Mamasoli jumaboyev
Download 3.01 Kb. Pdf ko'rish
|
oshiqlar“, Miraziz A’zamning „Aqlli bolalar“, „Bedananing
buvisi“, Òursunboy Adashboyevning „Dovonlar“, „Harflarning sarguzashti“, Òoshpo‘lat Hamidning „Asrorqulning qo‘chqori“, Ergash Raimovning „Bir dona yaproq“, Rauf Òolibning „Sehrgar do‘stim bor“, „Maqtanchoq“, Usmon Azimning „G‘aroyib ajdarho“, Kavsar Òurdiyevaning „Òoshkesarlar mamlakatida“ kabi doston va ertak-dostonlari yaratildi. Shoir Po‘lat Mo‘min „Ko‘ngil istar yaxshilik“ asarida bolalar o‘rtasidagi do‘stlik, birodarlik, o‘qituvchi va jonajon maktabga muhabbat, birlik masalalarini ilgari suradi. Bolalar hayotida sodir bo‘ladigan yutuq va kamchiliklar badiiy bo‘yoqlarda, qiziqarli lavhalarda chizib beriladi. Bir so‘z bilan aytganda, maktab o‘quvchilarining jozibali hayoti zavq-shavq bilan tasvirlanadi. Hozirgi zamon o‘zbek bolalar nasrida ham salmoqli asarlar yuzaga keldi. Yozuvchilarning yangidan-yangi avlodi kamol topdi. Bolalarning yoshi, qiziqishi, dunyoqarashiga to‘la javob bera oladigan ko‘plab hikoyalar yaratildi. Hakim Nazir, Yoqubjon Shukurov, Nosir Fozilov, Xudoyberdi Òo‘xtaboyev, Òurg‘unboy G‘oiðov, Rahmat Azizxo‘jayev, Latif Mahmudov, Farhod Musajon, Sobir Yunusov, Oqiljon Husanov, Mahmud Mu- rodov, Ergash Raimov, Safar Barnoyev, Abdusaid Ko‘chimov, Anvar Obidjon va boshqalarning maktab yoshidagi bolalarga mo‘ljallangan qissa va hikoyalar to‘plamlari bosilib chiqdi. 79 Juda ko‘p hikoyalarda kichkintoylar hayotidagi turli sarguzashtlar va ziddiyatlar o‘z ifodasini topmoqda. Shodmon- bek Otaboyevning „Itolg‘i“ hikoyasi qush, qurt-qumursqalarni sevish, ardoqlashga qaratilgan. Itolg‘i chumchuq va chug‘ur- chuqlarni tutib olib yeydigan qush. Shukurali aka Itolg‘ini jiyani Shavkatga sovg‘a qiladi. Shavkat uzum qo‘riqlashda undan foydalanmoqchi edi. Ammo qush ularnikida o‘zini erkin sezmaydi. Buning sababini surishtirganda Shavkatning otasi bu jonivor ozodlik va erkinlikni qo‘msayotganligini tushuntiradi. Shavkat qushlarni yaxshi ko‘radigan, rahmdil bola. U Itolg‘ini qafasda uch kun zo‘rg‘a ushlab turadi. Qafasda qush emas, o‘zi o‘tirgandek bo‘ladi va Itolg‘ini qafasdan butunlay chiqarib yuboradi. Qush bolaga rahmat, degandek aylanib uchib ketadi. Bolalar qissachiligida Oybek, G‘afur G‘ulom, Abdulla Qahhor kabi ulug‘ adiblarning hissasi katta. Shuningdek, Hakim Nazir, Shukur Sa’dulla, Xudoyberdi Òo‘xtaboyev, Latif Mahmudov, Nosir Fozilov, Farhod Musajon, Hojiak- bar Shayxov, Anvar Obidjon, Habib Po‘latov, Muqimjon Niyozov, Rustam Rahmonov, Shukur Xolmirzayev, Oqiljon Husanov, Mamatqul Hazratqulov kabi yozuvchilarning asar- lari ham sevib o‘qiladi. Bu davr bolalar qissachiligida