Ma’ruza №2 Ochiq konchilik ishlarining xavfsizligini ta’minlash

1.4.18. Konning ishlangan joyi, shuningdek karyerdagi о‘pirilishlarni toshqin va yuza suvlari, loyqa oqimlari oqib tushishidan tо‘sish kerak.
Bunday holatlarda konchilik ishlari xavfsizligini ta’minlaydigan tadbirlar har yili korxona (karyer) bosh muhandisi tomonidan ishlab chiqilishi kerak.
1.4.19. Kо‘chki va sel xavfi bо‘lgan joylarda ishlarni olib borishda karyerlarni qor kо‘chkilari va sel oqimlaridan himoya qilishga oid choralarni amalga oshirish majburiydir.
Kо‘chki va seldan himoyalanish tadbirlari rejasi mahalliy sharoitlarni hisobga olgan holda ishlab chiqiladi va korxona (karyer) bosh muhandisi tomonidan tasdiqlanadi.
1.4.20. Suv bosgan avvaldan kovlangan va boshqa suv tо‘planadigan joylar yaqinidagi konchilik ishlari korxona texnik rahbari tomonidan tasdiqlangan saqlagich seliklarini qoldirishni kо‘zda tutadigan va ishlarini xavfsiz bajarishni belgilaydigan ishlarni tashkil etish loyihasi bо‘yicha bajarilishi kerak.
1.4.21. Barcha foydalanilayotgan, qayta qurilayotgan va qurilayotgan karyerlar, dragalar, zemsnaryadlar (korxonalar, tashkilotlar) uchun, shu jumladan ochiq konchilik ishlarini olib borayotgan foydali qazilmalarni boyitish korxonalariga ham ixtisoslashtirilgan professional avariya-qutqaruv tuzilmalari (konqutqaruv va shu kabilar) tomonidan xizmat kо‘rsatilishi kerak, qonun bilan kо‘zda tutilgan hollarda esa, о‘zini avariya-qutqaruv xizmatini yoki xodimlaridan shtatda bо‘lmagan avariya-qutqaruv tuzilmalari tuzish kerak
1.4.22. Foydali qazilmalarni ochiq usul bilan qazib oluvchi korxonalar (tashkilotlar) xavfli ishlab chiqarish obyektlarda avariya bо‘lgan taqdirda boshqa shaxslarni umri, sog’lig’i va (yoki) mulkiga, hamda atrof muhitga yetkazilgan zarar yuzasidan mas’uliyatni qonun bilan belgilangan tartibda sug’urtalashga majbur.