Mas’ul muharrir: f f. n dotsent S. Ismoilov Taqrizchilar: f f. n dotsent Sh. Yusupov katta o’qituvchi B. G’ofurov

Jamiyatni falsafiy tahlili

Muhokama uchun savollar:

1. 
   Jamiyatning o’ziga xos jihatlarini tushuntiring?
   
2. 
   Markaziy Osiyo mutafakkirlarining jamiyat haqidagi fikrlarini tushuntirib bering?
   
3. 
   Ijtimoiy falsafa jamiyatni tahlil qilishda qanday tamoyillarga asoslanadi?
   

2-savol bo’yicha dars maqsadi: Jamiyatning bir butun yaxlit tizim ekanligi va uning asosiy sohalari nimalardan iborat ekanligini tushuntirish.
Identiv o’quv maqsadlari:

1. 
   Jamiyat bir butun yaxlit tizim ekanligini izohlaydi.
   
2. 
   Jamiyatning iqtisodiy-ijtimoiy hayot sohalarini tushuntiradi.
   
3. 
   Jamiyatning siyosiy va ma’naviy hayot sohasini tushuntiradi.
   

2-asosiy savolning bayoni:
Kishilararo aloqa va munosabatlar ijtimoiy munosabatlar, deb yuritiladi.
Jamiyat yaxlit tizim sifatida moddiy va ma’naviy omillar birligidan tashkil topgan.
Jamiyat moddiy va ma’naviy omillardan iborat yaxlitlikni ifodalovchi tizim.
Iqtisodiy hayot sohasi jamiyatdagi mavjud moddiy ishlab chiqarishni nazarda tutadi. U jamiyat hayotining iqtisodiy sharoitlarini yaratishdan iborat bo’lgan murakkab ijtimoiy jarayonlarni o’z ichiga oladi.
Jamiyatning ijtimoiy hayoti deganda undagi mavjud turli birliklar, guruhlarning hayoti hamda, ular orasidagi turli-tuman ijtimoiy aloqa va munosabatlar nazarda tutiladi.
Jamiyatning siyosiy hayot sohasi kishilar, siyosiy kuchlar-sinflar, millatlarning o’zaro siyosiy munosabatlarini, ularning davlat hokimiyatini qo’lga kiritish va mustahkamlash borasidagi ongli faoliyatlarini qamrab oladi.
Jamiyatning ma’naviy hayot sohasi unda mavjud ma’naviy ishlab chiqarish va uning natijalari (xilma-xil qarashlar, g’oyalar, ta’limotlar, fan, adabiyot, san’at, ta’lim-tarbiya kabi) ni qamrab oladi.

Muhokama uchun savollar:

1. 
   Jamiyatning moddiy va ma’naviy hayoti deganda nimani tushunasiz?
   
2. 
   Jamiyatning iqtisodiy va ijtimoiy hayotini tushuntirib bering?
   
3. 
   Jamiyatning siyosiy hayotini izohlang?