sarguzasht, ilmiy-fantastika janrlari ham rivoj topdi. Xudoyberdi Òo‘xtaboyev („Sariq devni minib“, „Qasoskorning oltin boshi“, „Shirin qovunlar mamlakatida“), Hojiakbar Shayxov („Samo mehvaridagi namoyish“, „Shom kamari“, „Ajdodlar xotirasi“), Mahkam Mahmudov („Yevropaning o‘g‘irlanishi“), Anvar Obidjon („0099 nomerli yolg‘onchi“, „Dahshatli Meshpolvon“), Oqiljon Husanov („Òog‘da o‘sgan bola“), Olloyor („Fazogir chumoli“) va boshqalar bu janrda samarali ijod qilmoqdalar. Bolalar tarbiyasida dramaturgiya janrida yaratilgan asarlar ham katta rol o‘ynaydi. Hakim Nazir, Adham Rahmat, Po‘lat Mo‘min, Mamarasul Boboyev, Òurg‘unboy G‘oyibov, Nari- mon Orifjonov, Latif Mahmudov, Farhod Musajon, Ravshan Yoriyevlarning pyesalari kichkintoylar quvonchiga quvonch qo‘shib kelmoqda. Shu zaylda hozirgi zamon o‘zbek bolalar adabiyoti rivojla- nishda, u yangi yozuvchilar, yangi asarlar bilan tobora boyib bormoqda. Bir so‘z bilan aytganda, bu adabiyot mustaqil O‘zbekistonimizning tobora gullab-yashnashi uchun xizmat qilmoqda. 80 O‘zbek xalqining ulug‘ ma’rifatparvari, mutafakkiri va buyuk shoiri Alisher Navoiy ijodida yoshlar tarbiyasiga bag‘ishlangan sahifalar nihoyatda ko‘p. U bolalarni ilm-hunar egallashga, mehnatni sevishga undaydi, bu ilm va hunarni xalq, vatan manfaatlari yo‘lida sarf qilish zarurligini alohida uqtiradi. Navoiyning fikricha, ilm-fanni egallash uchun yoshlikdan boshlab astoydil o‘qish-o‘rganish kerak: „Yoshligingda yig‘ ilmning mahzanin, qarigan chog‘da sarf qilg‘il ani“ — shoir- ning shiori ana shunday. U yoshligidan o‘qishga beriladi. Bolaligidanoq ko‘p she’rlarni yodlaydi. Jumladan, Farididdin Attorning „Mantiq ut-tayr“ („Qush nutqi“) asarini qayta- qayta o‘qib, yod oladi. Alisher Navoiy davlatda yuqori mar- tabaga erishgach, maktab va maorif ishlarini rivojlantirishga katta ahamiyat berdi. U bolalarni o‘qitish va tarbiyalash uchun maktablar ochish va madrasalar qurishda g‘amxo‘rlik ko‘rsatdi. Alisher Navoiy Astrobodda surgunda yurganida do‘sti, podshoh Husayn Boyqaroga yozgan xatida o‘g‘il va qiz bolalar uchun maktablar ochishni talab qiladi. Shaxsan o‘zi madrasalar qurishda tashabbus ko‘rsatgani buning yaqqol dalilidir. Navoiyning fikricha, maktab xalqqa nur keltiradi, unga to‘g‘ri yo‘l ko‘rsatadi, bolalarni bilimli qiladi. U o‘zining „Ixlosiya“ madrasasi yonida maktab ochib, bolalarni o‘qitish va tarbiyalash uchun zarur sharoit yaratadi. Buning uchun o‘z hisobidan lozim bo‘lgan mablag‘ni ajratadi. Navoiy o‘qituvchini quyoshga o‘xshatadi. Quyosh o‘z atrofidagi yulduzlarga nur sochganidek, mudarris „abjalxona- lar“ni yoritadi, hali ilmdan bexabar bo‘lgan toliblarni ilm nuridan bahramand etib, ma’rifat