Maple тизимининг ыисыача характеристикаси

1. Maple тизимининг қисқача характеристикаси

1.1. Maple тизимининг таркиби

Maple — типик интеграллашган тизим бўлиб унинг таркибига қуйидаги воситалар киради:
кучли дастурлаш тили (у тизим билан интерактив мулоқот қилиш воситаси ҳамдир);
дастурлар ва хужжатларни таҳрир қилиш ва тайёрлаш учун таҳрирлагич;
диалог режимида ишлаш имкониятини берувчи замонавий кўп ойнали интерфейс;
минглаб намуналарга эга бўлган кучли маълумотлар тизими;
алгоритмлар ва математик ифодаларни ўзгартириш қоидаларини ўз таркибига олувчи тизимнинг ядроси;
сонли ва символли процессорлар;
диагностика тизими;
бириктирилган ва қўшимча функцийларнинг библиотекаси;
фойдаланувчилар функцияларини ва бошқа айрим дастурлаш тиллари ва дастурларни қўллаб қувватлаш пакетлари.
Юқорида келтирилган воситаларнинг барчасига Maple дастури орқали тўғридан-тўғри кириш мумкин.

1.2. Maple 7 тизимининг тиллари

Maрle тизими ўзининг учта хусусий: кириш, амалга ошириш ва дастурлаш тилларига эга. Унинг кириш тили ўта юқори даражадаги тил бўлиб ҳар қандай мураккабликдаги математик масалаларни ечишга йшналтирилган. Бу тил тизимга тизимга совол , яъни қайта ишланувчи кириш маълумотларини бериш учун хизмат қилади ва ўзининг идеологияси бўйича эски Basic тилига ўхшаб кетади. Кириш тили катта миқдордаги олдиндан аниқланган математик ва график функцияларга, ҳамда зарур бўлганда қўшиладиган библиотекаларга эга.
Maple тизими нoанавий таркибий дастурлаш воситаларини ҳамда кириш тилининг буйруқ ва функцияларини ўз ичига олувчи процедуравий дастурлаш тили— Maple-тилига ҳам эга. Maple тизимини амалга ошириш тили бўлиб энг кучли ва универсал тиллардан бири бўлган Си дастурлаш тили хизмат қилган. Унинг ёрдамида тизим ядросининг дастури ёзилган. Умуман олганда Maple тизими воситаларининг тахминан 5 дан 10% гача қисми Си дастурлаш тилида, қолган 90-95% эса Maple-тилида ёзилган. Maple-тилидаги дастурларни бириктирилган тахрирлагичдан ташқари ташқи тахрирлагичларда (масалан Word да) ҳам тайёрлаш мумкин. Maple тизимининг бириктирилган тахрирлагичи File менюсидаги New ва Open буйруқлари ёрдамида очилади.
Maple-тили таркибий операторларининг (цикл операторлари, шартли ва шартсиз операторлар ва ҳ.к.) синтаксиси Бейсик ва Паскал тиллари синтаксисларининг аралашмасига ўхшаб кетади. Тизим билан ишлашнинг диалог режимида математик ифодалар Бейсикдаги қоидаларга ўхшаш қоидаларга асосан киритилади.