"Ман дӯстонамро пазмон шудам"

Тибқи иттилоъи ахир, Қирғизистон ва Тоҷикистон дар мавриди оташбас ва хуруҷи нерӯҳо аз марз ба тавофуқ расидаанд.
Тӯли марзи Тоҷикистону Қирғизистон ҳудуди 950 километр буда, пас аз фурӯпошии Иттиҳоди Шӯравӣ даҳҳо қитъаи баҳсбарангези он боқӣ мондааст. Дар соли 2002 раванди музокирот оид ба аломатгузорӣ ва делимитация фаъол шуд ва аз он замон то кунун ҳудуди дусад ҷаласаи комиссияҳо ва гурӯҳҳои корӣ баргузор шуд. Дар ҳоли ҳозир дар ҷараёни делимитатсия ва аломатгузории марз ҳудуди 550 километр қаламрави убури марз мушаххас шудааст. Аммо то кунун дар марзи ду кишвар миёни мардуми маҳаллӣ низоъҳо ба вуҷуд омада, аксаран бо задухӯрд анҷом меёфт.
Аз соли 2014 то кунун дар марзи Қирғизистону Тоҷикистон 11 даргирии ҷиддӣ рух додааст. Ҳамзамон дар соли 2014 панҷ ҳодисаи марзӣ рух додааст. Солҳои 2016-2018 давраи оромии нисбӣ буд. Бо вуҷуди даргириҳо ҷонибҳо аз силоҳи оташфишон истифода накардаанд. Дар соли 2019 даргириҳои шадид аз сар гирифта шуданд.