beradi, deydi. Alisher Navoiy (1441—1501) 81 Alisher Navoiy ilm-ma’rifat, ta’lim-tarbiya haqidagi fikrlarini badiiy asarlarida komil insonlar sifatida tasvirlangan ijobiy obrazlari orqali bayon qiladi. Navoiy aql kuchiga cheksiz ishonadi, ilm-fanning xislati, qudratiga juda katta baho beradi. Buyuk shoir bolalar tarbiyasiga oid fikr-mulohazalarini „Hayrat ul-abror“, „Farhod va Shirin“, „Layli va Majnun“ kabi dostonlarining ayrim boblarida keng bayon etadi. „Hayrat ul-abror“ („Yaxshi kishilarning hayratlanishi“) falsafiy-ta’li- miy dostondir. Shoir dostonda saxiylik, odob va kamtarinlik, ota-onaga hurmat, rostgo‘ylik va to‘g‘rilik, ilmning foydasi va mashaqqat chekib bilim olgan kishi baxt-saodatga erishajagi haqidagi falsafiy qarashlarini keng bayon etadi. „Farhod va Shirin“ dostonida shoir chin sevgi va vafo, do‘stlik va sadoqat, mehnat va ijodkorlik, vatanparvarlik hamda qahramonlik g‘oyalarini tarannum etadi. Dostonning ko‘pgina boblari bolalar va yoshlar hayotiga, ularning tarbiyasiga bag‘ishlangan. Shoir Farhodning bolalik chog‘laridanoq ilm- hunarga, mehnatga katta muhabbat bilan qaraganini zo‘r mahorat va chuqur samimiyat bilan tasvirlaydi. Farhod yoshlik chog‘idanoq juda aqlli, zehnli bola bo‘lib o‘sadi. U maktabda zo‘r havas va qunt bilan o‘qiydi. Òabiiyot, matematika, mantiq kabi fanlarni tez o‘rganib oladi. Yosh Farhodning ilmga bo‘lgan havas va muhabbatini sezgan ota- onasi uni har jihatdan rag‘batlantiradilar. Jahonning mashhur olimlari Farhodga turli fanlardan saboq beradilar. Natijada eng murakkab va pinhoniy ilmlar unga o‘z sir-asrorini namoyon etadi. U qunt va chidam bilan o‘qib, bilimdon va zukko inson bo‘lib yetishadi. Alisher Navoiyning „Farhod va Shirin“ dostonida ilgari surilgan yuksak insoniy xislatlar, insonparvarlik g‘oyalari yosh kitobxonlar ma’naviyatiga ham chuqur ta’sir etadi, ularni xalq, vatan uchun munosib inson bo‘lib yetishishlariga xizmat qiladi. Buyuk shoir o‘qish va tarbiyaga doir fikrlarini „Layli va Majnun“ dostonida ham ilgari surgan. Yangi maktablar bino qilish g‘oyalarini targ‘ib etgan Navoiy maktablarda o‘g‘il bolalar bilan bir qatorda qizlarning ham o‘qishini orzu qiladi. 6— Bolalar adabiyoti 82 Alisher Navoiy Farhod, Qays, Iskandar va boshqa ijobiy obrazlar vositasida kamolotga yetish bosqichlarini tasvirlab, bolaning voyaga yetishida tarbiyaning katta kuch-qudratga ega ekanligini alohida uqtiradi. Shoirning 1500-yilda yaratgan „Mahbub ul-qulub“ („Ko‘ngillarning sevgani“) asarida ijtimoiy-siyosiy va axloqiy- ta’limiy qarashlari chuqur bayon etilgan. Navoiy insondagi ijobiy fazilatlarning namoyon bo‘lishida halollik va soddalik, samimiylik kabi fazilatlar asosiy