Мавзу: Aгросаноат мажмуаси иқтисодиёти” фанининг предмети вазифалари ва ўрганиш усуллари Режа

Қисқача хулосалар

“Агросаноат мажмуаси иқтисодиёти” фанининг предмети – объектив иқтисодий қонун ва қонуниятларнинг мажмуа тармоқларида амал қилишининг ўзига хос хусусиятларини ўрганишдир. Фан ўз предметини ўрганишда агросаноат мажмуаси тармоқларининг ривожланиш динамикасини алоҳида–алоҳида эмас балки бир-бирига боғлиқ ҳолда ўрганади.

“Агросаноат мажмуаси иқтисодиёти” фанининг асосий вазифалари: мутахассисларни бозор иқтисодиёти шароитида агросаноат мажмуаси тармоқларининг иқтисодий муаммолари, уларнинг ҳозирги ҳолати ва ечимлари тўғрисидаги комплекс билимлар билан қуроллантириш; мутахассисларга агросаноат мажмуаси тармоқларида мавжуд муаммолар ва уларнинг ечими борасида тўғри қарорлар қабул қилишлари учун зарур маълумотлар бериш; агросаноат мажмуасини ривожлантириш борасида давлат сиёсатини ўзида мужассамлаштириш ва уларнинг моҳияти билан мутахассисларни қуроллантириш ҳисобланади.
“Агросанот мажмуаси иқтисодиёти” фани “Иқтисодий назария”, “Макроиқтисодиёт”, “Микроиқтисодиёт”, “Ўзбекистон миллий иқтисодиёти”, “Иқтисодий география”, “Иқтисодий статистика”, “Қишлоқ хўжалиги иқтисодиёти”, “Фермер хўжаликлари иқтисодиёти” “Корхона иқтисодиёти” каби кўплаб иқтисодий фанлар билан узвий боғлиқ ҳолда ривожланади.
“Агросаноат мажмуаси иқтисодиёти” фани тарихий фан бўлиб мустақил йўналиш сифатида 2019 йилларда шаклланди. Унинг ривожига кўплаб аграр иқтисодчи олимлар ҳисса қўшди. Бу фаннинг ривожига бизнинг мамлакатимизда академиклар, Жалилов Х.М., Усманов С.Н., Ким В.В., Хусанов Р.Х., Ғуломов С.С., Лапкин К.И., и.ф.д., профессорлар Қаюмов Ф.Қ., Абдуғаниев А.А.., Хасанжанов Қ., Жўраев А., Хусанов М., Шокиров А.,
Юсупов Э., Хушматов Н., Ҳамдамов Қ.С., доцентлар Махмадиев У., Гаврильюк Л., Огуреева Г.А., Зиявутдинов Ш., Исмаилова Ф., Холботирова У., Галиев Б., Ким В.М., Турсунхўжаев Т.Л., Тўрахўжаев Т.И., Рахимов Б.Р., Рахимов С.Б., Абдуллаев Б.М., Мирзажонов М.Қ., Арипов М., Муртозаев О., Арипов М., Арипов И.М., Ўроқов Н.И., Худойбердиев Ў., каби кўплаб аграр иқтисодчилар катта ҳисса қўшдилар.