маълумотлар манбаидан фойдаланиб C++Builder дастури ёрдамида маълумотлар омборига уланишни қуйида кўриб чиқилади.

7.2.6–расм: Формадаги компоненталар кўриниши

С++Builder муҳитида янги илова яратилади. ADO (C++Builder 6) ёки dbGo (C++Builder XE-XE8, 10 Seattle, 10.1 Berlin) компоненталар палитрасидан ADOConnection, ADOTable ва Data Access компоненталар палитрасидан DataSource компоненталарини формага жойлаштирилади. Бу форманинг кўриниши 7.2.6–расмда кўрсатилган. ADOConnection компонентасини танланади, Object Incpector ойнасидаги Properties бандидан ConnectionString ҳусусияти танланади. Бу ҳусусиятга ўзгартириш киритилади. Бунинг учун ҳусусиятнинг ўнг томонида жойлашган 3 нуқта тугмаси босилади. Шунда 7.2.7–расмда келтирилган ойна ҳосил бўлади.

7.2.7–расм: ConnectionString ҳусусиятини ўзгартириш ойнаси

7.2.7–расмда кўрсатилган ойнадан Build тугмаси босилади. Бу тугма босилганда 7.2.8–расмдаги ойна ҳосил бўлади. Бу ойнада келтирилган катталиклардан Microsoft OLE DB Provider for ODBC Drivers банди танланиб Далее тугмаси босилади. Шунда 7.2.8–расмда келтирилган ойнанинг Соединение бўлимига ўтади, бу бўлимдан Использовать имя источника данных бандини танланади.

7.2.8–расм: Свойства канала передачи данных ойнаси

Бу бўлимда жойлашган танлай майдонидан MySQLCppBases танланади ва ОК тугмаси босилади. Шунда 7.2.7–расмда келитирилган ойнадаги майдонга танланган маълумотларга мос равишдаги буйруқлар тўплами Use Connection String майдонига гавдаланади. Бу ойнадаги ОК тугмаси босилади. ADOConnection компонентасининг LoginPrompt ҳусусиятига false қиймат берилади. ADOTable компонентаси танланади. ADOTable компонентаси Connection ҳусусиятига ADOConnection1 номини берилади ёки сичқончанинг чап тугмаси икки марта чертилади. TableName ҳусусиятига маълумотлар омборидаги керакли бўлган жадвал номи танланади. Active ҳусусияти қиймати true билан алмаштирилади. DataSource компонентасининг DataSet ҳусусиятига ADOTable1 қиймати берилади. Ююқорида келтирилган кетма–кетликлар бажарилганидан сўнг, MySQL маълумотлар омборияратилаётган илова билан боғланади.