omil ekanligini ta’kidlaydi. Bu xislatlar esa mehnatga muhabbatning natijasi sifatida talqin etiladi. „Mahbub ul-qulub“ uch qismdan iborat. Birinchi qismi „Xaloyiq ahvoli va af’oli va atvorining kayfiyatida“, ya’ni kishilarning ahvoli, fe’l-atvori va gap-so‘zlarining ahamiyati haqida bo‘lib, bunda Navoiy donishmand va murabbiy, ulkan madaniyat arbobi sifatida ilm-fan, san’at va adabiyotning ahamiyatini targ‘ib etadi, malakali, iqtidorli muallimlarni, olimlarni, shoirlarni, san’atkorlarni maqtaydi, ularni hurmat qilishga va qadrlashga chaqiradi. O‘qish ham, o‘qitish ham og‘ir va mas’uliyatli ish, u qunt, havas va mehnat talab qiladi, deb uqtiradi shoir. Bu o‘rinda murabbiylarning halol xiz- matlarini alohida ta’kidlaydi. Haq yo‘linda kim sanga bir harf o‘qitmish ranj ila, Aylamak bo‘lmas ado aning haqin yuz ganj ila. Kitobning 2-qismi axloqiy masalalarga bag‘ishlangan. Unda, asosan, yaxshi fazilat va yomon illatlar tahlil qilinadi. Òo‘g‘rirog‘i, shoir komil insonga xos bo‘lgan odob-axloq haqida gap yuritadi. Masalan, qanoatni olaylik. Navoiy qanoatli odamlarni maqtaydi, ularga havasi keladi. Kimki qanoatli bo‘lsa, unday odamni el ardoqlashini, e’zozlashini ta’kidlaydi. Mutafakkir qanoatni bir buloqqa — chashmaga o‘xshatadi. Negaki, buloq suvini qancha olgan bilan u qurimaydi, u bir xazinadirki, undagi boylik sochilgan bilan kamaymaydi. U bir ekinzorki, urug‘i izzat va shafqat hosilini beradi. U bir daraxtdirki, unda hurmat mevasi bordir. Bu bobda sabr, tavoze’ haqida ham ko‘p ibratli gaplar aytilgan. Asarning „Òurli foydali maslahatlar va maqollar“, deb nomlangan 3-qismida ko‘proq o‘qish, ilm olish, kasb-kor egasi bo‘lish singari masalalar o‘rtaga tashlanadi. 83 Alisher Navoiy o‘z asarlarida xalq og‘zaki ijodidan, ayniqsa, maqollardan samarali foydalanish bilan birga, o‘zi ham ta’lim-tarbiyaviy ahamiyatga ega bo‘lgan ko‘plab hikmatlar yaratdi. „LISON UÒ-ÒAYR“DAN YANA BIR QUSHNING HUDHUDGA SAVOLI: Dedi bir soyilki: — Ey, farruh jamol, Ko‘ngluma behad muhabbat soldi mol. Ham visoli jonima solur nashot, Ham unidin ko‘nglum aylab inbisot. Bir nafas gar bo‘lmasa ilkimda siym, Hajridin jonimga bor o‘lmakka biym. JAVOB: Dedi Hudhud: — K-ey haqiqatdin yiroq, Joningga qo‘yg‘on diram dog‘i firoq. Hirs jomi aylagan ko‘nglungni mast, Sen bo‘lib ul mastlig‘din zeridast. Bu ne so‘z bo‘lg‘ayki, zikr etgay kishi, Kim emas bu odamiylarning ishi. HIKOYAT: — Basra shahrida laime bor edi, Bebasarlig‘ fanida dinor edi. Mayli jam’ aylarga dinor-u diram, Ul sifat g‘olibki, Hotamga karam. Ko‘p mashaqqatlar bila duni laim, Bir-bir uzra jam’ aylar erdi siym. Onchakim jam’ o‘ldi bir mahzan anga, Yer tubida ayladi malfan anga. Bovujudi muncha naql ul dunhisol, Òo‘nig‘a tikmish edi gardun misol. Beadad maxfiy diramlar hirsi shum, Kunduz andoqkim, falak ichra nujum. Kim bulardindur manga tan quvvati, O‘ylakim, tan quvvati — tan sihhati. Ittifoqo, bir kun o‘ldi manzile Mol savdosiga daryo sohili. 