Маҳсулот таннархи турлари, таркиби ва уларни аниқлаш (калкуляция қилиш) усуллари

Mavzu:Tannarx aniqlashning normativ usuli va og’ishishlar tahlili
Mundarija:
Kirish
Asosiy qism
1. Mahsulot tannarxi turlari va ularni aniqlash tartibi
2.Mahsulot tannarxini kalkulyatsiya qilish usullari
3. Mahsulot tannarxini pasaytirishning manbalari va omillari
4. Mahsulot tannarxini kalkulatsiya qilish;
Xulosa
Foydalanilgan adabiyotlar

Kirish
Ishlab chiqarilgan mahsulot tannarxi hisobot davrida ishlab chiqarilgan tayyor mahsulot qiymatiga olib borilgan ishlab chiqarish xarajatlarini bildiradi. Ishlab chiqarilgan mahsulot tannarxini aniqlash uchun hisobot davrida mahsulot ishlab chiqarishga qilingan jami ishlab chiqarish xarajatlari summasi (2010 “Asosiy ishlab chiqarish” schyotining debet oboroti) hisobot davridagi tugallanmagan ishlab chiqarish summasining sof oʻzgarishiga (2010 “Asosiy ishlab chiqarish” schyotining davr boshi va davr oxiridagi qoldigʻi oʻrtasidagi farq summasiga) oshiriladi yoki kamaytiriladi.
Sotilgan mahsulot tannarxi hisobot davrida omborlarga kirim qilingan jami tayyor mahsulotning sotilgan qismiga toʻgʻri keladigan ishlab chiqarish xarajatlarini bildiradi. Sotilgan mahsulot tannarxini aniqlash uchun hisobot davrida ishlab chiqarilgan va omborlarga kirim qilingan mahsulot tannarxi summasi (2810 “Tayyor mahsulot” schyotining debet oboroti) hisobot davrida tayyor mahsulot zahiralari summasining sof oʻzgarishiga (2810 “Tayyor mahsulot” schyotining davr boshi va davr oxiridagi qoldigʻi oʻrtasidagi farq summasiga) oshiriladi yoki kamaytiriladi.

\

1. MAHSULOT TANNARXI TURLARI VA ULARNI ANIQLASH TARTIBI

Mahsulot tannarxining ikki turi bir-biridan farqlanadi. Bular: (1) ishlab chiqarilgan mahsulot tannarxi;
(2) sotilgan mahsulot tannarxi.
Mahsulot tannarxini ifodalovchi ushbu koʻrsatkichlar boʻyicha hisob maʼlumotlari asosida alohida-alohida “Ishlab chiqarilgan mahsulot tannarxi toʻgʻrisida hisobot” va “Sotilgan mahsulot tannarxi toʻgʻrisida hisobot” tuziladi.