Matematikanı oqıtıwda ko`rgizbeliliktin` a`hmiyeti

3) Tablitsalar: tablitsa dep bir ta`rtip boyınsha qatarlarg`a jazılg`an san yamasa tekstli jazıwg`a aytıladı. Bul materiallardın` barlıg`ın birlestiriwshi tema qoyıladı. Tablitsalar qollanılıwına qarap to`mendegi 4 tu`rge bo`linedi: a) biliwge, b) ko`rsetpe beriwge, v) mag`lıwmat beriwge (spravochnik) baylanıslı boladı. Biliwge baylanıslı tablitsalarda jan`a materiallardı bayan etiwde qollanılatug`ın ha`m jan`a mag`lıwmatlardı o`z ishine alg`an tablitsalar kired

4) Esaplaw a`sbapları. Bunday ko`rgizbeli qural tu`rine shot, abak, arifmetikalıq qutı ha`m komp`yuter kiredi. Abak yamasa esap taxtası ko`binese qoldan jasaladı. 70x30 sm doska alınadı yamasa doskada u`sh sanlı razryadqa tiyisli vertikal jolaqlar sızıladı. Olar birlikler, onlıqlar, ju`zlikler. Razryadlar ko`rinetug`ın bolıwı ushın jolaqlar ha`r qıylı ren` menen boyaladı, ha`r qıylı jolaqshada joqarıdan to`menge qarap 10 nan shege qag`ıladı, olardın` ha`r birine faner yamasa kartonnan jasalg`an do`n`gelekler kiygiziledi. Ha`r bir do`n`gelek bir razryad birligin bildiredi. Arifmetikalıq yashik kub formasında jasalıp, eki ta`repi ashılatug`ın boladı. Ol ko`p mug`dardag`ı esaplaw materialların o`z ishine aladı: brusok, ag`ash kub, kvadrat doska h.t.b. Kub, brusok, doskalardan nomerlew ha`m sanawdı oqıtıwda paydalanıw mu`mkin.