84 Suv qirog‘inda yer ul moli harom, Molning savdoda sudidin taom. Bo‘ldi daryoda ilikni yuvdi ham, Chun og‘irlik qildi bir sori diram. Òushdi daryoga laimi dunsirisht, Chekti qa’riga oni ul fe’li zisht. Òolpinib ko‘p zohir etti iztirob, Kim birov solgay oning sari tanob. Maxlasiga mayl ko‘rguzguncha xayl, Ko‘prak yetti bahrning qa’riga mayl. Chun og‘ir erdi diramdin langari, Suv tubin tutti sadafdin gavhari. Siymdin yetti bu ofat joniga, Òushti yag‘mo mahzani pinhoniga. Siym yig‘moqqa natija bo‘ldi bu, Sen oning savdosidin ilkingni yuv. Mutlaq oning sari mayl etma yano Kim talotumda erur bahri fano. NASRIY BAYONI: YANA BIR QUSHNING HUDHUDGA SAVOLI: Savol beruvchi dedi: — Ey qutlug‘ jamol egasi! Mol-u dunyo mening ko‘nglimga cheksiz muhabbat soldi. Unga erishmoq xayoli jonimga quvonch bag‘ishlaydi, uning jaranglagan tovushini eshitsam, ko‘nglim huzur topadi. Ko‘nglimda agar bir nafas oltin-kumush bo‘lmasa, meni o‘sha zahotiyoq o‘lgan deb hisoblayver. HUDHUDNING JAVOBI: Hudhud unga dedi: — Ey haqiqatdan yiroq! Joningga pul firoq dog‘ini qo‘yibdi. Hirs jomi ko‘nglingni mast aylabdi. Sen bu mastlikdan yer bilan bitta bo‘lib, bu behuda xayolni boshingdan chiqarib tashla! Miyangni ezib yotgan bu qattiq toshdan qutqar! Haqiqiy yer bo‘lsang, asl maqsadni ko‘zlagil, nimaiki so‘zlasang, o‘shandan so‘zlagil. Bu nomunosib ish bilan shug‘ullanma, chunki undan senga zarar yetib, oxiri joning- ning uvoli bo‘ladi. 85 HIKOYAÒ: Basra shahrida bir xasis kishi bor edi. U nodonlik bilan oltin-kumush yig‘ishga mukkasidan ketgan edi. Hotam Òoy saxovat va karam ko‘rsatishda qancha nom qozongan bo‘lsa, u dinor va dirham yig‘ishda undan mashhurroq edi. Ushbu xasis va pastkash kishi ko‘p mashaqqat chekib, bitta-bittalab oltin yig‘ar edi. U katta bir xazina to‘plagach, ularni yer tagiga ko‘mdi. Bu ochko‘z yana shunga teng keladigan boylikni to‘niga gir aylantirib tikib olgan edi. Yashirgan behisob oltinlar o‘sha shum hirsli kishining ko‘ziga hatto kunduz kunlari ham osmonda yaraqlagan yulduzlar kabi ko‘rinar edi. U o‘zicha, tanimga quvvat, tanimga quvvatgina emas, balki jonimga sihat ham mana shu oltinlar tufayli, deb o‘ylardi. Ittifoqo, bir kuni u savdo-sodiq qilish uchun daryo sohiliga keldi. U yerda savdo qilgan molidan tushgan harom pullarga taom olib yedi. Shundan so‘ng qo‘lini yuvmoqchi bo‘lib daryo labiga engashdi. Ammo to‘niga tikkan oltinlari og‘irlik qilib, uni suv tortib ketdi. Xasis kishi ana shu yomon fe’li tufayli daryoga cho‘ka boshladi. U suvdan chiqmoqchi bo‘lib, iztirob bilan chunon talpinar, birov kelib qutqarar, degan umidda baqirib-chaqirar edi. Ammo odamlar yetib kelgunga qadar u daryo tubiga cho‘kib bo‘ldi. Chunki uning oltindan bo‘lgan langari behad og‘ir ediki, shu sababli u suv tubida sadaf ichidagi gavhardek mangu tik turib qoldi. Uning joniga ofat yetkazgan narsa, albatta, o‘zi yig‘gan sim-u zar edi. Shuningdek, uning yashirib qo‘ygan xazinasi ham talon-toroj bo‘ldi. Oltin-kumush yig‘ish oqibatida ana shunday mudhish voqea ro‘y berdi. Sen bunday jirkanch ishlardan qo‘lingni tort! Ularga zinhor mayl ko‘rsatma, chunki bu fano dengizi — dunyo doimo dahshatli to‘lqin ichidadir. Nasriy bayon muallifi Sharafiddin Shariðov 86 Gulxaniy XVIII asrning oxiri va XIX asrning boshla- rida yashab ijod etgan mumtoz shoirlarimizdan biridir. Uning asl ism-sharifi Muhammad Sharif bo‘lib, Gul- xaniy adabiy taxallusi. Òaxminlarga ko‘ra, u XVIII asrning 70-yillarida hozirgi Xo‘jand viloyatining Darvoza qish- log‘ida tug‘ilgan. Bo‘lajak shoirning bolaligi o‘zi olamga kelgan tog‘ qishlog‘ida o‘tadi. Bu yerda o‘qib, savod chiqaradi, adabiyotga havas qo‘yadi. Ko‘plab asarlar o‘qiydi, xalq og‘zaki ijodini berilib o‘rganadi va asta-sekin she’riy mashqlar qila boshlaydi. U ilmini oshirish maqsadida avval Namangan, so‘ngra Farg‘onaga keladi, qiziqchiligi, hozirjavobligi va hajviy she’rlari bilan kishilar o‘rtasida taniladi. Ayniqsa, g‘ariblik turkumidagi ruboiy va to‘rtliklari bilan el og‘ziga tushadi. Shoir keyinchalik Qo‘qonga keladi. U o‘zbekcha she’rlariga Gulxaniy, fors-tojikcha she’rlariga Jur’at deb taxallus qo‘yadi. Gulxaniy bir necha yil Qo‘qon xoni Olimxon saroyida navkarlik qilgan, janglarda qahramonlik ko‘rsatgan bo‘lsa-da, ammo ochlik, yupunlik, muhtojlik uning hamrohi bo‘lib qolaveradi. Gulxaniyning „Ber menga“ radifli she’ri ana shu davrda yozilgan. Olimxondan keyin Qo‘qon taxtiga chiqqan Umarxon hukmronligi davrida ham Gulxaniy turmushida hech qanday o‘zgarish bo‘lmadi. Gulxaniy XIX asrning birinchi yarmida vafot etadi. Uning eng yirik asari „Zarbulmasal“dir. Bu o‘tkir hajviy asarda Gulxaniy xalqning mazmundor maqollari, hikmatli so‘zlari Muhammad Sharif Gulxaniy 87 va iboralaridan mohirlik bilan foydalanadi. U feodal hukm- dorlar va ularning laganbardorlarini, saroy ahlining yaramas kirdikorlarini majoz yo‘li bilan hajv tig‘i ostiga oladi. Shoir mehnatkash xalqning og‘ir, mashaqqatli hayotini o‘z ko‘zi bilan ko‘rdi, saroy bazmlari, keti uzilmas mayparastliklar fuqaroni talash hisobiga bo‘lishini payqadi. Natijada unda saroy zodagonlariga nisbatan nafrat hissi tobora oshib bordi. Ammo shoir, sharoitga ko‘ra, hukmron doiralardan noroziligi va nafratini ochiq-oydin ifodalay olmas edi. Shuning uchun u majoziy shakldagi „Zarbulmasal“ asarini yozishga kirishdi. Asarda shoirning maqsadi, hayotga, uni o‘rab olgan muhitga, hokim tabaqalarga bo‘lgan munosabati to‘g‘ridan to‘g‘ri ifoda etilmay, balki hayvonlar, qushlar va shunga o‘xshash majoziy obrazlarning tasviri orqali beriladi. Shoir shu tarzda o‘zi yashagan zamonga, voqea-hodisalarga munosabatini, qarash- larini dadil aks ettiradi. Muallif o‘z masallaridagi majoziy obrazlar orqali hukmron sinf vakillarini fosh qiladi, mamlakatga xarobalik, qashshoqlik keltirgan o‘zaro feodal urushlarga qarshi ommaning noroziligini ifodalaydi. Gulxaniy o‘z asarida majoziy yo‘sinda Yapaloqqush va Boyo‘g‘lining bir-biriga quda bo‘lishi voqeasini keltiradi. Bu ikki quda to‘y bahonasi bilan mamlakatni xonavayron qiladi. Yozuvchi Ko‘rqush, Hudhud, Kulankirsulton, Malik Shohim va Kordonlarning bir-birlariga aytgan masallari, hikoyalari orqali asarning g‘oyaviy mazmunini ochadi. Yapaloqqush va Boyo‘g‘lilar yuqori tabaqa vakillari. Ular- ning xatti-harakatlari, o‘y-fikrlari, yurish-turishlari shumlik, yomonlikdan iborat. Adolatsiz urushlar orqali o‘nlab sha- har va qishloqlarning vayron bo‘lishi ular uchun bay- ramdir. Gulxaniy „Maymun bilan Najjor“ masalida hunarni va hunar ahlini ulug‘laydi, qo‘lidan kelmaydigan ishga uri- nib, kulgi bo‘ladigan ayrim noshud kimsalarni tanqid qiladi. Mehnatkash xalqning og‘ir hayoti va mehnati, huquqsiz- ligi va nochorligi „Òuya bilan bo‘taloq“ masalida ta’sirli vositalarda ochib beriladi. Gulxaniyning tasvirlashicha, tuya hayotda ezilgan, tutqun, erk-ixtiyorsiz, og‘ir mehnatga mahkum etilgan mehnatkash- 88 larning majoziy obrazidir. Bo‘taloq esa, og‘ir, mashaqqatli hayot kechirgan, och-yalang‘ochlikda, muhtojlikda yashagan erksiz mehnatkashlarning timsolidir. Gulxaniyning „Òoshbaqa bilan chayon“ masalida tasvir- langan Òoshbaqa — aqlli, farosatli, sodiq va qadrdon do‘st timsoli bo‘lsa, Chayon butun umri bo‘yi birovlarga ziyon- zahmat yetkazishni kasb qilib olgan, yaxshilikka yomonlik qaytaradigan, xiyonatkor toifalarning ramziy obrazidir. MAYMUN BILAN NAJJOR Bor edi Kashmir novahida tog‘, Bog‘i Eram rashkidan ko‘ksida dog‘. Anda imoratg‘a yarog‘lig‘ yag‘och, Eni — quloch, bo‘yi — o‘n ikki quloch. Bor edi ko‘p ne’mati alvonlari, Xurram-u ma’mur edi hayvonlari. Zulf kabi sunbul xushbo‘ylari, Rohatijon edi oqar suvlari. Uydan ulug‘roq edi bir gulbune, Anda vatan tutmish edi maymune. Jon sotib o‘zni uyin etardi tan, O‘qur edi qissai „Hubbul vatan“. Yer edi ko‘ngli tilagan mevasin, Boshlar edi odamiylik shevasin. Bir kuni najjori xiradmandi fard, Ko‘ngli yog‘och yo‘qligidin qildi dard. Eliga nav kisalarin mistardi, Rasm edi najjor yag‘och istari. Bordi o‘shal tog‘ga — mavquf edi, Ezgu yag‘ochlar anga ma’ruf edi. Shahrni zindonidin ozod o‘lub, Òog‘ni Shirinig‘a Farhod o‘lub. Sonur edi o‘zini tog‘ Xisravi, Òog‘ni o‘qub Dehlaviyi ma’naviy. Borib anga kesti yog‘och keshasin, Qo‘ydi o‘shal yerda unutub teshasin. O‘zga tog‘ga borib yana kesti yag‘och, Bolta birla bir uchini yordi ul, Pona qo‘yub tesha sori bordi ul. 89 Òushti banogoh anga maymun ko‘zi, Oqil-u dono sonub ul dam o‘zi Aydi: „Ulus ichra bu bir kasbdur, Kasbni boshini kessang nasbdur. Kisayi purzar emish elga hunar, Behunar elni dedilar: „Go‘shi xar“. Men dahi najjorlikni o‘rganay, Bolalorim barchasiga o‘rgatay“. Jahd qilib turdi ravon borg‘oli, Ya’ni yog‘och qolmishlarin yorg‘oli. Mindi yag‘och ustig‘a najjordek, Kosibi purgundan purkordek. Ketti hunar shavqi bila g‘ussasi, Òushti yag‘och ayrisig‘a dumchasi. Bil, keynidin bo‘ldi tutulmoqlig‘i, Mumkin emas o‘ldi qutulmoqlig‘i. Odamini jinsida yo‘q qissasi, Qoldi aning dumchasining hissasi. Nasriy bayoni: Kashmir atrofida bir tog‘ bor edi. Uning go‘zalligiga Eram bog‘i rashk qilardi. U tog‘da bo‘yi o‘n ikki va eni bir qulochlik imoratbop yog‘ochlar va xilma-xil noz-ne’matlar bor edi. U yerning hayvonlari ham dorilamon yashardilar. U yerning xushbo‘y sunbullari go‘zallar zulfidek, oqar suvlari ham jonning rohati edi. Òog‘da uydan kattaroq g‘ovlab ketgan bir gul tupi bo‘lib, u yerda bir maymun yashardi. Jon kuydirib, o‘z uy-joyi payidan bo‘lar va tinmay „Sevikli vatan“ qo‘shig‘ini aytardi. U ko‘ngli tilagan mevalarni yer va odamlar qiladigan ishlar payidan bo‘lardi. Bir kuni fahm-farosatda yagona duradgor yog‘och yo‘qli- gidan ko‘ngli g‘ash tortib, qo‘liga naqsh chizadigan yangi chizg‘ichini oldi. Yog‘och izlab topish uning odati edi. Duradgor o‘ziga ilgaridan tanish bo‘lgan, ammo kesishi keyinroqqa mo‘ljallangan yaxshi daraxtlari bo‘lgan o‘sha tog‘ga bordi. U shahar zindonidan qutulib, tog‘ Shiriniga Farhod bo‘lib, o‘zini tog‘ shohi, tog‘ni esa ustoz Dehlaviy hisoblab 90 jo‘nadi. Yetib borib, yog‘och ildizini kesdi va o‘sha yerda o‘z teshasini unutib qoldirdi. Boshqa tog‘ga borib yana yog‘och kesdi va uni yorish gali kelganida, bolta bilan bir uchini yorib pona qo‘ydi-da, teshani olib kelgani ketdi. Òo‘satdan bunga maymunning ko‘zi tushib qoldi. U o‘zini aqlli va dono hisoblab: „Xalq orasida bu ham bir kasb. Kasbdan voz kechsang, haqorat eshitasan. Hunar — elning tilla to‘la cho‘ntagi emish. Hunarsiz kishilarni „Eshakning qulog‘i“ Download 3.01 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling